مستشفى الأمير سلمان بالرياض يحتاج لمستشفى آخر ليقوم بعلاجه !!

[عبدالله بن غفره]

بسم الله الرحمن الرحيم


فالبداية ترددت كثير بأن أكتب هذا الموضوع لكن قررت في النهاية بأن اقوم بكتابة ووضعه في الشبكة


وذلك حرصاً مني لرقي والغيرة على إداء المستشفيات والتقصير الحاصل أمام الملا


فحكومتنا الرشيدة اعزها الله بقيادة خادم الحرمين الشرفين وولي عهده الأمين وأمير منطقة الرياض


لم يقصرو بشيء من الناحية الماديه او المعنوية فالبطانة العفنه تفكر كيف تسرق وكيف تلمع شخصيتها


أمام ولاة الأمر وهي لم تفعل شياً يخدم الوطن والمواطنين


بالعادة لا أذهب إلى المستشفيات الحكومية بل أختصر الجهد والوقت و أذهب لمستشفى أهلي لحسن التعامل


ونظافة المكان والرعاية اللازمة .


وليلة البارحة تفأجأت بالم شديد وأحمرار وإنتفاخ في عين ( غاده )


وذهبت مسرعاً إلى مستشفى الأمير سلمان ( غرب الرياض ويخدم عدة أحياء كبيرة وزحمة سكانية شديدة )

فكأن الوقت متأخراً فكنت متوقع عدم وجود الزحمة وبذلك سوف تكون الرعاية حسب المطلوب وتعدل وضعه في السنتين الآخيرتين لاني بكل صراحة من وقت طويل جداً لم أذهب إليه لمعرفتي التامة به وبخدماته


وتفأجأت بكاونتر الإستقبال خالي من الموظفين وزحمة المراجعين أمام الشباك في إنتظار سعادة الآخ


ولما وصل إذا به يتمايل خايف لا يتكسر وداق ذيك الشخصية كنها ليلة زواجة وعطره يشق الخشم شق:)


المواطنين على إعصابهم وهو ابرد ماعنده احر ماعندهم

وبعدها إخذت ورقة التسجيل وذهب لغرفة الكشف على الإطفال

ممرضة ( منزوية في غريفة تسد النفس والغرفة بالمناسبة يبغالها كشف :)


وجهتني لغرفة الطبيب وإذا بالمراجعين المنتظرين إدوارهم مايقارب 20 شخص من الرجال وصالة إنتظار النساء مليئة بالمنتطرات

بعض المراجعين مل الإنتظار وذهب بآلامه واوجاعه

تفأجأت لما رأيت الطبيب المعني بالذهاب إليه هو الذي يستلم الأوراق وهو من يكشف الكشف الأولى وهو ( بتاع كلو )


دخلت على الدكتور بعد إنتظار مايقارب الساعتين يكلم من طرف خشمه

وصلنا لمرحلة الكشف وإذا به يقول حطها على الطاولة ( يعني طاولته المخصصه لكتابة الوصفات والتقارير الطبية )

قلت له ليش مافيه سرير قال الإطفال مايحتاجون إسره على طول لآن حالتهم تكون بسيطة يقولها بكل بجاحة !!

فقررت بعد الإنتهاء من الكشف الذهاب إلى مكتب المناوبين لشرح الحاصل وإذا بمكتب المناوب من الإثاث الفاخر

والديكورات التي تفتح النفس والكرسي لحاله إكبر من الطاولة :)


مكتب خالي من الآوادم ومستشفى خالي من المراقبة

هل يعقل بإن الدولة إعزها الله لم توفر إلا دكتور واحد إطفال في الفترة المسائية أم سعادة المناوب معطيهم إجازة !!



