ناصر بن هذال ال شري
09-09-2007, 02:41 PM
الجنيــــه
يقول من عدا حجا راس نايف=والشمس باقي ساعة عن غروبها
رجم على كل المراقيب معتلي=غيرانه اهل الجيش كم قيلوا بها
في الحلم جاني مطلع(ن)للقصيده=مدري جنون الليل بالحلم جوبها
بسم الله الرحمن في كل ساعه=حفظت بيتين(ن)والاخرى سروا بها
ان كان به جن(ن)تساعد على الغنا=فيا جن ..لغنيتها فالعبوا بها
قمت اتلفت للجنوب ..آتخيل =دار ربيت ابها وعشت بهبوبها
كم ليلة عشيت فيها نياقي=حمر(ن)تقول الجوخ كاسي(ن)جنوبها
وكم ليلة(ن)شبيت فيها ناري=نار الخشب سمر "السعيده"شبوبها
يالله لعل المزنه المدلهمه =اللي من القبله تزبر نصوبها
تقبل من المنشى تحن وترعد=تقول بنت فك سحاب ثوبها
وليجات من بين الستر والثعالب =فلت جدايلها وشقت جيوبها
تسقي وطن ربعي هل الجود والثنا=هل سمعت(ن)كل القبايل حكوا بها
اهل الحميا في نهار الحميا=واهل فزعة بيض البني غردوا بها
هذا وانا لي عزوة مسرديه=يشوش راسي دايم(ن)لاعتزوبها
لاقيل يوم الضيق يالاد مسرد=حمر الغتر من روسهم حذفوا بها
كم حدروا من فوق كل مشمر=وكم ذود قوم في الضحى سندوا بها
لامرت اللي ماتغره وسومها=يصد منها مايجي في دروبها
ماسندوا لاهل القرى في قراهم=باعوا بنجد ارواحهم واشتروا بها
ارواح قوم في اللقا تدخل الوغا=تقول خلقت من حديد(ن)قلوبها
وفي كل دار حقها من رجالها =يااهل العقول الزاكيات اشهدوا بها
وختام قولي "لا اله الا الله"=ياللي حظرتوا معنا هللوا بها
يقول من عدا حجا راس نايف=والشمس باقي ساعة عن غروبها
رجم على كل المراقيب معتلي=غيرانه اهل الجيش كم قيلوا بها
في الحلم جاني مطلع(ن)للقصيده=مدري جنون الليل بالحلم جوبها
بسم الله الرحمن في كل ساعه=حفظت بيتين(ن)والاخرى سروا بها
ان كان به جن(ن)تساعد على الغنا=فيا جن ..لغنيتها فالعبوا بها
قمت اتلفت للجنوب ..آتخيل =دار ربيت ابها وعشت بهبوبها
كم ليلة عشيت فيها نياقي=حمر(ن)تقول الجوخ كاسي(ن)جنوبها
وكم ليلة(ن)شبيت فيها ناري=نار الخشب سمر "السعيده"شبوبها
يالله لعل المزنه المدلهمه =اللي من القبله تزبر نصوبها
تقبل من المنشى تحن وترعد=تقول بنت فك سحاب ثوبها
وليجات من بين الستر والثعالب =فلت جدايلها وشقت جيوبها
تسقي وطن ربعي هل الجود والثنا=هل سمعت(ن)كل القبايل حكوا بها
اهل الحميا في نهار الحميا=واهل فزعة بيض البني غردوا بها
هذا وانا لي عزوة مسرديه=يشوش راسي دايم(ن)لاعتزوبها
لاقيل يوم الضيق يالاد مسرد=حمر الغتر من روسهم حذفوا بها
كم حدروا من فوق كل مشمر=وكم ذود قوم في الضحى سندوا بها
لامرت اللي ماتغره وسومها=يصد منها مايجي في دروبها
ماسندوا لاهل القرى في قراهم=باعوا بنجد ارواحهم واشتروا بها
ارواح قوم في اللقا تدخل الوغا=تقول خلقت من حديد(ن)قلوبها
وفي كل دار حقها من رجالها =يااهل العقول الزاكيات اشهدوا بها
وختام قولي "لا اله الا الله"=ياللي حظرتوا معنا هللوا بها