المساعد الشخصي الرقمي

مشاهدة النسخة كاملة : القصيده الرابـ(4)ـعه للشاعر ناصر القحطاني ( تراها الصوره )


ابوتركي العبيدي
25-08-2007, 04:22 PM
السلام عيكم ورحمة الله وبركاته

هذه القصيدة الرابعة لشاعر الاندلس \ ناصر القحطاني

القصيده الرابـ(4)ـعه
تراهـا الصـوره ..!!


تراهـا الصـوره اللـي جـا عليـهـا فـالـوداع عـلـوم
فديتـك .. مـا سـواهـا حــرّك الخـفّـاق واوجـاعـه
.
عسى يا احلى هدايا الكون منت بمن حـلال القـوم
عسـى يمّـي يجيبـك مــن تركـتـك عـنـده اوداعــه
.
معاك اضيع يـا عمـري وابـي لـو ساعـةٍ مـن يـوم
تضيّعهـا معـي وانسـى وش اليـوم وكـم السـاعـه
.
عشيرك مـن يـد التـرك ليـد الفـرس ليديـن الـروم
هـــذا هـــو يـعـربـيٍ لا نـســى حـلـمـك ولا بـاعــه
.
تعـال الـكـل ينـشـد عـنـك وطـيـور الخـيـال تـحـوم
وانــا مابـيـن طـيـف وصــوره ودفـتـر وسمّـاعـه
.
من اول ما اصبح استفـرد بنكهـة سـرّك المكتـوم
واهيم بكـل شـارع واندهـك واخـرج عـن الطّاعـه
.
أطـارد شمسـك اللـي لآخــر الدنـيـا بــدون غـيـوم
والـى منّـي ذكـرت اعيـونـك ومغـنـاي وشـراعـه
.
أجـي يـم البحـر واحكيلـه اوّل مــا عـرفـت الـعـوم
وفوق الشّاطي ارسم وجهك اللـي سافـر اشعاعـه
.
والى جا الموج يمّي ضمّت ايدي وجهك المرسوم
وطـاحــت نجمـتـيـنٍ مـــرّت الـخـدّيـن مـرتـاعــه
.
واعــوّد للحـدايـق مــا بـقـى مــن زادي الا الـلـوم
أدوّر عــن عبـيـرٍ كــم وكــم نسـمـه مــن اتبـاعـه
.
أداعــب وردهــا والـفـل والـريـحـان واليـشـمـوم
ولا هو ملمـس الـورد الطبيعـي يـا اجمـل انواعـه
.
وانشّـد عنْـك اناشيـد وعصافيـر وشـجـر وكــروم
وكـرسـي بـاهـتٍ لـونـه وسـبـع اخـيـوط لـمّـاعـه
.
واشوفـك فـي فساتيـن وذهــب ومعـلّـق بمنـظـوم
واخبّـر بـك سـرايـا كــل ســوق وغـالـي بضـاعـه
.
واشيـل اوراقـك ام حـروف وقلـوبٍ تشيـل سهـوم
واغنّي مـا طـرى واطبـع عليـه الطـاري اطباعـه
.
واعـوّد للـوسـاده فــي مـسـاً مـالـه قـمـر ونـجـوم
اصـحّـي صـورتـك مـــن نـومـهـا وتـفــز فـزّاعــه
.
أنـام بحضنهـا ليـن الصـبـاح يـقـول صــحّ الـنـوم
وافيـق بوجـه نجـمٍ مـن صـبـاح الخـيـر مطـلاعـه

وسلامتكم،،،،،

ابن خضير
25-08-2007, 11:51 PM
بسم الله الرحمن الرحيم
السلام عليكم ورحمة الله وبركاته

لاهنت بيض الله وجهك


وصح لسان الشاعر وبيض الله وجهه

ابوتركي العبيدي
26-08-2007, 12:00 AM
ولاشنت يابن خضير

ومشكور على المرور

العبدي
26-08-2007, 11:55 AM
لاهنت يا ابو تركي ..

واعجاب في شخصية شاعر الأندلس .. ولا نستغربه ..

فأبو محمد .. مبدع .. بما تحمله الكلمة من معنى ..

صح الله لسانه .. والله لايهينك على النقل ..

تحياتي .. وسلامي ..