لغز بس تتعب وانت تحسب

[عنتر المهداني]

يقول فيه باص فيه سبعة بنات كل بنت معها سبع شنطات



كل شنطة فيها سبع ارانب كل ارنب تحتها سبع ارانب



علما بان الارنب له 6 ايدي فكم يد في الباص ؟



واتــــــــــــــــحـــــــــــــــــداكــــــــــ ــــــــم

[ابوفهيدالعاطفي]

كانه لحسة مخ شوي

خهخهخهخهخهخهخهخهخهخهخهخهخهخ


والله لاني بعرف للألغاز وان شاء الله الربع يردون

[ابو اياد]

اللغز منقول من الساحة الحل موجود بالساحة المفتوحة

[صبي ال بهي]

2366 يد

[مبارك بن راشد]

2366 يد

على فمك الشحم ياذيبان

ولا هنت أخوي عنتر على الالغاز الروعة ولا تحرمنا من جديدك

[ابن خضير]

بسم الله الرحمن الرحيم
السلام عليكم ورحمة الله وبركاته


الله يعطيك العافيه

[صبي ال بهي]

واحد ملكع !!!!!!!!


بس اللي محيرني ليش للأرنب 6 ايدي ؟؟؟؟؟؟؟؟؟؟؟؟


هخاهاهاهاهاهاهههههه

[عنتر المهداني]

ابو اياد اللغز لا نقلته من الساحة ولا غيرة


لكن انا ادري انك تعبت ولا حليته واذا لقيته في الساحة المفتوحة عطني حله

[عنتر المهداني]

صبي ال بهي

الاجابة للاسف خاطئة لكن حاول مرة ثانية واحسبها مظبوط وتطلع معك
ويعطيك العافية على المرور

[العبدي]

2058 .. بشر .. أربها صح ..؟؟

[مبارك بن راشد]

هههههههههههههههه ايه صح كلامك سليم يا عنتر.

خذ الجواب اللي ان شاء الله انه صحيح وهو 16478يد

لغزك خطير يا عنتر ولا تحرمنا من مثل هذه الالغاز يا ذيبان

تحياتي لك

[بن خرصان]

السلام عليكم ورحمة الله وبركاته


437 يد

[ابو اياد]

عزيزي : الجواب 16478

وشكرا لك .

[ولد جوف المعمر]

بسم الله الرحمن الرحيم


السلام عليكم ورحمة الله وبركاته

لاهنت اخوي يالغالي

على هذا اللغز الي اسهل من السهل

وتراك تعبت وتعبت الناس

والجوووووووواب

هو
هو
هو

انه ولا يد

لا يوجد اي يـــــــــــــــــــــــــــــــــــــــــــــــــ ــــــــــــــــــد ولا رجل للباص


انتظ الهديه

وتقبل مروري
واجابتي

اخووووووووووووووووووك سعد

[عنتر المهداني]

الله يعطيكم العافية يشباب على المرو ر


جميع الاجابات للاسف خاطئة حاولوا واملي فيكم كبير وانشاء الله تحلونة

[abu saeed]

14420

[عنتر المهداني]

للاسف الاجابة خاطئة حاول مرة ثانية

[بن خرصان]

الباص ..له سواق ولا ...لا.؟؟

[عنتر المهداني]

لا ما له سواق

[الحجاج الثقفي]

لعنبوا غيرك ياعنتر اتعبت الرجاجيل وهم يحسبون ايدين وكراعين اللبني والارانب وكل ماجاب لك واحد جواب قلت غلط قل صح وفك نفسك جعلني حزن الرخوم

[ابو اياد]

عزيزي الجواب : 16478
اذا قصدك ان الجواب : 10990 تراك غلطان.

[ابو اياد]

اخاف تقول الارنب ماله ست ايدي .

[مبارك بن راشد]

اخاف تقول الارنب ماله ست ايدي .

