صور للجنابي ويليت تشاركون

[عبدالله آل نملان]

أخواني هذي مجموعة من الجنابي ولايخفى الجميع شأن الجنابي بالاخص عند قبيلة قحطان ارجو من الجميع التفاعل وكل من يوجد لية اي شي يتعلق بالجنابي المشاركة بة من مواضيع أو صور قيمة

[احمد بن عدرج]

حلو الجنابي منين شريتها شكلك جبتها من الخوبه

[المعمري]

بصراحه حلوم اشكرك علي الصور الحلوه يا عبدالله لا هنت

[فارس الشواطي]

ارحب يابن نملان

صور جدا حلوه

بس سؤال يابن نملان هذي جنابي ولاّ خناجر...؟ :)

وبعد اذنك بنقل الموضوع لمجلس الصور

أخوك فارس الشواطي

[عبدالله آل نملان]

خذر احتك يابن مبهل اهم شي الاستفادة للعموم

[هنا الرياض]

عبد الله آل نملان

لا هنت لاهنت

وبيض الله وجهك

على صور الجنابي

صور رووووعه

[أبو زيد]

رهييييييييييبة والله يعطيك العافية..
لكن لو سمحت لي بسؤال/ ما تشوف كأنها جنابي يمنية؟؟؟

أبو زيد يحييييييييكم

[التهامـــــي]

حلوا يا بن نملان اسلالها طيبه بس ودك ان راسها كبير شوي بس بالحرام انها تجمل ونها زينة الرجال .
لا هنت يالذيب

[البشري]

جنابي طيبة كثروا منها يالربع ودي تضيفون لو فيه أحد عنده صورة معيره .

[عبدالله آل نملان]

والله انا حطيت الموجود عندي والباقي عليكم ياعيال الشايب هذا اجتهاد وحبيت اهيض الي عندة صورتفيد الموقع والزاير وكان قصرت فالبركة فيكم وفو مانقص كلنا يد وحد لخدمة ترثنا وحتى لو انها ماهي من عندن الموضو ع تهيض واطلاع وماحديتكم الاعلى العليا ((((( وسبق وان اشرت في بداية الموضوع ان مثل هذي الامور التي تخدم تراثنا ولاننسى الشانها وصدقني بجي يوم من الايام يسلون عيالنا عنها وقلون بالله وش هذي الآلة الغريبة وخاصة في ضل التصور السريع على طول لازم تقولة رح للنت وافتح موقع شبكة قحطان )))

الموضوع لازم يكون فية تفاعل من العموم ولا مالة لازمة

(( على العموم ترى فية يوم من الايام كان عيب على الرجال يمشي مسربل )) والمسربل هو الى ماهو محتزم والله انى اتمنى انة يصدر مرسوم ملكي باعتماد الجنابي والخناجر من ضمن الزي السعودي ولكـــــــــــــم تحيات

[ملحف الرفيدي]

على العموم لا هنت وبيض الله وجهك

[النجم اللآمع]

بيض الله وجهك يا أبن نملان هذي والله صور السلاح الأبيض الكفو -- إلليّ ينومس من يحتزم به -- مشاركة أكثر من رائعة ولا يستغرب العلم الغانم من أهله يكفي أنها من أبن نملان -- حتى ولو تشارك بالأسم لحاله يكفي، على الأقل مشاركة فيها شيء من التراث والأصالة أفضل من بعض الأعضاء الذين يعرفون أنفسهم (نعوذ بالله مما في صدورهم من الغل والإحساس بالقصور ونظرة الناس الدونية لهم، فيتبعون هذا الأسلوب الغير مهذب في الردود على هكذا مشاركات، وهم لم يضيفوا لهذا المنتدى أي مشاركة فيها فائدة، بل أصبحوا بمثابة المزعجين والمشككين في أي موضوع أو رأي يخالف هواهم).

