المساعد الشخصي الرقمي

مشاهدة النسخة كاملة : يالله ياخالـق اراضيـن وابحـار


يحيى أبن عبدالله
31-08-2007, 05:56 PM
أخوتي الكرام هذه القصيدة الممتازة لاأعرف من هو قائلها ولكن أعجبتني فأحببت لكم قراءتها
وأقول صح السان الشاعر الشهراني الذي لا أعرف أسمه 00000000000000000

يالله ياخالـق اراضيـن وابحـار **** الواحـد المعـبـود رازق عبـيـده

الخالق الغفار علام الاسرار **** وفرق شعـوب الارض فـي كـل يـده

وابدي واسولف من عذيبات الاشعار **** ابيات شعـر والمعانـي وكيـده

اشري وابيع واعرف كيف بختار **** واختار من جزل البيـوت الفريـده

وذ كرتراث وعز وامجـاد وافخـار **** قبائـل تومـن بديـن وعقيـده

وصلت حضارتنا على سطح الاقمار **** ابنـا الجزيـر والجزيـره مجيـده

في ظل حكام لهم فعل واشوار **** ال السعـود اللـي تفـك الضهيـده

نسل الزعيم الحاكم العـادل البـار **** مجـدد امجـاد الجزيـره بجيـده

حتى اصبحت حره وحنا له انصار **** في ظل اخو نوره هنـوف سعيـده

وصارت لابو تركي بطوله وتذكار **** والفخر والامجـاد تبقـى شهيـده

وخلف لنا املوك لهم فعل واخبار **** الشعب واحـد والقيـاده رشيـده

والامن بانينه على ساس وجدار **** وقرو على العابـث عقوبـه شديـده

وحنا حماة الدار من كل غدار **** ومـا همنـا بطشـه وخبثـه وكيـده

قبائل مالحقناهـم اوعـار **** وعشنـا بهـذي الـدار عيشـه رغيـده

والحمد لله نحمده سر واجهار **** شعـب تكاتـف مـن سنيـن مديـده

ودون الوطن جيش على كل معبار **** لارفرف البيـرق ونـادى عقيـده

بشرق البلاد وغربها دوم حضار **** وارض الشمال اللي نفـوده مديـده

وارض الجنوب اللي تخيضر بالاشجار **** جزيرة فيهـا القبايـل عديـده

ارض بها قحطان وافين الاشبـار **** وياعـز منهـم بالشدايـد بسيـده

واذكر عتيبه يوم للطيب مغوار **** لا ثـارت الهيجـا وقـرب ضديـده

وشمر هل الطولات والجود مقدار **** اهل الكرم واهل الفعول الحميـده

وقوم اعنزه مروين الاخصام الامرار **** اولاد وايل من عصـور عهيـده

ومطير قوم تكرم الضيف لا زرار **** وياويل خصم في حراهـم وعيـده

واذكر قبيلة حرب يانعم الاخيار **** وتاريخهـم يحكـي سطـور مجيـده

وسبيع نعم القوم ووجيه الاسفار **** زبن الدخيل ليا زبـن مـن طريـده

واذكر قبيلة يام والطيب ينـدار **** اهـل العلـوم الوافيـه والرشيـده

ثم الدواسر تجعل الخصم منهـار **** عيـال زايـد عـز منهـم سنيـده

ثم السهول اللي لها الطيب مدرار **** وعن منهج العادات ماهـي محيـده

ثم اذكر العجمان حمايـة الجـار **** والمرجلـه والجـاه فيهـم عتيـده

واذكر بني مره طويلين الاعمـار **** مـا ينقـد المـري ولا لـه نقيـده

ثم الهواجر لابة تقدح النار **** اهـل الركـاب اللـي خطاهـا بعيـده

واذكر بني خالد قبيلة وامار **** قوم لهـم فـي المجـد قـول ورصيـده

وبني تميم اللي لها الطيب مصـدار **** بنـي تميـم وكـل فعـل تجيـده

ثم الزعوب اللي بها الخصم يحتار **** شجعـان ماترضـى سـوا ماتريـده

العازمي وافي وفي الطيب بيطار **** روحه على كـل المصاعـب صميـده

ثم الظفيري في المصاعيب جبار **** والطيب والامـداح باصلـه وطيـده

ثم اذكر الاشراف بجلال واكبار **** اهل الحجاز اللـي تفـك الزهيـده

ثم الهذيلي له مواقف ومندار **** راعي الفخر راعـي العلـوم السديـده

ثم البقوم اللي لهم جيش وامهار **** ريف الضيـوف ليـا لفاهـم وليـده

واذكر ثقيف اللي لهم مجد وآثار **** ومهما حسبنـا مـن كـلام نعيـده

وبلحارث اهل العز بشهود واقرار **** ا لحارثي ياطيـب فعلـه وجيـده

والمالكي معروف لا صار ما صار **** في موقف اهل الطيب يبذل جهيـده

واثني تحياتي عدد وبل الامطار **** علـى سليـم وكـل خصـم تكيـده

واذكر جهينه هل مواقيف وادوار **** تلقى الجهيني راسم الطيـب بيـده