فعلاًَ مستشفى يحتاج إلى مستشفى



( كتبت الموضوع على عجل فأتمنى المعذره على التقصير والإطالة )

تحياتي


أبو غادة

[مرتاح البال]

طيب هذا في العاصمه --يعني رمية حجر عن الوزاره --ويش عذرهم في هذا التقصير وغيره --فما هو الحال في المدن الاخرى

انه الفساد الاداري ولا غيره

لا امانه --ولا وطنيه --ولا نزاهه --ولا حياء

لو كان هناك خطوط مباشره الى المسؤل --- ويكون هذا المسؤل قد المسؤليه--كان تحسن الوضع

لا ينقصنا شيء ---سوى الاصلاح الاداري فقط ---والمتابعه --والمحاسبه
----------
نتمنى --للأبنه غاده الصحه والعافيه

تحياتي

[فالح الذيب]

أولاً الحمد لله على سلامة غادة

ثانياً: معروف المستشفيات الحكومية فيها تسيب و إهمال وعدم مبالاة بالمراجعين لا وفي أحسن المستشفيات الحكومية المعروفة ( حول شارع الستنين) لا زم تحجز موعد حق بكرة >> هذا إذا لقيت وإذا جيت للدكتور عطاك وصفة حبة صباح وحبة مساء ولا جيت للصيدلية تقعد ساعة إلين يجيك الدور ثم يقولك العلاج ذا مو موجود ,,,

ولا جيت للطوارئ ما فيه إلا دكتور واحد مع أن أكثر الحالات طارئة طارئة

المشكلة ما فيه مراقبة من مسؤوول يا خي والله فوضى

صدقني إذا رحت أي مكان حكومي لازم تصير مشكلة يا تصيرلي أو تصير للآخرين

أبو غادة مثل الحالة هذي أقرب روح أقرب مستشفى أهلي لأنه الأفضل

ونتمنى لغادة ولأبو غادة والجميع بالصحة والعافية

[ابن خضير]

بسم الله الرحمن الرحيم
السلام عليكم ورحمة الله وبركاته

ابوغاده

الله يحفظها ويعطيها

الصحه والسلامه

اخوي

الله يعدلها

وللمعلوميه هذا حال اغلب المستشفيات

اذ لم تكن كلها!!!

واذ حبيت تشوف المهزله بجد اذهب لشميسي اغلب الموجودين اجانب

والمدير المناوب نايم

يعني ما حولك احد

ولا الصيدليه

وما ادراك ما الصيدليه

حكايه ثانيه

واغلبها لا يوجد علاج

ليش ما ادري؟؟؟؟؟؟؟؟؟؟؟؟

[شامانـ العاطفي]

الأخ أبو غادة الحويصلي:

الحمد لله على سلامة البنت وأقول لك هذا المستشفى جنب بيتنا


وأبشرك ما نيب أتية لو أيش يزودون مرضك مرض ودايم 24 ساعة زحمة على


الفاضي وتشوف حقين الدخل متكين عندةوطوارئ بعد أزفت وازفت وسمعة


المستشفى بريالين ما تسوى الله لا يحوجنا لة ,,,,,,,,,

[عبدالله بن غفره]

طيب هذا في العاصمه --يعني رمية حجر عن الوزاره --ويش عذرهم في هذا التقصير وغيره --فما هو الحال في المدن الاخرى

انه الفساد الاداري ولا غيره

لا امانه --ولا وطنيه --ولا نزاهه --ولا حياء

لو كان هناك خطوط مباشره الى المسؤل --- ويكون هذا المسؤل قد المسؤليه--كان تحسن الوضع

لا ينقصنا شيء ---سوى الاصلاح الاداري فقط ---والمتابعه --والمحاسبه
----------
نتمنى --للأبنه غاده الصحه والعافيه

تحياتي

مالهم ياصادق الوعد إلا المشعاب أما العذر فوالله ماعندهم عذر ولا ناقصهم شيء

وكل الأمور المادية والمعنوية مهيئة لهم مراقبين وأطباء

فالفساد الإداري رأيئة بعيني في هذا المستشفى

نسأل الله لهم الصلاح وحسن التدبير


الف شكر يالغالي على المداخله الرائعه


ولي عودة باذن الله ومتابعة المداخلات

[العبدي]

حياك الله يا ابن غفرة ..

