خليل بن هدلان
18-04-2005, 03:58 AM
حل الرحيل وفرقوا شمل الاحباب= ناس على فرقا الاحبا مغاليل
غدا لهم مع طلعة الشمس ضبضاب= وسالت دموع العين مثل الهماليل
وقفت اراعي سيد تلعات الارقاب= وأغضي وهو يغضي بسود مظاليل
بشفاه يظهر ما تخفي بالالباب= وبشفاي افصّل له عن الحال تفصيل
اسرار ودٍ بين صايب ومنصاب= نجوى لها باقصى الضماير مداهيل
سراير تنساب من تحت الاجياب= لصدور أطهر من قراح الشهاليل
روحي على حبه لها كم جذاب= ويتل قلبي عذب الانياب بالحيل
لو ان حبه يطعن القلب بحراب= ابرا اليا شميت بيض معاسيل
على نقا ماني بغار وكساب= وبالعرض والله ما ندور محاصيل
مانيب من يجرح عشيره بالاسباب= ويحط له مع كل ريع محابيل
بس الحديث وقرعة الناب بالناب=واظهار مكنون الغلا والتعاليل
عزي لمن مثلي من الحب منصاب= تارد عليه هموم قلبه زعاجيل
اليا رقا مرقاب ناداه مرقاب= بمفارق الخلان شاف الغرابيل
الله لا يجزى عريبين الانساب= لو هم على ما قيل سوٍ على الخيل
اللي سعوا بافراق وضّاح الانياب= وخلوني اجرع من عنا الغبن واشيل
فرقا ومنها القلب وسط الحشا ذاب= وعسى هل الفرقا لهم صافي الويل
عسى يصادفهم من الغيث سكاب= وبله غضب ما بيه يمطر لهم سيل
ابيه يجدع مثل قلات الاطواب= منها البرد ينماز كبر المخاليل
وصواعق منها المواليد شياب= والحي منهم ذاهل العقل بهليل
بأمر الكريم ومن ترجاه ما خاب= يمطر عليهم مثل ما جا هل الفيل
الا لطيف الروح يذريه بحجاب= كنه براس الطور وهم من ورا النيل
ويرجع علينا جادل يزها الاسلاب= من خلقته ما نيش عرضه ولا قيل
به ما يعيبه للبعيدين واقراب= حاشا ولا تلقى عليه المداخيل
نقي عرض ولا عشق كل نصّاب= الجوهر الغالي رفيع المناويل
وانا يصارحني بلا سر وكتاب= وعن حالته يشرح لي العدل والميل
هرجه على قلبي كما الشهد ينذاب= وقلبي على قلبه يرد المراسيل
كنه بعيني لو غضب كل عتاب= بدر تعلا كوكب الجدي وسهيل
طفل سلب مكنون عقلي والالهاب= عليه اجاوب نايحات البلابيل
يا شطون قلبي زجّي السر بكتاب= مني لابو غشام زبن المشاكيل
قولي رفيقه من هوا الزين ما تاب= ويرجيه رجوا البدو وبل المخاييل
وبالليل ياقف له عن النوم حرّاب= وكنه يلوج بموق عينه سماليل
الامير محمد السديري
غدا لهم مع طلعة الشمس ضبضاب= وسالت دموع العين مثل الهماليل
وقفت اراعي سيد تلعات الارقاب= وأغضي وهو يغضي بسود مظاليل
بشفاه يظهر ما تخفي بالالباب= وبشفاي افصّل له عن الحال تفصيل
اسرار ودٍ بين صايب ومنصاب= نجوى لها باقصى الضماير مداهيل
سراير تنساب من تحت الاجياب= لصدور أطهر من قراح الشهاليل
روحي على حبه لها كم جذاب= ويتل قلبي عذب الانياب بالحيل
لو ان حبه يطعن القلب بحراب= ابرا اليا شميت بيض معاسيل
على نقا ماني بغار وكساب= وبالعرض والله ما ندور محاصيل
مانيب من يجرح عشيره بالاسباب= ويحط له مع كل ريع محابيل
بس الحديث وقرعة الناب بالناب=واظهار مكنون الغلا والتعاليل
عزي لمن مثلي من الحب منصاب= تارد عليه هموم قلبه زعاجيل
اليا رقا مرقاب ناداه مرقاب= بمفارق الخلان شاف الغرابيل
الله لا يجزى عريبين الانساب= لو هم على ما قيل سوٍ على الخيل
اللي سعوا بافراق وضّاح الانياب= وخلوني اجرع من عنا الغبن واشيل
فرقا ومنها القلب وسط الحشا ذاب= وعسى هل الفرقا لهم صافي الويل
عسى يصادفهم من الغيث سكاب= وبله غضب ما بيه يمطر لهم سيل
ابيه يجدع مثل قلات الاطواب= منها البرد ينماز كبر المخاليل
وصواعق منها المواليد شياب= والحي منهم ذاهل العقل بهليل
بأمر الكريم ومن ترجاه ما خاب= يمطر عليهم مثل ما جا هل الفيل
الا لطيف الروح يذريه بحجاب= كنه براس الطور وهم من ورا النيل
ويرجع علينا جادل يزها الاسلاب= من خلقته ما نيش عرضه ولا قيل
به ما يعيبه للبعيدين واقراب= حاشا ولا تلقى عليه المداخيل
نقي عرض ولا عشق كل نصّاب= الجوهر الغالي رفيع المناويل
وانا يصارحني بلا سر وكتاب= وعن حالته يشرح لي العدل والميل
هرجه على قلبي كما الشهد ينذاب= وقلبي على قلبه يرد المراسيل
كنه بعيني لو غضب كل عتاب= بدر تعلا كوكب الجدي وسهيل
طفل سلب مكنون عقلي والالهاب= عليه اجاوب نايحات البلابيل
يا شطون قلبي زجّي السر بكتاب= مني لابو غشام زبن المشاكيل
قولي رفيقه من هوا الزين ما تاب= ويرجيه رجوا البدو وبل المخاييل
وبالليل ياقف له عن النوم حرّاب= وكنه يلوج بموق عينه سماليل
الامير محمد السديري