تقبل أعجاب وتقدير أبن عمك ----

[عبدالله آل نملان]

اشكركم كلكم على المرور وحنا هنا لانطالب بالمدح أو بغيرة ولاكن البقاء للافضل ثم اني سبق وتكلمت عن هذا الموضوع والمقصود منة طرح فكرة جديدة وحث الناس على المشاركة الافضل وانا اعرف اني هذي ماهي افل مافي الوجود ولاكن سبق وان قلت هذا الموجود ولا الظاهر فية ناس تتخبط الرد بدون ماتقرى وايش سبق من كلام وبعدين ((( يالود النايب )))) ماجيت اطلب المحد ولا المجاملات على فكرة مدر وش وجة المقارنة بين الجنابي والخناجر والنعال يكرمون القارين ويكرم الموقع والله مدر وش التفكر بس مدام المقارنة انتهت بزنوبة فلاداعي اني اكمل في النقاش لاني عارف ان مافية فايد ولازم نرتقي بتفكيرنا اكثر !!!!!!!!!!!!!!

الاخ
النجم اللامع
كل ايناء بمافية ينضح وبعض الرجاجيل مثل الي يرمي من ورى الصفوف اهم شي يكون الواحد عارف وش الهدف وثانياً احب اشكرك على الاطراء والله ماعليك زود وعلى العموم ترى ماحد حسس على راسة الا على راسة بطحا (( والي على راسة بطحاء يحسس عليها)) على العموم حنا ماودنا يطول النقاش في هذا الموضوع خلو علومنا بينا لانة لازم نطلع قدام الجمهور افضل من كذا وافضل من تصيد الغلطات لان فية ناس من برى القبيلة لازم بيدخلون الموقع ولازم نعكس الصورة الحسنة واتمنى منك انت بالدرجة الاولى والمشرفن الافاضل والمشرف العام ان الردود أو المشاركات الي من شانها انها تهبط من مستوى الموقع انها تحذف حتى لو كانت مشاركتي انا شخصياً وكلنا بشر وكلنا نخطي وفيكم الخير والبركة وانت وامثالك ماصبحتو مشرفين الاونتو كفو وقد المسؤلية وبيض الله وجهك والقرئين اجمعين

[كحيلان]

الله لايهينك على نقل الصور الرااااااااااائعه



اخوووووووووووووكم

كحيلاااااااااااااااااااااااان

[آل معمر]

الله يعطيك العافية على هذه الصور الزينة

ودي بصورة جنبية مصبوبة فضة

[ملحف الرفيدي]

http://www.dtxp.com/upload/uploading/139_2_1036920281.jpg

[عبدالله آل نملان]

حلوى وماقصرت والله لاالي في التوقيع ولا الصورة الي حطيتها والله انها كلها حلوى وتشكر على تفاعلك مع الموضوع

وبيض الله وجهك وتحرمنا المزيد

[نجر بن محماس]

الجنابى لبس قحطان ولبس أهل الجنوب ومن ضمنهم أهالي سراة عبيدة


وجزاك الله خير على الصور الجيدة

[السندباد]

يعطيك العافيه يابن نملان على هالصور وانا عندي موضوع في احد المجلات يتعلق بالخناجر والجنابي سوف اطرحه قريبا في العام ان شاء الله

[عبدالله آل نملان]

اخوي السندباد لاتحرمنا من مشركاتك الله يحفظك
وشكراً على مرورك

[محمد الزهيري]

بيض الله وجهك يا بن نملا ن على الموضوع المميز والله يذكرك با لشهاده رجعت ذكريا ت 20
سنه مضت
اخوك محمد

[مهدي الحبابي]

الله لايهينك يالملاحي ( ابن نملان) بس هذي يحتزمبها الياميه واليمن قطبة والي ذكرها اخونا الرفيدي هي الي دارجة عند قحطان

بس يعطيك العافية

[عبدالله آل نملان]

ياشباب الظاهر ان فية عدم فهم للموضوع

انا لم اقل انها لبس قحطان وانا عارف الشي هذا ولاكن هذي مجرد مشاركة فقط لحث الاعضاء على وضع كل مالدية من باب فتح باب لاستجلاب كل من لدية افضل

وشكرا للعموم على المرور

[السحيمي البلوي]

شكراً لك اخي الكريم على هذا المشاركة

[ملحف الرفيدي]

