المساعد الشخصي الرقمي

مشاهدة النسخة كاملة : النفس متعبها لو إن ليت لكن=عزاه يانفس(ن) تعصى طلبها


سالم الحبابي
27-08-2007, 03:52 AM
النفس متعبها لو إن ليت لكن=عزاه يانفس(ن) تعصى طلبها
وقتي غدا ضدي وإلى من عطا من=حتى السعاده من فوادي سلبها
همي بقلبي حمل خمست عشر طن=وأنا أشهد إن نفسي زماني غلبها
هم(ن) ثلاث سنين بالقلب ماكن=والرابعه معها عسى ماحسبها
لاشك ياللي بالزمن صرت وامن=نفسك لو أرضاها تعمد غضبها
يسقيك عقب الحالي المر والصن=ويعرضك صالي السموم ولهبها
وقبلك ترا ناس(ن) بذا الوقت تامن=ناس(ن) على كاس المراره غصبها
لكن مادام إن زمانك لك فغن=فلا بد مالنار يتواقد حطبها
فالوقت بده يقلع الناب والسن=ويزود جروح الفواد وعطبها
واعلم ترا مايستوي الحكم والصن=ومايستوي روس الرجال وذنبها
ومايستوي الدولار والفلس والين=وماتكمل اللحيه بليا شنبها
وماعاش راع الشك والريب والظن=اللي لياجاته صريحه قلبها
فأحذر من الدنيا تغرك على فن=فلابد من يوم(ن) تشوتك ركبها
وليا عطاك الله فأشكر له وثن=اللي كفاك بها وفكك نشبها

علي بن شداد القحطاني
27-08-2007, 04:08 AM
ولا يستوي روس الرجال وذنبها . والله أن هذا الوقت يخوف ! .

أخ سالم صح لسانك على هذه القصيدة الجزله من شاعر متمكن وتقبل تحياتي ،،،

سحمي الهاجري
27-08-2007, 05:15 AM
وماعاش راع الشك والريب والظن = اللـي لياجاتـه صريحـه قلبهـا
فأحذر من الدنيا تغرك علـى فـن = فلابد من يوم(ن) تشوتـك ركبهـا
وليا عطاك الله فأشكر لـه وثـن = اللي كفـاك بهـا وفكـك نشبهـا

الله الله الله

والحمد لله على كل حال

أخوي الشاعر الوافي سالم الحبابي

صح لسااااااااااااانـــك مدد بلآ عدد

وفّيت وكفّيت وأبدعت الحبك والسبك

لاهنت يالغالي وبيض الله وجهك

تقبل أطيب التحيه

أخوك

عبدالله المهداني
27-08-2007, 10:18 AM
سالم الحبابي


صح الله لسانك وعلى شانك


وعلى الاخرى عانك


حكم إبداع


تحياتي

@تركي السنحاني@
28-08-2007, 06:14 PM
صح لسانك

و علا شانك يالقرم

دائما تتحفنا بكل ما هو رائع

دمت بوووووووود يالغالي

ابوفهيدالعاطفي
28-08-2007, 07:02 PM
بيض الله وجهك وصح لسانك على القصيد

سالم الحبابي
29-08-2007, 04:39 PM
وعليكم السلام ورحمة الله وبركاته

يامـرحـبا ترحــيــب فـارس وقـايد&&&&&بأهل الوفى ربعي إعزاز الجنابي
أهل المواقف في الرخا والشدايد&&&&&روس إقـحـطـان مـتعـبـين الركابي


ودمـــــــــــــتــــــــــــــــــــــم

فارس ال فرس
02-09-2007, 10:27 AM
مبدع اخوي سالم الحبابي

قصائد جزله

تقبل مروري

ابن خضير
02-09-2007, 01:19 PM
بسم الله الرحمن الرحيم
السلام عليكم ورحمة الله وبركاته


صح لساااااااااااااااااااااااااااانك


والله يحفظك

العبدي
02-09-2007, 04:38 PM
سـالـم الـحـبـابـي .. صـح لـسـانـك ..