المساعد الشخصي الرقمي

مشاهدة النسخة كاملة : للشاعر ابو هندي بن حمساء


بن مفلح
07-08-2007, 02:48 AM
هذي القصيده للشايب ابوهندي بن حمساء الفهري

يوصف فيها حال الدنيا :



قال الذي جرب وقال التماثيل =وقد صكته دنياه وربه سترها

ايام تمشي ةالليالي مقابيل =ولاعاد عرفنا شمسها من قمرها

ولا عاد عرفنا نجمة الصبح وسهيل =وربيعها ما سدنا من دهرها

دنيا تحول رافع الراس تحويل =وتحوله من راسه في قعرها

لا ما قبلت تمشي كما جارف السيل =وإن دبرت شفت المنايا باثرها

خوانه غداره يا مشاكيل =وكم فارس قد دزتها في نحرها

واخبر تري دنياك لعب ودهاويل =وتلعب بقلب اللي يغره زهرها

وقد اهلكت عاد وثمود واهل الفيل =وكثر الحذر مايمنعك من قدرها

وقد اتعبت ركابة الجيش والخيل =والانبياء راحت وهاذي عبرها

تفرح بها يومين والثالث تميل = وكم ميلت من واحد قد نظرها

وحللت انا الدنيا وشفت التحاليل = وشفنا سلامتها وشفنا خطرها

وعزي لمن يسعي بليا محاصيل =ولا عاد يعرف يومها من شهرها

يسعس ورا دنياه بالقال والقيل =وعينه لنفعه مايحقق نظرها

وماتصلح الدله بليا فناجيل =وما كل من يبغي المراجل قدرها

وكم حابل يقع بوسط المحابيل =يحبل لغيره ثم وقع في حفرها

وكم واحد سهل وطيب وحلحيل =وإن جاه زله من قريبه قبرها

يمسح زلات الرفاقه امنديل =يبغي نهار الكون يكسب ضفرها

وحدن علي الجيرن ياخذ معاديل =ولحد يداني قصرته من قشرها

توقظو يااهل القلوب المهابيل =احد عمر داره واحد دمرها

احد عمرها في صلاه وتهليل =واحد دمرها بالنعم ماشكرها

الدين بستان غروسه مظاليل =واللي زرع زرعه بيجني ثمرها

والما قراح وعدله قايم الليل =اللي سهر ليله ويبذر بذرها

والدين كامل مايبي زود تاويل =ارسل لنا رسل تفسر سورها

انزلنا القران وايضا والانجيل =وايضا زبور وكتبه اللي ذكرها

والدين ساسه دعوه يارجاجيل =والانبياء ربي لساسه ومرها

تدعو لدين الله بلين وتساهيل = ودعوه محمد شامله ما اختصرها

ومن لايذل النفس للحق تذليل =تعلب به الدنيا ويشرب كدرها

والله خلقنا جيل ومن قبلنا جيل =ومن بعدنا جيل وعنه خبرها

وربي كتب الاجال مافي تاجيل =ومن جاله اجله حاجته من انتظرها

ويا محلا سمعه بيان وتشكيل =وكل كتب نفسه ورتب سفرها

من خبره تجلي كبود مغاليل =تدعو لين الله وربي نصرها

وصلاه ربي عد وبل المخاييل =من مزنه هلت حقوق مطرها

علي نبي وضح الدين بالحيل =ادي الامانه والرساله نشرها



وســــــــلامتكم

محمد القويفل
07-08-2007, 09:26 AM
صح السان ابن حمساء الفهري


ولاهنت يا ابن مفلح على النقل


في انتظار جديدك


تحااااتي

بن مفلح
07-08-2007, 10:43 PM
صح السان ابن حمساء الفهري


ولاهنت يا ابن مفلح على النقل


في انتظار جديدك


تحااااتي

القويفل

صح الله بدنك و لاانت

واشكرك علي ترتيب القصيده

محمد الضويري العاطفي
08-08-2007, 01:37 AM
صح اللسان بن حمساء وجعله في ميزان اعماله ونشكرك يابن مفلح ولك اجر عظيم ان شالله في طرح هاذي القصيده المفيده

معيض بن صميع
08-08-2007, 05:12 AM
هلا وغلا ...


صح لسان ابن حمساء الفهري


ولاهنت يا ابن مفلح على النقل


في انتظار جديدك



مع التقدير ،،

ابن خضير
08-08-2007, 11:03 AM
بسم الله الرحمن الرحيم
السلام عليكم ورحمة الله وبركاته


صح لساااااااااااااااااااااااااااااااااااااااااااااااا اااااااااااااااااااان

عمي ابو هندي


ولاهنت على النقل


في انتظار جميع قصائده


والله يحفظ الجميع

أبو شباب
08-08-2007, 11:21 AM
مشكور يا ابن مفلح على النقل

وصح لسان ابن حمساء

عبدالله السحيمي
08-08-2007, 11:32 AM
بسم الله الرحمن الرحيم
السلام عليكم ورحمة الله وبركاته


صح لسان الشايب

الله يجزاه خير ويجزاك معه


اخوك/عبدالله السحيمي

بن مفلح
10-08-2007, 02:55 AM
صح اللسان بن حمساء وجعله في ميزان اعماله ونشكرك يابن مفلح ولك اجر عظيم ان شالله في طرح هاذي القصيده المفيده

الاخ الدوان

صح الله بدنك

وتسلم لبا قلبك


واشكرك علي مرووورك

بن مفلح
10-08-2007, 02:56 AM
هلا وغلا ...


صح لسان ابن حمساء الفهري


ولاهنت يا ابن مفلح على النقل


في انتظار جديدك



مع التقدير ،،

الاخ معيض بن صميع

صح الله بدنك

ولا انت لباقلبك

واشكرك علي مرووورك

بن مفلح
10-08-2007, 02:58 AM
بسم الله الرحمن الرحيم
السلام عليكم ورحمة الله وبركاته


صح لساااااااااااااااااااااااااااااااااااااااااااااااا اااااااااااااااااااان

عمي ابو هندي


ولاهنت على النقل


في انتظار جميع قصائده


والله يحفظ الجميع

ارحب ابو سعد

وصح الله بدنك

وتسلم لباقلبك

وابشر فيه قصايد راح انشرها له


واشكرك علي مروووورك

بن مفلح
10-08-2007, 02:59 AM
مشكور يا ابن مفلح على النقل

وصح لسان ابن حمساء

الاخ ابو الشباب


صح الله بدنك


وتسلم لبا قلبك

واشكرك علي المرووور

بن مفلح
10-08-2007, 03:00 AM
بسم الله الرحمن الرحيم
السلام عليكم ورحمة الله وبركاته


صح لسان الشايب

الله يجزاه خير ويجزاك معه


اخوك/عبدالله السحيمي

الاخ عبدالله السحيمي


صح الله بدنك


وتسلم لبا عينك


واشكرك علي مروووورك