المساعد الشخصي الرقمي

مشاهدة النسخة كاملة : MmX ( شت يور ماوث) XMm رائعة للشاعر ( سعد بن شفلوت )


فارس السروات
08-09-2007, 04:39 PM
شت يور ماوث عسى ماوثـك للعلـه=بيكـوز عنـدي كـلام لا زم آقولـه
خل الحكى عنك ياراعي الحكى خلـه=دام القصايد على الشاشـات منقولـه
هرجك مثل وجهك وكثره مثـل قلـه=وكبود الاجواد من شـرواك مدبولـه
اشغلت نفسك بشي مـا نـت كفولـه=والناس في سالفـة ممـدوح مشغولـه
نوخ ذلولك قبـل تضـوي لـك بفلـه=وارتاح لاشفت غيرك يسرج خيولـه
وان كنت ترضى الهوان وتقبل الزلـه=زلتك ترجـع علـى لحيتـك مدبولـه
والماقف اللي حصل قبل امس في حله=ايشـرف ربوعنـا ويشـرف الدولـه
حنا هـل الديـن والتوحيـد والملـه=قادات حرب ضروس تقـرع طبولـه
في ضـل عبـدالله الله يبطـي بظلـه=الحاكم العـادل اللـي بانـت فعولـه
لو قلت لطلـق شنـب بالله مثـل لـه=بيقول لـك ماحـد مثلـه ولا حولـه
لا بله اخطيـت فـي ماقلـت لا بلـه=سويت لـك حجـة ماهـي بمقبولـه
القـدس محتلـه وبـغـداد محتـلـه=وانـت تكلـم كـلام ضـاع مفعولـه
لو كل شاعـر يعقـد الحبـل ويحلـه=شفت القضايا من اول يـوم محلولـه
ماكل من مسـك حلـق بليـر بيتلـه=ولا كل من قال قـول يقـدر يطولـه
بعض العرب لو جلس في بيته احسله=ماله ومال القصيـد الـذرب وفحولـه
لكن كثير البشـر لـه نهـج وجبلـه=عقـول متفتحـه وعقـول مسطولـه
ماجيت لجل الونس والبسـط والفلـه=ومسامر الجادل اللي يسحـب همولـه
جينـا نـرز العلـم ونطـوق الحلـه=واشنابنـا بالفخـر والعـز مفتـولـه
الجاهـل نعلمـه والـغـاوي نـدلـه=لا ضـاع رايـه وتفكيـره ومدلولـه
عشرة رجاجيل كـل عضمـه يقلـه=وانا فـي اولهـم وشلفـاي مسلولـه
طلاق من راس شفيا ماعـرف الذلـه=الذل ماهـو بلـي معـروف منهولـه
آرد على الموت واصدر منه وآعلـه=وآخوض بحر المخاطر عرضه وطوله
واقلط على العـود والمفـرود والدلـه=يوم انت تقلط علـى حمـص وتبولـه
ماني بمن راس ابن شفلـوت عبـدالله=اما جعلت العقـول تصيـر مذهولـه
لـي لابـة ترتكـي للحمـل وتشلـه=ساس العرب من قديم الوقت وزحولـه
صبيان قحطان مدهـال الفخـر كلـه=قوم على الطيب والفزعـات مجبولـه
تزعموا نجـد يـوم الحـرب منهلـه=قبل الموحد يجـول بنجـد ويصولـه
واليوم كل مـن الثانـي بـرد غلـه=من يوم جا طاري معزي ومرسولـه
والفوز والـرزق والتوفيـق بيـد الله=كـل وحظـه ومجهـوده ومحصولـه
والله لونها بضـرب السيـف والسلـه=لا فـوز بالجايـزه وآفـوز بالجولـه



سعد بن شفلوت

ابن خضير
08-09-2007, 11:45 PM
بسم الله الرحمن الرحيم
السلام عليكم ورحمة الله وبركاته


صح لساااااااااااااااااااااان الشاعر

والله يحفظك

قحطاني وبس
13-09-2007, 04:03 AM
قصيدة لاتصدر إلا من شاعر متمكن

والشاعر سعد بن شفلوت من المبدعين

لاهنت يافارس

أبو أصايل
13-09-2007, 05:50 PM
يعطيك العافية

سعيد الجهيمي
15-09-2007, 02:58 AM
السلام عليكم ورحمة الله وبركاته

صح لسان الشاعر وتسلم ايدك على القصيده الرائعه

بس عندي استفسار هل الشاعر

سعد بن مناحي
أو
سعد بن عبدالله المناديه

عبدالله المهداني
15-09-2007, 05:53 AM
صح والله لساااااااان ابو عبدالله


شااااااااعر منطلق على صاااااااااروخ



تحياتي يا فاااااااارس السروااااات

ساج الوقت المشعلي
18-09-2007, 10:16 PM
لاهنت يافارس السروات على نقل القصيدة

وصح لسان ابو عبدالله

تقبل تحياتي

ابومشرف
19-09-2007, 01:24 AM
السلام عليكم ورحمة الله وبركاته


لي الفخر ان الشاعر القدير / من طلابى فى المرحلة المتوسطة . وكان هو وابن عمه/ عوض بن شفلوت

من خيرة الطلاب علما وخلقا ................ونعم بنسل ال شفلوت المنادية ...!!!


وكما قال المثل : تلميذ تفوق على معلمة .......... مقولة اطلقت على اليابان عندما تفوق على الغرب الذى

الذى بدات الثورة الحديثة منه ..............!!!

_ فكم كنت اردد هذه الكلمة ( Shut your mouth ) شت يور ماوث _ ومرت السنين !!!!!!!!!


_ تحياتى من الاعماق لشاعر القدير ابو عبدالله الشفلوتتتتتتت............ مع احلى تحية .....!!

رد ..... قصيدة مدح....!!!!!

تحياتىلك من القلب تحياتن مهله .............................لابن شفلوت وابوه وابن عمه

ابن شيخ مقدم بنى عمه وجمل له............................. شيال الثقال عنهم ولا همه

بن مشرف قالها عن عرف يندله.............................معرفة الشفاليت من بنى عمه

ابومشرف من كرام والكرم لله...............................الله شاهد قلتها من قلبى ومحبه

من سال ما تاه عنى واعلم له.......................... بنى جدى معشى الضيف مرحب به

قصة معروفة عند القوم وتدله ......................على الماضى اخبار تدل وتعلم به
@@@@@@@@@@@@@@@@@@@@@@@@@@@@@@@@@@


_وكم اتمنى ان يرد الى بقصيد ة عبر هذا لمنتدى الطيب ...............!!!!!

شكرا لك يا فارس السروات وشكرا لابن شفلوت على هذه القصيده المعبرة ........!!!!!!!!!!!!!!

:71_asmilies-com: :71_asmilies-com:(ابومشرف البشرى)1_asmilies-com: :71_asmilies-com: :71_asmilies-com:

فلاح آل راكان
20-09-2007, 09:12 PM
بسم الله الرحمن الرحيم
السلام عليكم ورحمة الله وبركاته

لاهنت يا فارس السروات وابيض وجه على النقل

وصح الله السان الشاعر المبدع الجزل الوافي

سعد بن شفلوت

وتقبل مروري نفدا خشمك