وما تشوف شر .. غادة .. والله يخليك لها ..

................................................

بتكلم عن شي شفته .. واعرف عنه ..

وهو مستشفى .. خميس مشيط .. وحرام اصلا أقول مستشفى ..

اهمال .. مابعده اهمال .. لا في العلاج ولا في الخدمة ..

وفي قطر .. مستشفى حمد العام ..

الخدمة موجودة .. وعلى مستوى عال ..

بس العلاج .. دكاترة بيطريين وكهربائيين ..

واللي يزيد الطين بله .. ان الاطباء الكفؤ يقلفعونهم ويجيبون ناس .. ظايعين بالطوشة ..

الله يعين ..

سلامي ..

[@ابوريان@]

بسم الله الرحمن الرحيم

السلام عليكم ورحمة الله وبركاته

الاخ / عبدالله بن غفره

الحمد الله على سلامة غادة وماتشوف شر والله يحفظها لك من كل شر

اما من ناحية مستشفى الامير سلمان فلا تعليق فكل المستشفيات زي بعض

[سفير ال حيان]

مشكور عالموضوع

ولاهنت

وذكرتني والله بمستشفى السراة عندنا الي

دايما شعارهم(كل نفس ذائقة الموت )بينما المستشفيلت الاخرى

فشعارها(واذا مرضت فهو يشفين)

الله يزينها
تقبل مروري

[عاشق الليل]

بسم الله الرحمن الرحيم


السلام عليكم ورحمة الله وبركاته


حياك الله يا ابن غفرة ..

وما تشوف شر .. غادة .. والله يخليك لها ..


هذي الشركات او المؤسسات التي تشرف على المستشفيات عامه


مقصره ولا يوجد مراقب ومتابعه والمشكله ان المسولين في ادارت المستشفى نايمه


و وزارت الصحه في غفله ونقول حسبنا الله ونعم الوكيل


ياخي الكريم المريض بحا جه ماسه الى ان يراعا ظرفه ويستقبل بسرعه

والحكومه ماقصرت والقصور من المشرفين والمتابعين والعقود الوهميه

والمؤسسات الرديه المبالغ التي تصرف خياليه في العقود الفاشله

وهذ واجب على كل مواطن عنده غيره ان يفعل ما يستطيع

من شكوى او غيره وسلام

اجوك ابو رعــــــــــــــــــــد

[عبدالله آل عباد]

الحكومه ماقصرت من الناحيه الماديه مع مستشفياتها

لاكن مافيه رقابه

ليهو ولدك تعطيه فلوس ولا تراقبه ضاع

ووالله ياخوك يا المستشفيات الاهليه أنها ألطم ولطم

يحطون في الواحد بلا ماهو فيه علشان يغنمون من جيبه



الكلام

الله يمتعنى بالصحه والعافيه ما حيينا

وشوري عليكم

حد الواحد يمشي على رجله فلا يروح المستشفى

[عبدالله السحيمي]

بسم الله الرحمن الرحيم
السلام عليكم ورحمة الله وبركاته



هل يعقل بإن الدولة إعزها الله لم توفر إلا دكتور واحد إطفال في الفترة المسائية أم سعادة المناوب معطيهم إجازة !!



فعلاًَ مستشفى يحتاج إلى مستشفى


مابعد الكلمتين هذي شي


الله يصلح الحال

وماتشوف شر غاده



اخوك/عبدالله السحيمي

[الضويري]

اولا

الحمدلله على سلامه غاده

وهذا فيروس منتشر بالجو هالايام وحله بسيط

ثانيا

اتذكر مقابله مع القصيبي من حوالي ثمان سنوات على تلفزيون البحرين

يناقش كتابه حياه في الاداره وعرجوا على الموضوع اللي يحبه قلبك

لماذا استقال غازي من وزاره الصحه ؟

لف ودار ولكن لامفر من الاجابه بفضل المذيع الفنان وقال كلما فصلت دكتور

يرجع ثاني يوم غصب عني مع ان الدكتور اجنبي وكلما ابعدت احد يرجع

لمحله بواسطه ...........................!!!!!!!!!!!!!!!!!!!!!!! !!!!

