المساعد الشخصي الرقمي

مشاهدة النسخة كاملة : قصيدة أقول فيها


الملهبي
21-04-2005, 03:31 AM
يامسـندي عطني القلم هات قرطاس = نعطــيك مـن زين المثآل ســميني

وقرب لنا كوم السمر واسحب الفاس =وكسر حطب نسهر مع الساهريني

وأخـذ الجروم اللي مـن العـام يباس =ثم حـطـها تحت الســمر ياعـويني

وأشعل لنا ضؤن تقل ضوْ الأعراس =وأدن الـدلال وخـل جـوي يزيـنـي

واحـمـس لنـا بـريـة تـقـعـد الـراس =وأحـرس على سـوايها يالفطيني

وزود بها هيلا دواء كل عـوماس =جابوه منهم للـكـرم محتســيني

وأسكب لنا فنجال ياطيب الساس =وأسهر معانا لين صبحي يبيني

هاضت علي ذيك المشاعر ولحساس =والدار مـن بعد الحبائب تشــيني

أجلس مـع الجلاس ماشـوف جـلاس =وإن ســـولفو لـكنهم سـاكتيني

والحر مايصبر على عيشة الحاس = وأنذالها مـن خيرها مهتنـيني

تركي الفهري
22-04-2005, 04:01 PM
صح لسانك يالملهبي

الربع
22-04-2005, 07:55 PM
احسنت
وصح لسانك
والله يعطيك العافية
نورت الصفحة
يا وجهة ال علي
واصل ونبغى الجديد

ملحف الرفيدي
22-04-2005, 08:53 PM
يعطيك العافية يا المهلباني وصح لسانك

ذيب العبيدي
22-04-2005, 09:22 PM
الملهبي



جميل جدأ هذا النص



لاهنت والله يعافيك



وبودي ان تكتب اسمك تحته اذا كان

لك


تحياتي لك



العبيدي

الملهبي
23-04-2005, 04:03 PM
الآخوة الآكارم

تركي الفهري

الربع

ملحف الرفيدي

نثمن لكم مروركم ولكم مني كل محبة وتقدير .........................


الأخ الكريم ذيب العبيدي

شكرا جزيلا على تقديرك للقصيدة وتقبل وافر تحياتي
ملحوطة : بعد تنسيق النص الذي قمت به لم أستطع الدخول على القصيدة وكتابة الأســــــم .
آمل المساعدة وشكرا


أخوكم

الملهبي