المساعد الشخصي الرقمي

مشاهدة النسخة كاملة : مرثية في ابن فاهد لجبران القحطاني


ملاعب الأسنه
13-04-2005, 07:30 PM
عزيت نفسي قبل أعزي لشهران = وعزيت أنا ربعي صغيرٍ وشايب
وعزيت لآل كناد قحطان = وعزيت من قبله من الحزن ذايب
وعزيت بيت الفاهده أب وأخوان = وعزيت أنا عياله وكل القرايب
وعزيت في مسعود ربع وجيران = وعزيت في مسعود حتى الركايب
وعزيت محتاج وعزيت ضيفان = وعزيت في مسعود حاضر وغايب
وعزيت في مسعود شيوخ وصدقان = وعزيت في مسعود حتى الهبايب
وأنا أدري إن الموت منزل بقرآن = أمرٍ من المولى منشي السحايب
أمره ليا ما قال للشيء كن كان = يامر ويجعل لكل شيء سبايب
لاشك فرقا مثل مسعود خسران = وجرح على فرقاه ماهوب طايب
خسارته يرجح بها كل ميزان = وأنا أشهد انها من كبار المصايب
يارب تلهم أبوه صبرٍ وسلوان = وتجبر عزا شهران شيخٍ ونايب
وتجبر عزا شهران حضر وبدوان = بشيخٍ رحل فوقه تراب ونصايب
وأخص ناهس بالعزا سر وإعلان = بشيخٍ رحل عنهم يسد النوايب
يالله يامنزل تبارك والإنسان = يا قابلٍ عبدٍ من الذنب تايب
تجعل له من الذنب عفوٍ وغفران = وتجعل مكانه في جنان الرغايب
وتجعل مصيره في جنان ورضوان = في جنة فيها زهور وعشايب
في عالي الفردوس ياعالي الشان = وفرّج عنه يالله جميع الكرايب
وتعوض أبوه بمثل مسعود شيخان = بعياله ولاهي عليهم غرايب
عسى العوض في اللي مثل طير حوران = عبدالله ابن له علومه عجايب
علّمه أبوه وصار عارف وفهمان = صقرٍ ليا هده يجيب الكسايب
وهاذي تعازينا تقدم لشهران = كتبتها وأنا دموعي سكايب

هاوي نجد
13-04-2005, 08:33 PM
لاهنت يا ملاعب الاسنه

قصيده بصراحه حزينه وتحرك المشاعر والله يرحم ابن فاهده رحمه واسعه

ويسكنه الجنه 0 معوضين خير انشاء الله 00

صح اللسان الشاعر ولاهان على هذا الابداع القوي00

تقبل تحيات اخوك

حسين آل حمدان الفهري
13-04-2005, 09:24 PM
ملاعب الاسنه

السلام عليكم

الله لا يهينك على ايراد القصيده

وصح لسان الشاعر جبران
وياليتك عرفتنا باسمه كامل
ــــــــــــــــــــــــ

ورحم الله مسعود بن فاهده
ونسأل الله العلي القدير ان يشفي والده .


.

ذيب العبيدي
14-04-2005, 12:50 AM
لاهنت يا ملاعب الاسنه

قصيده تحرك المشاعر والله يرحم ابن فاهده رحمه واسعه

ويسكنه الجنه

صح اللسان الشاعر ولاهان على هذه القصيده

تقبل تحيات اخوك

العبيدي

تركي الفهري
14-04-2005, 12:58 AM
لا هنت ياملاعب الاسنه
وصح لسان الشاعر ورحم الله ابن فاهد

فارس قحطان
14-04-2005, 12:10 PM
لاهنت
ياملاعب الاسنه

وشكرا لك على هذا النقل الطيب لهذه المرثيه