المساعد الشخصي الرقمي

مشاهدة النسخة كاملة : قصيدة رثاء في فقيد أسرة ال عبود وقبيلة ال مسعود


شيهان
21-04-2005, 03:51 PM
السلام عليكم ورحمة الله وبركاتة
هذة قصيدة قالها /فهاد محمد فهاد المشعلي.... في فقيد اسرة ال عبود وقبيلة ال مسعود المرحو باذن الله/ عبد العزيز بن عايض ابن عبود...
]


سبحان رب كون الكون واجراه= رب جعل في الناس شامح ومدثور
اللي شمخ يالربع من فعل يمناه= رجل على علم الوفا دوم مذكور
راعي الوفا شيد على الطيب مبناه= بيت الوفا يكسي ظلام الدهر نور
والبيت له مدخل وسور بيحماه= وشيخ القبيلة يالنشاما لها سور
والشيخ له سيف يسله بيمناه= لا جا نهار فيه طايح ومكسور
حزام عز في المهمات يلقاه= اما بنطح القوم ولا معه شور
شور سمين يفصل الدر من ماه=يروي الظمي اللي لها سنين وشهور
وافي الخصال اللي ربا الطيب بحماه=طيب على ساس ولا يقربه زور
حر شهر بين القبايل بطرياه=لاجا مجاله ماذكر عنده قصور
كريم سبلا سعد من هو تنصاه=نفسه ضحيه دون من جاه مقهور
ان جات له بمرزاق الطيب والجاه=ولا عسفها عسف شقراء بباكور
هذي تراها وصف من زار مولاه=وارسل وليه له مناديب وسبور
قال انتهت رحلتك خطك قطعناه=اسلك طريق عابره كل مغرور
ابن ادم مغرور في وسط دنياه=لابد له يوم على الرب مخبور
بو عايض عزيز ترانا فقدناه=عسى عزاكم يال عبود مجبور
من يعرف عزيز ترى ماتناساه=لعل من خلفه شياهين وصقور
ياسيف بن عبود عزاه عزاه=مرحوم ياسيف فلج كل طابور
كل الخصال الطيبه من سجاياه= لعل سيفه عن مولاه مشكور
وختامها وعداد حرف قريناه= ذكر الولي رب شرح سوره الطور
[/list]
[/list]
[/list]
نشكر الشاعر /فهاد محمد المشعلي
وحقيقة ان /عبد العزيز عايض ابن عبود فقيدة على ال عبود خاصة وكل قحطان عامة

المهلهل
21-04-2005, 04:56 PM
قصيدة رثاء جيدة
والله يرحم الميت ويجعل قبرة روضة من رياض الجنة
ويحسن عزاء قبيلة ال مسعود

تركي الفهري
22-04-2005, 04:28 PM
صح لسان الشاعر والله يرحم الشيخ عبدالعزيز بن عايض بن عبود

ولاهنت على هذا النقل

نجل الضياغم
22-04-2005, 04:52 PM
رحم الله ابوعايض وكنت اعرفه ونعم الرجل الذي كان يتصف بجميع الصفات الحميده اسئل الله العلي العضيم ان يسكنه فسيح جناته واشكر الشاعر على مشاعره الطيبه

فارس قحطان
26-04-2005, 10:56 PM
رحم الله الشيخ عبد العزيز بن عايض ابن عبود

وصح لسان الشاعر

وسلمت يدينك على النقل

خيــّال السمــرا
26-04-2005, 11:09 PM
رحمة الله على ابو ذيب انا اشهد انه فقيدة

صح لسان الشاعر وفي ذمتي مالومه

ولاهنت ياخوي على نقلها لنا

شيهان
27-04-2005, 11:33 PM
جزاكم الله الف خير

ابن خزام
28-04-2005, 10:47 AM
الله يرحم الشيخ


وصح لسان الشاعر

ولا هنت

معيض المسعودي
09-05-2005, 08:17 PM
الله يرحمه ويسكنه فسيح جناته باذن الله
ولاهنت ياشيهان على نقل القصيده

شيهان
12-08-2005, 03:35 PM
مكشورين وماقصرتم

ابن وهف
12-08-2005, 06:06 PM
رحمه الله واسكنه فسيح جناته

مسفر بن دريم العبيدي
13-08-2005, 01:33 AM
رحـــــــــــمه الله واسكــــــنه فـسيح جـــناتــــه



وجزاك الله كل خير

العريدي
13-08-2005, 11:45 AM
الله يرحمه .. الله يتجاوز عنه ...... الله يجمعنا وياه في الجنة ........

آآآمين

ولد آل معمر
25-08-2005, 02:59 PM
صح لسانك ولسان الشاعر