الى ان اصبحت وزير بدون وزاره بل صوره فكان لابد ان استقيل وتدخل في

النقاش صديق له قديم وقال انا حذرت غازي لا يستلم الوزاره

ثالثا يابوا غاده

خلك دكتور نفسك وانا اعني ماقول المشاكل البسيطه تقدر تعالجها

فسبق لي تجربه تبرهن ان الانسان افضل من الدكتور في بعض الحالات

من كثر التعامل مع الاطفال ومشاكلهم تتكون لديك خبره لا بأس بها

كانت البنت ام سنه وثمان شهور تعاني من الحراره في حدود 38 ونص

ويوم دخلت على الدكتور في مستشفى خاص وعلى طول طلب مني الذهاب

الى الصيدليه واحضاره حقنه ............... وهنا حضرت القحطانيه .......... ليه

رد الدكتور انتا مش عاوز بنتك تخف ........... فرفضت الابره

الدكتور انتا حر

اذا ولا بد يادكتور عطها تحميله وهذا ماحصل وتعافت الطفله بفضل الله

وبعدها بفتره قابلت دكتور سعودي في نفس المستشفى زائر وذكرت له الحادثه

فاستغرب بشكل خلاني اشك في نفسي وطلب مني اسم الدكتور وقلت له وش ممكن يحصل

رد علي احمدربك طفله ام سنه وثمان شهور وحقنه خفض حراره اقل شيء ماراح تمشي

وقبل امس البنت الصغيره كانت مثل الفرخ عيون منتفخه ومغمصه ولاتقدر تفتحها مجرد

الذهاب الى علاج سابق لنفس الاعراض مع التأكد من استمرار صلاحيه الدواء كفيل والحمدلله

بأنهاء المشكله مع اخذا رأي الصيدلي اللي داق معه صداقه واليوم الصباح الوضع طيب

وش له والواحد يروح على كل مشكله ويوجع قلبه الا في حالات تتطلب فعلا دكتور متخصص

ولا الدكتور وش عنده غير المضاد ......................

[سالم الخنفري]

الدعوه كلها فساد × فساد
توقع اكثر من ذلك في ظل غياب الرقيب ...!!
اعاننا الله واياكم يابو غاده
تقبل تحياتي ,,,,

[عبدالله بن غفره]

أولاً الحمد لله على سلامة غادة

ثانياً: معروف المستشفيات الحكومية فيها تسيب و إهمال وعدم مبالاة بالمراجعين لا وفي أحسن المستشفيات الحكومية المعروفة ( حول شارع الستنين) لا زم تحجز موعد حق بكرة >> هذا إذا لقيت وإذا جيت للدكتور عطاك وصفة حبة صباح وحبة مساء ولا جيت للصيدلية تقعد ساعة إلين يجيك الدور ثم يقولك العلاج ذا مو موجود ,,,

ولا جيت للطوارئ ما فيه إلا دكتور واحد مع أن أكثر الحالات طارئة طارئة

المشكلة ما فيه مراقبة من مسؤوول يا خي والله فوضى

صدقني إذا رحت أي مكان حكومي لازم تصير مشكلة يا تصيرلي أو تصير للآخرين

أبو غادة مثل الحالة هذي أقرب روح أقرب مستشفى أهلي لأنه الأفضل

ونتمنى لغادة ولأبو غادة والجميع بالصحة والعافية


فالح الذيب

الف شكر على المرور العطر

وماعاد فيها وأنا اخوك مستشفى أهلي وعسى الله مايحوجنا له


تحياتي

[عبدالله بن غفره]

بسم الله الرحمن الرحيم
السلام عليكم ورحمة الله وبركاته

ابوغاده

الله يحفظها ويعطيها

الصحه والسلامه

اخوي

الله يعدلها

وللمعلوميه هذا حال اغلب المستشفيات

اذ لم تكن كلها!!!