تشتهر أحد رفيدة بعدد من التقاليد التي مازالت موجودة ومستمرة منذ قديم الزمن، ولعل من أهمها اقتناء الخناجر بأنواعها المختلفة والتي يرتديها الرجل في المناسبات المختلفة كالأعياد وحفلات الزواج ومناسبات الصلح بين القبائل، وتختلف تلك الخناجر تبعا لأنواعها المختلفة، وتفرض بعض العادات القبلية وجودها حيث يحرص عليها كبار السن، وانتقلت الظاهرة إلى الأبناء الذين يعتبرونها مكملة لشخصية الرجل وهندامه الخاص أمام الناس على اختلاف أعمارهم، ويدفع بعضهم مبالغ مالية ضخمة لشرائها.
المواطن محمد عبد الله القحطاني ( 26 عاما) يهوى اقتناء الخناجر، يحمل الخنجر في وسطه منذ أن كان عمره لا يتجاوز الثامنة يقول" ارتديت وأنا في سن مبكرة جميع أنواع الخناجر، وكان ذلك تأثرا بجدي لوالدتي الذي كان يحرص على ذلك، وبالتدريج تولد لدي عشق غير طبيعي للخناجر، حتى إنني أفضلها على أشياء ضرورية لي.
ويواصل القحطاني "قمت بشراء خنجر "زراف" الذي يعتبر من أجود أنواع الخناجر بمبلغ 30 ألف ريا ل من أحد الأشخاص الذي حلت به ضائقة مالية و قمت بدفع المبلغ كاملا، وبعد فترة وجيزة حضر إلى من يريد شراءه مني فرفضت بيعه بمبلغ 60 ألف ريال.
وعن مزايا الخنجر قال القحطاني "يتميز الخنجر بمميزات فريدة تميزه عن غيره فرأسه " زراف " يعتبر من الرؤوس القديمة الغير موجوده حاليا، وكذلك السلة "عمانية " والصب فيها " دوجان" وتتميز بأنها حادة ولامعه وتقطع الحديد دون أن يحدث فيها أي خدوش بسبب قوة صناعتها.
ويضيف القحطاني "من المحتمل أن يكون مصدر الخنجر الهند ، وأكد أنه تلقى عروض كثيرة لشرائه بمبالغ كبيرة ولكنه رفض.

صورة الخنجر:-
أضغط هـــــــنـــــــــــــــــــــــــــــــــــــــــ ـــــا (http://www.alwatan.com.sa/daily/2004-01-04/socity/socity11.htm)

المصدر جريدة الوطن

[ابن كشم العبيدي]

ابن نملان لا هنت يالقرم على هالموضوع الطيب..
ملحف لا هنت يالقرم على الصورة الطيبة..

ابن كشم العبيدي

[راية العز]

مشكور على الموضوع بشكل عام
ودي انك حطيت شي افضل
لأن هذه الخاجر موجوده بكثره في الاسواق الشعبيه بالجنوب
بس الخناجر اللي تلبس في المناسبات غير.
مثل الخنجرين اللي جابها الرفيدي.

ما قصرت على كل حال
وما دام الجود من الموجود فلا قصرت ز

[كحيلان]

الله لايهينك على الصور والله انا من نجد

ماعندنا الا البنادق والسيوف ان كانك تبينا انحطها حطيناها


تقبل تحياتي

[ملحف الرفيدي]

[http://www.dtxp.com/upload/uploading/139_2_1056558334.bmp

[فتى الصبيخة]

يعطيكم العافيه جميع
موضوع طيب وصور لجنابي جميله

الاخ محلف الرفيدي
الصوره الاخيره مصبوبه بالفضه صب كامل
ما ادري كيف عرفت انها زراف وانا خوك
ومنكم نستفيد

[هنا الرين]

مهدي الحبابي
الله لايهينك يالملاحي ( ابن نملان) بس هذي يحتزمبها الياميه واليمن قطبة والي ذكرها اخونا الرفيدي هي الي دارجة عند قحطان

بس يعطيك العافية

كلام سليم


وحنا ايضاُ خذينا فكره عن بعض الجنابي او الخناجر اللي ما قد شفناها
وبعض الردود متحمسه شوي ولكن نلتمس لهم العذر
لاني اول ما دخلت على الموضوع قلت ماذي الخناجر بلنا ولا حن بلها.
ولكنها مجرد صور ما تمثل سلاحنا .

[عبدالله آل نملان]

اخوي محلف الرفيد مشكور على تفاعلك وانت الي فهمت مغزى وضع الصور وهي تحريك همة الاعضاء بالمشاركة ومشاركة تشكر عليها .

[المنار]

السلام عليكم ورحمة الله وبركاته : تشكر اخوي عبدالله ال نملان على الموضوع الجميل
اخي الكريم كحيلان : ترا البنادق والسيوف موجوده في كل المناطق وعند كل القبائل وانا اخوك .