واذكر بلي والمجدله فعل واظهار **** وتاريخهـم يحكـي فعـول فريـده

وبني عطيه في المواجيب حضـار **** قـوم بوقـت الجـد قـوم عنيـده

ثم الحويطي والكرامه له اشعار **** ثـم الشـراري لـه فعـول مفيـده

ثم الرشيدي في الصعيبات صبار **** على علـوم الطيـب فعلـه يزيـده

وباقي جنوب الدار والقاف مادار **** باقي على قلبـي كـلام واشيـده

زهران نعم القوم في وقت الاضرار **** والخصم عينه من لقاهـا سهيـده

والغامدي معروف له عزم واصرار **** راعي المراجـل والعلـوم المفيـده

وشمران قوم والجمايل لها اطوار **** وبلقـرن سـم للقلـوب النكيـده

والاكلبي والمحلفـي مابعـد بـار **** والحارثـي طيبـه وفعلـه يشيـده

وبني شهر وبني عمر سيف بتار **** قـوم علـى الاخصـام نـار وقيـده

والاسمري والاحمري صيتهم سار **** بيـن القبايـل والمواقـف شهيـده

واذكر عسير الهول ذربين الاذكار **** وابها احتموها فالسنيـن الشديـده

وادهم والصيعر على حد الاقطار **** يحمون حد الدار من اللـي يريـده

وامشي مع الساحل مع جمله افكـار **** رسمتهـا والطيـر زان اتغريـده

وانزل على جيزان تاريخ واديار **** ورجـال فيفـا والقبايـل عديـده

وارجوا العذر واهل المواجيب عذار **** الي نسيته مانذكر فـي القصيـده

الواهبي عدد ابيوته بـالادوار **** مـن شاعـر ماشـل قلبـه حقيـده

شهران ربعي هم هل المدح والكار **** واهل الكند واهل السيوف الجديده

يوم البلد مايامن الزند لاثار **** زيزومنـا ابـن مشيـط نعـم الوليـده

فالجهل شجعان وفي السلم تجار **** مـن بطـن بيشـه للتهـم لارفيـده

حبيت ابين موقفي بين شعار **** وارجوا سموحتكـم علـى ذا النشيـده

ماحب انافق واتعنصر تعنصار **** ولا ني باطيع اهـل العقـول البليـده

ما كل من طب البحر قيل بحار **** وما كل من شل الفشق جاب صيـده

فالشعر بستـان بـه ورد وازهـار **** واللـي تعداهـا بيوتـه فقيـده

واقولها في الشعر تكرار وامرار **** ضرف بـلا عنـوان يلغـى بريـده

وبعض السوالف له مواقف ومحضار**** وشعر بـلا معنـى لـزوم نبيـده

وصلوا على المرسول شفاع الابرار**** محمـد الهـادي وقـدوة عبيـده

مشخص الفهري
31-08-2007, 06:43 PM
بسم الله الرحمن الرحيم

السلام عليكم ورحمة الله وبركاته

صح لسانك

سعيد بن مسعود آل مهدي
01-09-2007, 12:49 AM
أبيض وجه ياراوي الجدير

ولاهنت على ما نقلت لنا

تحياتي

شامانـ العاطفي
01-09-2007, 01:06 AM
الاهنت يالراوي الجدير على نقل القصايد

الطيبة وجعلك سالم وغانم ,,,,,

يحيى أبن عبدالله
01-09-2007, 01:28 AM
بسم الله الرحمن الرحيم
السلام عليكم ورحمة الله وبركاته
لالالالالالالالالالاهنتو ا جميعا على مروركم
مشخص الفهري
سعيد بن مسعود
ابن الاسود العاطفي

مبارك بن ذيبان
01-09-2007, 01:35 AM
بيض الله وجهك و قصيده روعه
ولا هـــــــــــــــــــــــنت

ناصر بن محمد
05-09-2007, 02:57 AM
صح لسان الشاعر ولاهنت

يحيى أبن عبدالله
05-09-2007, 10:50 AM
بسم الله الرحمن الرحيم
السلام عليكم ورحمة الله وبركاته
لالالالالالالالالالاهنتو ا جميعا على مروركم
مبارك بن ذيبان
ناصربن محمد

عاشق الليل
05-09-2007, 01:31 PM
بسم الله الرحمن الرحيم


أبيض وجه ياراوي الجدير

ولاهنت على ما نقلت لنا

مــــــــــــــشكور

ابوتركي العبيدي
05-09-2007, 02:32 PM
السلام عليكم ورحمة الله وبركاته


تسلم يمناك على النقل

فارس ال فرس
06-09-2007, 06:07 AM
تستحق مسمى الراوي الجدير

اااالف شكر

وصحيح نقلت قصيده قيمه

تقبل مروري

ابن خضير
07-09-2007, 08:57 AM
بسم الله الرحمن الرحيم
السلام عليكم ورحمة الله وبركاته



صح لسان الشاعر ولاهنت

يحيى أبن عبدالله
08-09-2007, 07:24 PM
بسم الله الرحمن الرحيم
السلام عليكم ورحمة الله وبركاته
شكرا لكل من شاركنا ولكم تحياتي