واذ حبيت تشوف المهزله بجد اذهب لشميسي اغلب الموجودين اجانب

والمدير المناوب نايم

يعني ما حولك احد

ولا الصيدليه

وما ادراك ما الصيدليه

حكايه ثانيه

واغلبها لا يوجد علاج

ليش ما ادري؟؟؟؟؟؟؟؟؟؟؟؟

اررررررحب يابو سعد

ولاهنت على المرور والتعليق والمداخله الرائعه

والسبب وأنا أخوك أن ماعندهم إلا بنادول ومضاد وغيرها الله لايهينك اشتر من السقاف


تحياتي

[عبدالله بن غفره]

الأخ أبو غادة الحويصلي:

الحمد لله على سلامة البنت وأقول لك هذا المستشفى جنب بيتنا


وأبشرك ما نيب أتية لو أيش يزودون مرضك مرض ودايم 24 ساعة زحمة على


الفاضي وتشوف حقين الدخل متكين عندةوطوارئ بعد أزفت وازفت وسمعة


المستشفى بريالين ما تسوى الله لا يحوجنا لة ,,,,,,,,,


ارررحب يابن الأسود
وتشرفت بتواجدك وحضورك وتعليقك على الموضوع

حقين الدخل راحو ضحية مستشفى الأمير سلمان :)


لاهنت

[عبدالله بن غفره]

حياك الله يا ابن غفرة ..

وما تشوف شر .. غادة .. والله يخليك لها ..

................................................

بتكلم عن شي شفته .. واعرف عنه ..

وهو مستشفى .. خميس مشيط .. وحرام اصلا أقول مستشفى ..

اهمال .. مابعده اهمال .. لا في العلاج ولا في الخدمة ..

وفي قطر .. مستشفى حمد العام ..

الخدمة موجودة .. وعلى مستوى عال ..

بس العلاج .. دكاترة بيطريين وكهربائيين ..

واللي يزيد الطين بله .. ان الاطباء الكفؤ يقلفعونهم ويجيبون ناس .. ظايعين بالطوشة ..

الله يعين ..

سلامي ..



ارحب والله يحيك يالعبدي

وياحبي لك ولكتابتاتك الرائعه

وشكراً على المداخله والحضور المميز


والله انك صادق بعض المستشفيات حرام تقول عنها مستشفى


وبالنسبة لسباكين والكهربائين عانهم واجد وأصبحت المستشفيات الحكومية والأهلية ملاذ لهم ولشهادتهم المزوره


تحياتي

[عبدالله بن غفره]

السلام عليكم ورحمة الله وبركاته

الاخ / عبدالله بن غفره

الحمد الله على سلامة غادة وماتشوف شر والله يحفظها لك من كل شر

اما من ناحية مستشفى الامير سلمان فلا تعليق فكل المستشفيات زي بعض


الله يجزاك خير والله يكثر من امثالك في هذه المجالس
لتميزك وحضورك الرائع دائماً


وفعلاً لا تعليق فالمستشفيات عندنا دجه


تحياتي

[شامانـ العاطفي]

ارررحب يابن الأسود
وتشرفت بتواجدك وحضورك وتعليقك على الموضوع

حقين الدخل راحو ضحية مستشفى الأمير سلمان :)


لاهنت


البقاء يا بن غفرة والله يشرف مقدارك

وانا وانا أخوك أقترح لوزارة الصحة ممثلة بوزير الصحة حمد المانع

أنهم يقلبون مستشفى سلمان مركز رياضي (كمال أجسام)

أصرف لهم :banana: .