[بن مزهر]

السلام عليكم ورحمت الله وبركاته........
اخواني جزاكم الله ابن نملان لمن جاب الصور والله لايهينه ماحدد قحطان او اي قبيله من قبايل قحطان والمقصد والمغزى ماهو من الصوره نفسها بعض الاخوان فهم الموضوع غلط يحسبون ان الصور لقبيلة قحطان عامه وبن نملان اجتهد والله يوفقه علساس الي عنده صور يحطها في المنتدى بعدين جنابي او خناجر كلها يلبسونها قحطان الجنوب خاصه والله لايهينك يابن نملان على الاجتهاد الطيب وبيض الله وجهك

[عبدالله آل نملان]

يابن مزهر شكراً على مرورك


ويابن مزهر ماهي غريبة عليك فهم الغاية والمقصد ((( لو لا عبيدة ماتعربو العرب )))

[قحطان نت كوم]

تجاوب ضعيف جداً

واحد من الاعضاء تجاوب فقط

وين المشاركات

وين الخناجر الثمينه

[صقر رفيده]

أسلووووووووووووووووووو
هباااااااااااااااااااااااااااااااب خبير
جنابي من يومهو صغير

[أبو صقر]

مايسمى الشيخ شيخ(ن) بلا وجهة نظر
كون يحمي كايد الريع عن قبايله
كلمات الشاعر ( محمد مسفر الشناني)
إلي ماله دارس ماله جديد هذا مثل قديم

[أبو صقر]

الاخ/ ابن نملان
السلام عليكم ورحمة الله وبركاته
أنت قدمت الموجود ومشكور عليه وهذه تعتبر مشاركه منك وبيض الله وجهك والحاضرين
أما من يتعيب موضوعك فنطلب منه بان ينزل أويجيب مثل هذه المشاركه أو أقل
أما بالنسبة لي يابن نملان فلا أشره على ولد النايب لأنه مشغول بالشياخة والنوابه وأنا أعرف بان الذي بوه شيخ أو نايب أنه يكون عاقل وعارف
أما أنت يابن نملان فاوالله أنني ماأعرفك ألا بسمعت شيبانكم كما أعرف بان ال نملان شيوخ من شيوخ الحباب قحطان من قديم العصور وشياخة قديمه وما هي بجديده مثل بعض الناس كما قال الشاعر (000)
ليا شاخو شيوخن جدادي
فما عاد لي في الامر حيله
وأرجو العذر من الجميع

[مرعي بن دواس الحبابي]

مشكور وماقصرت
بس الجنابي هذي لاهل نجران واليمن اما قحطان خناجرهم من عمان ومن الحساء من عند الدوجاني واخص الحباب معروفه خناجرهم وتوصل قيمه بعضها الى اربعين الف واكثر
حبابي اصل وفصل

[يعرب بن قحطان]

مشكور وماقصرت
بس الجنابي هذي لاهل نجران واليمن اما قحطان خناجرهم من عمان ومن الحساء من عند الدوجاني واخص الحباب معروفه خناجرهم وتوصل قيمه بعضها الى اربعين الف واكثر
حبابي اصل وفصل


صدقت ياحبابي اصل وفصل
انشهد ان الحباب ما يلبسون شي يفشل
في ذمتي ما يلبسون تياه الجنابي اللي ملونات

[مرعي بن دواس الحبابي]

صدقت ياحبابي اصل وفصل
انشهد ان الحباب ما يلبسون شي يفشل
في ذمتي ما يلبسون تياه الجنابي اللي ملونات
لاخ يعرب بن قحطان
الله لايهينك
حبابي اصل وفصل

[الغايبي]

حبابي اصل وفصل
كفو يابن عمي
مايعتاز مدح وافين في كل علم
ولا يهونون باقي القبايل

[مرعي بن دواس الحبابي]

حبابي اصل وفصل
كفو يابن عمي
مايعتاز مدح وافين في كل علم
ولا يهونون باقي القبايل
lالله يحيك مرحبا ومسهلا
حبابي اصل وفصل

[صالح الشواطي]

