(((جـعـل ذيــــــك الـبنت لـي )))

[ابراهيم بن ربوع]

السلام عليكم


المعذره على قل التواصل ..


وهذه قصيده متواضعه (( للتواصل )) عساها ترقى الى ذائقتكم .

.....


...


.



وين انت ياللي في معاطيـن الفـواد=عاينت لك عامين .. ماعاينـت لـي
عامين كنّي من فراقـك فـي جهـاد=حزين فرقااا .. لوك ماحزّنـت لـي
ابلشتني .. والحقتنـي لـوم العبـاد=بقفايتـك عنـي بعـد قلتنـت لـي
الله يسامـح صـدتـك يابوعـنـاد=ويبيح جرحك من عقب بعتنت لـي
ليتك تذّكـر يـوم همّـك فيـك زاد=ثم جيتني تشكي علي وآذنـت لـي
آذنت واستسلمت.. ثم قلت الوكـاد :=ان المحبه لك .. وانا لك .. وانت لي
وفجّيت صدري لك وحرمت الرقـاد=وشبيت ضوك بي .. ولا بيّنت لـي
صدقت حكيك يوم ماطقـت البعـاد=واعلنت لك بالشوق وانت اعلنت لي
من عقبها طاحت من عيونـي بـلاد=وليّنت لك قاسي الظروف ولنت لـي
صرت احفظك واقول (شفّي والمراد)=واقول يالله (جعل ذيك البنت لـي )
حتى دريت ان الغلا ماله مزاد=وعرفت فرق المازدا .. والبنتلـي
اخلفتني واودعت في كبـدي رمـاد=واشقيت عيني بالسهر من زنت لـي
ماطعت فيك اللي نصحنـي بانفـراد=استنصحك .. وبدمعتك برهنت لـي
حسبي عليك شعاد منك وويش عـاد=ياما لعينك صغت ثم هيجنـت لـي
من ضيقتي ماطاب لي شـربٍ وزاد=غير التمني .. ليت كان وكنت لـي
جسمي كلاه الهم مـن قبـل القنـاد=ومن سبّتك صار الصحيب الكنت لـي
ياليت ماالله حطـك بعينـي سـواد=او ليتك بدرب المحبـه صنـت لـي
عامين عدّت عادني بك فـي جهـاد=اذكرك واسري لك وفا .. مابنت لي
ليتـك تحّـن وتذكـر ايـام الـوداد=وتعيد عمر ٍ فات لي ..(لا هنت لي)
وين انت ياهملـول كبـدي والبـراد=باموت عطش ٍٍٍٍٍ مابعد جيتنت لي


.....

..

.

وســــــلامتكم ..


ابراهيم بن ربوع اليامي

[عبدالله السحيمي]

بسم الله الرحمن الرحيم
السلام عليكم ورحمة الله وبركاته


صح لساااااااااااااانك


قصيده جزله

من شاعر جزل

الله يوفقك


اخوك/عبدالله السحيمي

[ابن خضير]

بسم الله الرحمن الرحيم
السلام عليكم ورحمة الله وبركاته


صح لساااااااااااااااااااااااااااااااااااااااانك