المساعد الشخصي الرقمي

مشاهدة النسخة كاملة : يقول الملهبي ( قصيدة 1 )

الملهبي
22-04-2005, 11:48 PM
يامسـندي عطني القلم هات قرطاس = نعطــيك مـن زين المثآل ســميني
وقرب لنا كوم السمر واسحب الفاس = وكسـر حطب ياجعل عمرك اسـنيني
وأخـذ الجروم اللي مـن العـام يباس = ثم حـطـها تحت الســمر ياعـويني
وأشعل لنا ضؤن تقل ضوْ الأعراس = وأدن الـدلال وخـل جـوي يزيـنـي
واحمس لنـا بـريـة تـقعـد الراس = وأحـرس على سـوايها يالفطـيني
وزود بها هيلا دواء كل عـوماس = جابوه منهم للـكـرم محتســيني
وأسـكب لنا فنجال ياطيب السـاس = وأســهر معانا لين صبحي يبـيني
هاضت علي ذيك المشـاعر ولحساس = والدار مـن بعد الحبائب تشــيني
أجلس مـع الجلاس ماشـوف جـلاس = وإن ســـولفو لـكنهم سـاكتيني
والحر ما يصـبر على عيشـة الحاس = وأنذالـها مـن خيرها مهـتـنـيني



للشاعر = الملهبي


آمل أن تنال إعجابكم ..
ودمتم بعز ..


أخوكم
الملهبي
إبن الأروق
23-04-2005, 10:52 PM
صح السانك يالملهبي وكفو من انت منهم

مع احترامي
الملهبي
24-04-2005, 08:30 PM
الى الأخ الكريم ..........ابن الأروق ........... سلمة الله

أولا .... مشكور يابو فلاح على مرورك والأطلاع على المشاركة ..
ثانيا .... ماتكفينا قولت صح ألسانك نبيك تقوم واقف وترحب بأخيك ابن عمك على طول صوتك لين يجتمعون كل المشرفين
يحسبون أنك أنجنيت ولا دروا أنك ترحب بأبن عمك قالوا كفو والله يأبن روق ..
وثالثا .... حب لي خشوم الجماعة اللي تمر عليهم .
ورابعا .... بالنسبة لسوآلك من أنت منهم فالجواب ملهبي من آلآد ابن روق ....... والسلام ختام .... يابن الكرام

ودمتم لآخيكم
الملهبي .... الملهبي ........ الملهبي ........ الملهبي ........ الملهبي ........ الملهبي
إبن الأروق
24-04-2005, 10:53 PM
ونعم يالملهبي ونعم ارحب ارحب .... يالله ان تحييه

ارحب لين تقول بس

وانا ادري انك ملهبي يالملهبي

وآل ملهبه من آلاد رايق معروفين

واللي قلته انا ، ما معناه ان اللي انت منهم كفو .... اللي هم آل روق


تحياتي
الملهبي
26-04-2005, 04:50 PM
أرحب ثم أرحب يابو فلاح ياتاج راسي ...............
.................................................. ..........................
سنائدي والله ياولد العود جعل إعظامة في الجنة ولو كأن لايزال حياً لوصل سعر الذبيحة الحائل 2000 ريال .
هذا إذا ماتسبب في إنقراض كل الشوهآت الحييل منها والهرفي والجذِعة والحاشي والله ياما مسكتة يمينة
إن يروح راسة يتدرباء .......... مرة جاني في الرياض مسير وعندة مراجعة وأقوم وأرحب به وحط القهوة
والقدوع الخلاص والشاهي والطيب الكمبودي عند ابو مخرب ثم قمت من عندة بروح أجيب الذبيحة من السوق قال :
يابو ......... نزل الخروف عنه في السيارة وقفت محتار وقلت له يابو مخرب حنا إذإ جيناك ذبحت لنا وإن جيتنا ذبحت لنا
ولم تترك لنا مجال نشاركك في المراجل قال المراجل لوإنها حكر على أحد ماجاتني ونا ابوك ولا تعدت لك ولا راحت لغيرك ...

رحمة الله رحمة واسعة وتجاوز عنه واسكنة فســيح جناتة أنه ســــــميع مجيب ..

نعود الى الشـــبل من ذاك الأسد

أشكرك يا ابن الأروق على المشاركة والتواصل ,,,,,,,,,,,,,

....................وأسلم لأخيك.................................

الملهبي..........الملهبي..........الملهبي......... .الملهبي..........الملهبي..........الملهبي........ ..


ملحوظة : أسم الملهبي هو أســمي المســتعار كأباقي الأسماء المستعارة وهو أسم على مسمى كما يقال .........