بيض الله وجهك يا بن نملان على ذا الموضوع الطيب

والمجال مفتوح لاضافة كل ما هو جديد

أما بعض السخافات والترهات من بعض اللأعضاء

فهي غير مقبولة ومكانها معروف...؟

وأظن الربع يوافقوني الكلام

كما اتمنى من الأخوان الكرام الأطلاع على منتديات القبايل الأخرى

ثم ليحكم بنفسه هل يحصل هناك مثل مايحصل هنا....؟

أرجوا ألا يفسر على غير مغزاه

وأنا أقبل النقد لو حصل قصور


فا والله أن هدفنا واحد للرقي بهذا المنتدى


الذي يمثلنا جميع




وســـــــــلامتكم

[ولد النايب]

صالح الشواطي
الحمد لله ردك الاخير يختلف عن ردك الاول
فيه نوع من الليونه اكثر من سابقه.

يجب التفريق بين السخافات والنقد.

وبعدين ممكن تقول لنا وشي الترهات؟

ومن هم الربع اللي تقصدهم؟


مشكوووووووووووووووور

[ولد السحمة]

أرحب الله لا يهينك على الصور

[راكان بن نملان الحبابي]

بيض اله وجهك يابن نملان (اهل ملاح وادي البيح مافية ظمة )

[مرعي بن دواس الحبابي]

بيض اله وجهك يابن نملان (اهل ملاح وادي البيح مافية ظمة )
قصدك
وادي ملاح البيح مافيه ضمه
مهو با اهل ملاح انتبه لاهنت
حبابي اصل وفصل

[المنار]

السلام عليكم ورحمة الله وبركاته :
وادي البيح ينطق على( وادي الحظيره )فقط اما باقي الوديه فمضمومه .

[البشري]

بسم الله الرحمن الرحيم

أخواني الأعضاء تحيه طيبه أخونا بن نملان ماقصر وجاب هالصور عن الجنابي وكثر الله خير وأشوف بعض الردود خرجت عن مضمون الأدب وهذا يعاب على صاحبه وليس على كاتب الموضوع ويا أخوان انا أرى أن الجنبيه هي ليست للزينه فقط بل لأسباب أخرى كثيره .
وأما عن مصادرها فكانت تصنع في جميع المناطق لأنها عند العرب جميعا وعند كل القبائل العربيه ولكن أكثر من أحتفظ بهذه العاده الطيبة في المناطق الجنوبيه واليمن وعمان وتختلف الأشكال على أختلاف الأذواق .

أتمنى من المشرف المختص بالمجلس حذف المشاركات التي فيها تجريح .

وشكرا

أخوكم البشري

[حراليدين]

اقسم بالله ان مثل هذي الجنابي شفت ارجال متحزمين بها تسوى شوارب ناس عذربوها هنا !!

يا صبيان اقحطان الوقت هذا قمنا انتخير في الجنابي والخناجر ونلبس اللي على هوانا لكن في السابق
كل ماكبر امحزم الرجال زانت هيئته جنابي اقحطان الجنوب كلها من اليمن لا يفتي لي بزر ولد امس يقول من عمان ,, اتحرجون من ذكر اليمن وحنا رحنا ولا جينا يمانيه اصل وفصل وعروقنا من وديان اليمن وهذا الشيء
ما يخجل لا والله الا الفخر كله

ولد النايب ياعنك انك عجوز وعزتي لقحطان اللي انت منهم والكلام نفسه للحبابي اللي ماحشم القبايل ويقول
ان ها لجانبي يلبسونها اللحوج !!! نعم يوجد بعض الصور لجنابي قبائل ليست من قحطان ولكن جلها جنابي طيبه وتفضخ راس كل عايل وتقطم خشمه وهذا الهدف منها ماهي زينه حالها حال ذا الايام تلبس فقط للزينه !!

الله المستعان يا قحطان في عقليات بعض من شارك هنا اشهد انهم نقص علي قحطان

ارحبوووووو يا رجال ..

انا مع كلام اخوي حمد

و اقول للاخوة اللي يقولوا انهم ما قد عرفوا ان هذي الجنابي من لبس قحطان : و فوق كل ذي علم عليم ..

وش تقولون في اخوانكم عبيدة اللي في وادي مارب باليمن تراهم يلبسون بعض الجنابي اللي حطها الاخ ابن نملان

و الا عبيدة مارب ماهم من قحطان ..

