المساعد الشخصي الرقمي

مشاهدة النسخة كاملة : ذودي يا محمد غدوا به .. !!!


سالم الخنفري
11-04-2005, 01:40 PM
كانت بنت محمد ابن حشيفان آل روق قحطان ترعى ابلها .. و ذات يوم و هي مع ابلها اغار على الحي قوم و استاقوا البل و كان من بينها ابل بنت ابن حشيفان ... فلم تتمالك نفسها و جعلت تلوح بخمارها و تصيح ... فلحق قومها بالقوم المغيرين و كان من بين جماعتها الذين لحقوا خلف القوم لفك البل مجري ابن ذيبان آل روق ... فجعلت بنت محمد ابن حشيفان تنخا محمد بن رثوان قائلى : البل يا محمد ... فكر محمد بن رثوان و من معه على الغزاه و اخذ الفارس محمد بن رثوان يحدا و هو على ظهر فرسه و يقول :



يا طير ياللي فوق فوق = ياللي ترفرف بالجناح
الحق مع اولاد ابن روق = عشاك من روس الرماح


و تمكنوا من فك البل من القوم فقال الفارس محمد بن رثوان يصف ما حصل بهذه القصيدة :



انا هاضني فالظهر صياح ريبه = و مالٍ غدوا به ذاهبين الحمايل

يا مرقب الخفرات لعلك الحيا = يجيك من نو الثريا مخايل

حيثه نطحني فيك بيضا عفيفه = تنثر على الامتان سمر الجدايل

تزهم و تنخا في رجال القبيله = من حب ذودٍ لبسوها شمايل

تقول ذودي يا محمد غدوا به = اللي لهم قب السبايا رحايل

الصوب الايمن شبوا النار دونه = و الصوب الايسر ما كسب له جمايل

حلفت يا ذودك ما يروحون به = الا ان راسي من على الخيل زايل

اخاف انا من هرجةٍ وسط مجلس = لا سولفوا ما بين عيٍ و عايل

ابوكم قومٍ ماعرفتوا وسومها = وسومها على جنوبها دلايل

دست السبايا بالسبايا و دبرت = لين استطاعت للعيال الجهايل

نطحتها خشم العريني تعمد = من ذلةٍ من هرج قيل و قايل

دست السبايا بالمهند و القنا = لين اغتشاني من دمي وشايل

اليا رفعت الصوت لاولاد رايق = مثل الفحول اللي تدوس الشوايل

عرفت منهو تحتظي الخيل سابقه = و عرفت منهو لي بعيدٍ يخايل

خلوا عدايلنا وقوف كنها = تمطر عليها منشيات المخايل

ابهيت من اللي كنها دارج المها = لين اعطبوها مقحمين الفتايل

يا نافدا اللي يوم عقرت عاضني = كبيرة الملقا قبا و حايل

عطية هذاب السرايا مجري = دز العريني من يمينه دايل

عطية اللي لا بهراف مجلس = و لاهوب من بين الجماعه يفايل

ماهوب عذالٍ الى فات فايت = و لا بمفلول كثير العذايل

خيلٍ تغذا للبلا و تنطح البلا = و خيلٍ تغذا للردا و الفشايل

قلته و انا كفى خضيبٍ من الدما = كما كف حرٍ ضاري بالفصايل

تسعين قاف من ضميري نقدتها = نقد الدراهم في يدا كل نايل




اخوكم
كوكب زحل

ذيب آل نغيمش القحطاني
11-04-2005, 09:20 PM
بيض الله وجهك ياكوكب زحل

حسين آل حمدان الفهري
12-04-2005, 08:51 AM
كوكب زحل


السلام عليكم

قصة وقصيدة تستحق القراءة والحفظ
وابن رثوان وآل روق كفو من اول ومن تالي



لاهنت


.

المكابسي
14-04-2005, 11:28 PM
هذه الموقعة حصلت بين ال روق وقبيلة عتيبة على راس الامير الفارس محمد بن هندي

ويقولون الرواة ان سيف بن رثوان ( مخلص )بعد المعركة جمد علي يده من شدة القتال

ولم يفكوه من يده الا بالسمن الحار

وتقبلوا خالص تحياتي



اخوكم

الادهم

سالم الخنفري
17-04-2005, 01:10 AM
وجهك ابيض يا ذيب ...

اسعدني مرورك و تشريفك للصفحه ..



اخوك
كوكب زحل

سالم الخنفري
17-04-2005, 01:11 AM
مرحبا بك يا حسين ...

اشكرك يا غالي على ردك اللطيف ..

دمت سالماً ,,,



اخوك
كوكب زحل

سالم الخنفري
17-04-2005, 01:14 AM
اشكرك يا الادهم على الاضافه الطيبه ..

بارك الله فيك ...

تقبل احترااامي و تقديري



اخوك
كوكب زحل

[[ولد نجد]]
26-04-2005, 07:31 PM
حالي الي غدا مثل الهشيمه والهشيمه عود وادنى ماكسرها fahad_alraig@hotmail.com

ابوملاك
27-04-2005, 01:00 AM
والله ومليون نعم بابن رثوان وربعه .

ولاهنت يا كوكب زحل وابيض وجه .