[موسى بن محمد آل شاهر]

ألاخ العزيز عبدالله بن غفرة لاهنت على الموضوع وبيض الله وجهك

موضوعك مهم جداً لانه يمس الجميع وهناك تساؤلات مهمة
1-هل كل مواطن يستطيع الذهاب الى المستشفيات الاهلية عند الحاجة (مع العلم ان كثيراً من هذه المستشفيات تمص جيب المريض بقوة ) والميزة فيها السرعة في مقابلة الدكتور.
2-هل نحن في المملكة عاجزين عن الإرتقاء بمستوى الخدمة الطبية وتوفير المستشفيات ذات الاداء العالي والفعال ( للاسف نحن من اغنى دول العالم ) !!!!!!!!!
3-هل هناك اهتمام من قبل وزارة الصحة بالمواطن ام بكثرة المشاريع الصحية وعقودها الضخمة والعمولات العالية للمسؤولين في الوزارة بغض النظر عن مستوى الجودة الفعلية التي ستقدم للمواطن
4-ماهو مستوى الأطباء الذين تتعاقد معهم الوزارة وهل لجان التعاقد المكلفة بالتعاقد معهم على درجة عالية من النزاهة ولا اذا كان رب البيت بالدف.................
5-اذا هذا حال مستشفى سمي على اسم الامير سلمان حفظه الله فما هو الحال في مستشفيات المدن الصغيرة والمراكز الصحية في المحافظات والقرى البعيدة عن مركز الحكم الله يرحم حالهم
6-يجب ان يتم انشاء هيئة رقابية تتكون من اشخاص يخافون الله في انفسهم ولا يكون هناك اي تاخير في متابعة السلبيات
وفي نفس الوقت أتساءل ماهو دور مجلس الشورى في التقصير الحاصل من قبل بعض الوزارات ولا ...............

بطلت ماعاد ودي اكمل ضاق صدري


الله يرحم فهـــــد ويعز عبدالله

دمتم في حفظ الله

موسى آل شاهر البشري

[عبدالله بن غفره]

مشكور عالموضوع

ولاهنت

وذكرتني والله بمستشفى السراة عندنا الي

دايما شعارهم(كل نفس ذائقة الموت )بينما المستشفيلت الاخرى

فشعارها(واذا مرضت فهو يشفين)

الله يزينها
تقبل مروري


ارحب يالحياني

ولاهنت على المداخله والتواجد الغالي

وزي ماقلت طال عمرك كل نفسً ذائقة الموت

لكن فيه مستشفيات تعد مقابر !!

[عبدالله بن غفره]

بسم الله الرحمن الرحيم


السلام عليكم ورحمة الله وبركاته


حياك الله يا ابن غفرة ..

وما تشوف شر .. غادة .. والله يخليك لها ..


هذي الشركات او المؤسسات التي تشرف على المستشفيات عامه


مقصره ولا يوجد مراقب ومتابعه والمشكله ان المسولين في ادارت المستشفى نايمه


و وزارت الصحه في غفله ونقول حسبنا الله ونعم الوكيل


ياخي الكريم المريض بحا جه ماسه الى ان يراعا ظرفه ويستقبل بسرعه

والحكومه ماقصرت والقصور من المشرفين والمتابعين والعقود الوهميه

والمؤسسات الرديه المبالغ التي تصرف خياليه في العقود الفاشله

وهذ واجب على كل مواطن عنده غيره ان يفعل ما يستطيع

من شكوى او غيره وسلام

اجوك ابو رعــــــــــــــــــــد

ارحب يابو رعد

وش حالك وحال ابو علي عساه بخير

واشكرك على مرورك العطر والقيم

ووزارة الصحه لها مجهودات تشكر عليها لكن أتوقع الفساد من نفس المستشفى وعدم الإهتمام بالإوامر وغفلة شديدة في تنفيذ التوجيهات

[عبدالله بن غفره]