ههههههههههههه تصدق اني خايف من نفس الشي :)
او ممكن يكون ست ارجل مو ايدي :)

لأنك لو تحسبها رياضيا تطلع النتيجه 16478 بس الرجال يقول الحل خطأ ونصبر ونشوف

على العموم هذا حلّي:

مجموع الايدي في الباص = مجموع ايدي البنات + مجموع ايدي الارانب الكبيرة + مجموع ايدي الارانب الصغيرة

مجموع ايدي البنات = 7 في 2 = 14

مجموع ايدي الارانب الكبيرة = 7*7*7 *6 = 2058

مجموع ايدي الارانب الصغيرة = 7*7*7*7 *6 = 14406

المجموع الكلي للأيدي = 14 + 2058 + 14406 = 16478


ماهي مشكلة اذا ماعرفت احل اللغز , بس ابي اعرف شلون ممكن يكون حلّي خطا؟؟ :confused:

وبانتظارك ياعنتر العزيز..!

[منصور العبدالله]

عنتر انشاء الله حلي صح


2758


عندي 14 يد للبنات


كل شنطه فيها ( 7+49)=56

عدد الشنط 7* 7= 49

49*56+14=2758


والله لغزك ياعنتر رائع جدا جدا

وانشاء الله حلي صح

[يحيى أبن عبدالله]

بسم الله الرحمن الرحيم



إذا تقصد للباص فعلمنا مواصفات الباص وعلومه كامله

أما أذا تقصد عدد أيادي الارانب فهي كتالي
7× 7×7×7×6= 14406 يد

[منصور العبدالله]

الراوي طيب وين البنات 7 بنات معهم 14 يد

[مبارك بن راشد]

عنتر انشاء الله حلي صح


2758


عندي 14 يد للبنات


كل شنطه فيها ( 7+49)=56

عدد الشنط 7* 7= 49

49*56+14=2758


والله لغزك ياعنتر رائع جدا جدا

وانشاء الله حلي صح

ارررررحب يا بونواف

فكرتك وطريقة حلك روعة ... بأنك تحل المسألة بدلالة عدد الشنط ..
واسمحلي نفداك احل المسألة بطريقتك اللي تكرمت فيها بس جهز الالة الحاسبة واحسب معي خطوة خطوة..:)


خلنا اول شي نحسب الشنطة الوحده كم يد فيها
قلنا الشنطة الوحدة فيها سبع ارانب ....وكل ارنب تحته سبع ارانب صغار

يعني في الشنطة الوحدة سبع مجموعات من الارانب...

تتكون المجموعة الوحدة من ثمان ارانب (واحد كبير وسبع صغار).... صح؟!


هذي سبع مجموعات من الارانب ... خلنا اول شي نطلع المجموعة الوحدة كم يد فيها وبعدين نضرب عدد ايدي المجموعة الوحدة في عدد المجموعات يطلع لك مجموع الايدي في الشنطة الوحدة ... أوكي ؟ :)


يعني .. عدد ايدي الارانب في المجموعة الوحدة يساوي 8*6 = 48 يد ( هذي ثمان ارانب وكل ارنب له ستة ايدي )

طيب... قلنا في الشنطة الوحدة سبع مجموعات طال عمرك ...يعني 48 * 7 = 336 يد في الشنطة الوحدة ... حلو الكلام؟؟


قلنا ايضا كل بنت معها سبع شنط

7 *336 = 2352 يد ارنب مع البنت الوحدة + عدد 2 (ايدي البنت نفسها) = 2352 + 2 = 2354

طيب.... عندنا سبع بنات في الباص

2354 *7 = 16478
وهو المطلوب .


هذا الحل عندك بطريقتين مختلفة ونفس النتيجة نفداك واذا تبي تفصيل أكثر انت آمر ومبارك يطامر ولكن الرجال يقول الحل خطأ ونصبر ونشوف النتيجة النهائية متى راح يعلن عنها اخونا العزيز عنتر المهداني ..

تحياتي للجميع.