و بعض الاعضاء يقولوا : وش ذي الجنابي الرخيصة

اقول لهم : و الله ترى ما لكم علم بشيء اللي ما يعرف سعر الجنابي يواعدني الصيف الجاي على خط الامارات- اليمن

سواء عن طريق وادي الدواسر او الليث و انا اخذه معي لين صعده او مارب او صنعاء و اعرفه وش هي اسعار الجنابي

اللي يقول عنه رخيصة .. قبل كم سنة بايعنا على جنبية في صنعاء سعرها 2.5 مليون ريال يمني يعني بالدرهم

الاماراتي 50 الف درهم و شيخ مشايخ حاشد جنبيته تسوى 3 ملايين ريال يوم كان الريال السعودي يسوى 10 ريال

يمني..

البعض يقول لبس لحوج و الله لولا الحشيمة لقلت كلام اشد من اللي باقول .. لبس عبيدة صار لبس لحوج ..

اقول لهم سيروا عند بني عمكم وادعة و بترعفون وش قيمة ذي الجنابي عند الرجال

يا الربع ترى اللي ما يحشم بني عمه ما له حشيمة .. خلوا عنكم سوالف البزران ..

و انا للعلم لاني من عبيدة و لاني من وادعة و لكن حشمة لبني عمي زعلت..



خوكم بوفارس/ بوظبي

[المظفر]

[بسم الله الرحمن الرحيم

أخواني الأعضاء تحيه طيبه أخونا بن نملان ماقصر وجاب هالصور عن الجنابي وكثر الله خير وأشوف بعض الردود خرجت عن مضمون الأدب وهذا يعاب على صاحبه وليس على كاتب الموضوع ويا أخوان انا أرى أن الجنبيه هي ليست للزينه فقط بل لأسباب أخرى كثيره .
وأما عن مصادرها فكانت تصنع في جميع المناطق لأنها عند العرب جميعا وعند كل القبائل العربيه ولكن أكثر من أحتفظ بهذه العاده الطيبة في المناطق الجنوبيه واليمن وعمان وتختلف الأشكال على أختلاف الأذواق .

أتمنى من المشرف المختص بالمجلس حذف المشاركات التي فيها تجريح

اضم صوتي لاخ البشري

[شباب]

أشكرك أخوي على هذه الصور الجميله ولدي اقتراح أرجو ا الرد عليه من المشرفين على هذا المنتدى ( لماذا لا يكون هناك مجلس خاص بتراث قبيلة قحطان من مخطوطات قديمة وأدوات حرب وملبوسات وأسلحة وغير ذلك من تراث الاباء والأجداد , لكي نحافظ على هذا التراث ولو بالصور حتى يتسنى لأبنائنا ومن بعدهم بالتعرف على هذا الارث . وتقبلوا خالص شكري وتقديري .

[ابو برغش القحطاني]

الله يعطيك العاااافية على الصوور الرهيبه
وين اجيب هل جنبياااات ابي ال 4 الي في الصووووور
ولاهنت وماااااقصرت يا عبدالله

[بن دواس]

السلام عليكم ورحمة الله وبركاته :
وادي البيح ينطق على( وادي الحظيره )فقط اما باقي الوديه فمضمومه .

المنار الله يسعد ايامك ..... انا على يقين بسعت صدرك لملاحظتي

اسئل شيبانك عن وادي ملاح

وادي ملا ح هو وادي البيح ما فيه ضمه بشهادة الجميع

الا ان كان عندك معلومات عن حد مضموم فيه ... فأبلغنا

انا اترك المجال من باب اعطاء الفرصه لللأخر والا متأكد 1000 %

ما حله الا صبيان الحباب ... الموت الحمر

من يوم خذوه من يام الى يومك

والحبابي ما يضم الحبابي ولا عمر الحباب ضمهم احد

ولا فيه قبيلة من الحباب الا عندها ضمات خذ على سبيل المثال لا الحصر

آل الشريف عندهم 32 ضمه
آل العبد عندهم 35 ضمه

وقس على البقيه ....
آل جبران
آل علي بن سعد
آل الجابر ... وغيرهم كثيررررررررررر

أعذروني خرجت عن الموضوع بس رد على مشاركة اخونا المنار



اخوك بن دواس

[مشاري بن نملان الحبابي]

أرحب يا عبدالله آل نملان ...

وبيض الله وجهك يا ذيبان ...