الجحدري
01-05-2005, 04:23 AM
آلاد رايق سعد منهو زبنهم --- لضاعت الاشوار ابشر بمعناز

والله وستين نعم

وسقى الله زمان فات

لاهنت

إبن الأروق
04-05-2005, 10:11 PM
لاهنت ياكوكب زحل لاهنت

ولايهونون الربع اللي مروا من هنا

وماعليكم زود كلكم يالاجواد

تقبلوا خالص محبتي

مكين
18-08-2005, 02:00 PM
السلام عليكم ورحمة الله وبركاته

إلى رفعت الصوت لاولاد رايق******************** مثل الفحول اللي تدوس الشوايل

ونعم بال روق

ابي اسأل رايق هذا هو جد ال روق؟

يعني روق ماهو اسم ، الجد اسمه رايق؟

إبن الأروق
18-08-2005, 05:33 PM
السلام عليكم

ارحب يالمكين

روق هو جدنا وليس رايق

بعض الأسماء يتغير لفظها عند العزوة والا الحداء والا اي اسباب اخرى



من عزاوي بعض آل روق : خيال البلها روَّاق

ويقال آلاد رايق وآلاد روق ويقال أيضاً روقية عند التحدث عنهم ببعض لهجات قحطان

كقول الشاعر :


روقيةٍ يا سعد منهم رفاقته=هل فرسةٍ كل القبايل حكوا بها


والسلام عليكم ورحمة الله

مكين
19-08-2005, 02:00 PM
كفو والله آلاد رايق

فعلكم بيّن

وتسلم على المعلومه

إبن الأروق
19-08-2005, 02:32 PM
ما عليكم زود يالمكين


وحاضرين في الخدمة

البيـــرق
24-08-2005, 07:47 PM
لاهنت ياكوكب زحل

وبيض الله وجهك......................

البيـــرق
24-08-2005, 08:13 PM
ويقال ايضا"...........(((ابن مروق)))))...............بتشديد الراء والواو...

وهذه عند اغلب القبايل يستخدمونها في عدة مواضع كما اسلف اخونا ((((ابن الاروق)))

وعلى طاري.... ابن الاروق.... نجده مقل في المشاركات في الاونه الاخيره.....ونقول عسى المانع خير يابن عمي


اخوك البيــــــــــــــــــــــــــــــــــــــــــرق:)

العريدي
24-08-2005, 10:24 PM
حي والله ذا الروس .. يا اولاد روق ...

لاهنت يا ذيبان ...

ذيب_ال روق
25-08-2005, 03:05 AM
لا هنت ياكوكب زحل والقصه معروفه وهي مع قوم من عتيبه وهذي البيتين تكفي عن ميه قصيده مدح ل ال روق وهذا توقيعي ولاهنت التصحيح يا المكابسي.ولاهنتوا

عاشق المرجلة
27-08-2005, 01:31 PM
بيض الله وجهك

ابن سابره
27-08-2005, 05:23 PM
بيض الله وجهك





دندن

إبن الأروق
27-08-2005, 05:44 PM
الله الله إبن مروق

صدقت يالبيرق

واللي شاغلني بعض الامور

وأسأل الله أن لا يشغلنا إلا في طاعته

آمين


وما عليكم زود يالعريدي

كحيلان
28-08-2005, 10:34 AM
لاهنت علي القصه والقصيده


وهذي السوالف اللي تنومس

ونعم والله بال روق

ولاهنت

الروقي
20-05-2006, 02:26 PM
ارحبو ياعيال الشايب:) :)

الروقي
20-05-2006, 02:29 PM
السلام عليكم ورحمة الله وبركاته

ديمقراطي
20-05-2006, 05:09 PM
الله يعطيك العافيه

بالفعل انني استمتعت بقراءت هذه القصيدة

سعيد بن مسعود آل مهدي
02-06-2006, 08:47 AM
كوكب زحل

لاهنت على السالفه الطيبه

وتحياتي لك

سالم الخنفري
07-06-2006, 09:54 AM
الله يحييكم جميع ...

و لاهنتوا ....

ابن دراج
16-06-2006, 02:50 AM
الاخ / كوكب زحل
لاهنت يالنشمي على طرح هذه القصة والقصيدة الرائعة ,,,,,,

سالم الخنفري
20-06-2006, 06:32 PM
مرحبا بك يابن دراج ...

اسعدني تواجد توقيعك بالموضوع ...

تقبل فائق تقديري و احترامي ..

و دمت سالماً ,,,

بن خرصان
09-09-2006, 08:35 PM
بيض الله وجهك ياكوكب زحل

الربع
22-09-2006, 01:55 PM
السلام عليكم ورحمة الله وبركاته

كـــــــوكــــــــــــــب زحــــــــــــــل

اطال الله في عمرك ونشكرك على هذا الابداع وكذلك الدقة في الشرح
ونتمنى من الله لك التوفيق ونطلب المزيد اذا كان لديك من قصص ال روق
لانها فرصة للشباب ان يقروا ويعرفوا عن هذه القبيلة خاصة وعن بقية قبايل
قحطان العريقة .....................
والســـــــــــــــــلام