[عنتر المهداني]

للاسف يا شباب حتى الان الاجابات مع احترامي لكم خاطئة حاولو مرة ثانية



الدعوه كلها حسبة والي بيحسب صح يدري ان الرقم الي اكتبه صحيح 100%

[عنتر المهداني]

مبارك بن راشد عندك غلط صغير لو بس تظبطه تجيب الناتج زي الحلاوة

وانت حوله مانت ببعيد منه مرة

[مبارك بن راشد]

مبارك بن راشد عندك غلط صغير لو بس تظبطه تجيب الناتج زي الحلاوة

وانت حوله مانت ببعيد منه مرة

هههههههههههههههههههه

الله يرجك يا عنتر والله اني قعدت اضحك ....الله يوسع صدرك بالعافية

على العموم ما هيب مشكلة وانا اخوك اذا انت شايف حلي غلط فهو غلط ولا يهمك ...يمكن يكون فيه لفة في اللغز مافهمتها :)

بس اسمع .. ابيك تكتب طريقة الحل هذي على ورقة وتاخذها الي أي استاذ رياضيات تعرفه ...وخله يشوف الحل بنفسه

وقل له ترى مبارك بن راشد يتحداك انك تطلع اي غلط في أي طريقه من الطريقتين

تحياتي لك ياغالي ;)

[منصور العبدالله]

ما ادري انا اتوقع حلي صح


بس مبارك بن راشد احيل الموضوع لك بالكامل وذلك لاختصاصك في الالغاز


بعدين يا مبارك انت لما اشوفك موجود في لغز اشيل يدي


واتابعك


ماشاء الله عليك وبسم الله حولك وحواليك



عنتر والله لغزك رائع واعجبني انه طول ولا احد حله


لاهنت ياعنتر

[عنتر المهداني]

السلام عليكم ورحمة الله وبركاتة

انا يا شباب مانيب حاط الحل ودي اشوف اجاباتكم كلها حاول مرة وثانية وثالثة


في الاخير واحد انا متاكد انه بيجاوب عليه واذا جاوب عليه اقول لكم اجابة فلان هي الصحيحة



ولا تسألوني عن الاجابة لاني مانيب معطيكم الاجابة .


حاولو تكفون املي فيكم كبير

[يحيى أبن عبدالله]

بسم الله الرحمن الرحيم
السلام عليكم ورحمة الله وبركاته
يا عنتر يافارس بني عبس

حيرتنا في اللغز

[عنتر المهداني]

يا شباب اللغز مافيه لف ودوران اللغز واضح احسب وطلع العدد

والله لو انه معدلة كيميائية بتصنع قنبلة قد حليتوه


لكن مادام ذا اللغز حيركم آسف ماهو اللغز المعادلة الفيزيائية الصعبة خلاص وافقت اعطيكم الاجابة



في شهر رمضان المبارك

[عنتر المهداني]

انا اخليكم تحلون تدرون كيف

الي بيجاوب عليها اليوم 13 شعبان الى 20 شعبان له

1000 ريال

[عنتر المهداني]

يعني خلاال 7 ايام

[عاشق الليل]

16565 هذا المجموع النهائي

ونشالله صح

[عنتر المهداني]

للاسف الاجابة خاطئة

[عنتر المهداني]

راح اليوم الاول

[عاشق الليل]

عندي جوابين والله مدري هو صح ولا لا بس الله يعيني




الحل الاول

المجموع النهائي 1526


ــــــــــــــــــــــــــــــــــــــــــــــــــ ـــــــــــــــــــــــــــــــ

نشوف

الحل الثاني

مجموع ايدي بدون ايادي البنات = 4116

مجموع ايدي مع البنات = 4130


ونشالله صح يارب

[عنتر المهداني]

عاشق الليل يعطيك العافية على التفاعل



بس للاسف الاجابتين كلها خاطئة

[عاشق الليل]

طيب خذ هذا

16464

مع ايدي البنات 16478

[مبارك بن راشد]

يقول فيه باص فيه سبعة بنات كل بنت معها سبع شنطات



كل شنطة فيها سبع ارانب كل ارنب تحتها سبع ارانب



علما بان الارنب له 6 ايدي فكم يد في الباص ؟


واتــــــــــــــــحـــــــــــــــــداكــــــــــ ــــــــم

الرجال ماحدد انواع الايدي المطلوب حسابها يا عاشق الليل

والرقم اللي انت جبته هذا عدد ايدي الارانب فقط

طيب والبنات؟؟؟

مالهم أيدين؟؟

[منصور العبدالله]