الحكومه ماقصرت من الناحيه الماديه مع مستشفياتها

لاكن مافيه رقابه

ليهو ولدك تعطيه فلوس ولا تراقبه ضاع

ووالله ياخوك يا المستشفيات الاهليه أنها ألطم ولطم

يحطون في الواحد بلا ماهو فيه علشان يغنمون من جيبه



الكلام

الله يمتعنى بالصحه والعافيه ما حيينا

وشوري عليكم

حد الواحد يمشي على رجله فلا يروح المستشفى

ارحب يابو جابر

وياهلا بهالطله وشرفتني بمرورك

لكن مافيه رقابه

لو هو ولدك تعطيه فلوس ولا تراقبه ضاع

اشكر على هذه الجمله الرائعه


تحياتي

[مقبل السحيمي]

لن يتغير حال مستشفياتنا أبدا..؟؟ دكاترة مالهم نفس ... وآخرين نفوسهم في راس خشومهم.....وزحمة شديدة
مالها أي داعي ؟ والظاهر المسؤلين عنها معجبتهم هالزحمات ؟؟ وفي الأخير تلقى عيادة وحده شغالة والباقي
مقفلة ؟؟طيب افتحوا عيادتين أو ثلاث علشان تستوعب البشرية هذي...؟؟
على فكرة الصيدليات مثل قلتها....مافيها إلا بندول ودوا كحة فقط..؟؟؟؟ (( مبالغة طبعا ))
وياويل اللي بيناقش الدكتور أو الممرضة...؟؟؟ تراهم بيسفطونه إذا ماكلوه..؟
الغريب أن هالأجانب اللي جايين لخدمتنا وفي بلدنا....... متكبرين ومتغطرسين...وفيهم شوفة نفس..
جزاك الله خير على الموضوع والحمدلله على سلامة البنت

[شجاع ابن خضير]

السلام عليكم ورحمة الله وبركاته
انه الفساد الاداري ولا غيره

لا امانه --ولا وطنيه --ولا نزاهه --ولا حياء
منقول من سعد

[مقبل السحيمي]

سلامة غادة.....
وأعتقد أنك وضعت يدك على الجرح وبالمناسبة لن يصلح حال مستشفياتنا أبدا إلا إذا صار فيه رسوم علاج فقط
علشان يصير لك وجه تكلم وتناقش وتطالب بحقك.

[ماجد الخليفي]

بسم الله الرحمن الرحيم

السلام عليكم ورحمة الله وبركاته

الحمد لله على سلامة غادة الله يحفظها ويعطيهاالصحه

ابو غادة في اغلب بلاد العالم يوجد نقص في مراكز الطواري وبالحقيقة هناك نظام استدعاء للاطباء يتم تشغيله اذا قرر

الطبيب المناوب الحاجة له ... وغالبا لا يتم تشغيله لانه يتطلب دفع عمل اضافي .. over time.

وهذه حصلت معي قبل شهر في اليابان ... وليس في السعودية

بعد منتصف الليل بحدد الثانية والنصف فجرا شعرت بالم شديد في اسفل الظهر ولم استطيع تحملة ولم استطيع المشي من

شدة الالم ..

فاخذتني ام عصام لاكبر مستشفى في المدينة ذات 160 الف نسمة ...

الى قسم الطواري ... كان يوجد موظف استقبال وممرضة وطبيب وانا امامهم اتعصر من الالم ... وقالوا لي بانهم بانتظار

حالتين بالطريق لذا يرجى مراجعة مستشفى اخر غير مشغولين ... واعطونا اسم المستشفى الاخر ...

وسبق ان حصلت حالة وفاة امراة لانها عوملت بنفس الطريقة

واكتشفنا انه اذا تم نقل المريض بالاسعاف يتم قبوله حتى وان كانوا مشغولين ...

اتمنى السلامة للجميع

[محمد الحياني]

الله يحفظ غادة وابوها من كل شر

والله يا أخي الكريم

هذا مستشفى الامير سلمان

فما بالك بالمستشفيات العادية .. تحتاج بالفعل إلى عدة مستشفيات لتعالجها ...