والله ماقصرت ياعنتر وحاط الف ريال


غريبه مبارك ماحله


لا اكون نضلت الرجال

[مبارك بن راشد]

والله ماقصرت ياعنتر وحاط الف ريال


غريبه مبارك ماحله


لا اكون نضلت الرجال

ههههههههههههههههههه

لا مانضلتني نفداك ههههههههههههههه

الله يرجك يا منصور والله اني اكتب الرد وانا اضحك


انا حليته طال عمرك من ثاني رد لي في الموضوع, راجع الردود وتشوف الحل
بس اعتقد ان المشكله كانت في صيغة السؤال

وتبي الحقيقة ..!؟

في الاخير وسوست :banana:
قلت يمكن وحده من البنات ايدها مقطوعة ولا شي :021:

بس تابع الردود كلها وتعرف ليش اللغز أخذ الوقت الطويل هذا كله

:)

[عنتر المهداني]

مرحبا يا مبارك بن راشد


واجاباتك كلها مع الاسف خاطئة


حتى الان ما حليته


وانا اتحداك تحله

[آل معمر]

اللغز غير صحيح لأن مافيه ارنب بسته ارجل

ولكن لو مشيناها راح تكون الحسبة كالتالي

عدد أيدي الأرانب

16464

ولو حسبنا أيدي البنات معها راح يكون العدد


16478

ومعها ايدي السواق +2

16480

إن شاء الله تكون صحيحة

[عاشق الليل]

عنتر ما قلتلي اجابتي صح ولا نروح نعدل

[عنتر المهداني]

ال معمر: اللغز صحيح 100% واجابتك مكررة وقد حلو الاعضاء الي قبلك وقلنا الحل غلط المفروض تدور حل غيره



عاشق الليل
مرحبا ومسهلا بس مع اللاسف الجابة خاطئة



ويا شباب ترى الرقم 16478 اجابة خاطئة دورو غير ذا الرقم

[العبدي]

والله .. لغزك .. ذا .. حيرنا ..

بس أقول ..

4123 يد ..

بشر ..

[العبدي]

تصحيح .. الإجابة ..

4130 يد ..

وشوووكرن ..

[عنتر المهداني]

للاسف يا العبدي الاجابة خاطئة

[فارس بن هيف الرفيدي]

بسم الله الرحمن الرحيم
السلام عليكم ورحمة الله وبركاته

والله وانا خوك اللي اعرفه ان {{{{الباص ماله يد}}}}}

[ابو اياد]

طيب عندي جوابين
الاول 16478
واذا احتملنا وجود السواق صارت16480
والله مجهود شخصي وما نقلته من مكان ثاني\
طب وشهو الصح منها

[حـمـد القحطاني]

ياجماعه كيف للارنب ست ايدي؟؟؟؟؟؟؟؟؟؟؟؟؟؟؟؟؟

[حـمـد القحطاني]

ياجماعه كيف للارنب ست ايدي؟؟؟؟؟؟؟؟؟؟؟؟؟؟؟؟؟

[مشعل بن هادي القحطاني]

فيه خطأ



كيف ارنب له ست ايدي



؟؟؟؟؟؟


اقول الحل : ان مافيه ارنب في الكون له ست ايدي



و اجابتي صحيحه

[منصور العبدالله]

الله يسعدك اخوي عنتر المهداني


وماقصروا الشباب


وماقصرت اخوي صبي ال بهي على طول عيني عليك بارده


بس اسعدني وجود مبارك بن راشد


صاحب الباع الطويل في حل الإلغاز


تسلم ياعنتر وبإنتظار لغز جديد


ودمت بود


واسمحوا لي ياشباب اشوف الموضوع طول وطالت الردود بالرغم ان الحل الأول صحيح


اسمحوا لي برفع الموضوع ياشباب وبعد اذنكم طبعا