سواقة اهل الرياض ؟؟؟؟

[شامانـ العاطفي]

السلام عليكم ورحمة الله وبركاتة


الاسبوع الماضي كنت في دبي وكنت مقبل على

الاشارة المهم انا أحسب أني في الرياض يوم قامت

الاشارة تكبس وهي خضراء يعني انتبة ترى بطتلع حمراء

المهم يوم جات صفراء قطعتها وأحسب الوضع عادي مثل الرياض

جعلها تسلم الا والدورية وراي (واق واق ) يعني اقيف باللهجة السودانية :deal:

يا ولد وش العلم ؟؟؟؟

أنا في الرياض اسوق سنين ودايم أذا جات صفرا ابطت اوقف لكن ذولا

جيتهم يومين ومسكوني .

فأبختصار يا شباب وش القصة هل الخلل في السائقين نفسهم أهل الرياض أم

الخلل في أجهزة المرور في الرياض.

وبعدين عسكرنا بعضهم يقلب الدعوة مزاج مهب شغل أساسي علية القيام

بة فييمشي هذا ويعطي هذا قسيمة يعني الكثير منهم يشتغل بالمزاج

اما هناك في دبي والا غيرها يطبق العسكري النظام بحذافيرة الرجاء المشاركة

وأثراء الموضوع ولا هنتوا .



:banana: : ابن الاسود العاطفي : :banana:

[عبدالله السحيمي]

بسم الله الرحمن الرحيم
السلام عليكم ورحمة الله وبركاته


حنا مثل ماقلت على المزاااااااج

تلقاه قافله معه ويقولك تعال الحجز

وتلقاه مروق يسولف معك ويقولك خلاص روح


الله يعدلهــــــــــــــــــا


اخوك/عبدالله السحيمي

[ابو احمدالرشيدي]

وبسبب ذا المزاج راحت الارواح وصرنا في قائمة الدوال ذات اعلى معدل حوادث

للأسف حياتنا مزاج مالة داعي 0

ادي إلى الاستهتار بالممتلكات والارواح ووووو أيش بقى اصلا لاراحت الروح 0

الله يصلح الحال 0

[ماجد الخليفي]

الله يعدلهــــــــــــــــــا

[ابوقحط]

الله يستر

[ناصر السنحاني]

بسم الله الرحمن الرحيم
السلام عليكم ورحمة الله وبركاته
الله يعين

[عاشق الوطن]

ابن الاسود العاطفي

السلام عليكم ورحمة الله وبركاته

الفرق الله يسلمك في النظام

ومن يطبق النظام؟

اذا البلد فيها انظمه مدروسه بعنايه وقابله للتطبيق" توفر جميع الامكانيات" لتطبيقه على الجميع

ولا فيه احتمال ها لمره سوف تسلم الجره

هنا الكل يتقيد بنظام سوف يطبق عليه او على من تساهل في تطبيقه

اما اذا المسأله" خيقي بيقي" اجتهاد وبالصدف يطبق النظام

ويعول النظام على الامزجه

هنا تعرف ان القائمين على النظام غير مؤهلين!!!!

تحياتي

[عاشق الليل]

--------------------------------------------------------------------------------

ابن الاسود العاطفي

السلام عليكم ورحمة الله وبركاته

الفرق الله يسلمك في النظام

ومن يطبق النظام؟

مشكور ياغالي

[صالح السنحاني]

بسم الله الرحمن الرحيم
السلام عليكم ورحمة الله وبركاته


انت صادق؟


عادك ما قد شفت اهل الشرقية

اطم واشين


تقبل مروري


وتشكراااااتي

[ابن خضير]

بسم الله الرحمن الرحيم
السلام عليكم ورحمة الله وبركاته


الله يعدلــــــــــــــــــــــــــــــها

[شامانـ العاطفي]

السلام عليكم ورحمة الله وبركاته

الاخ المشرف السحيمي

الاخ ابو احمد الرشيدي

الاخ الخليفي

الاخ ابو قحط

الاخ ناصر بن لعور

الاخ فتى سروم

الاخ المشرف عاشق الوطن

الاخ عاشق الليل

الاخ المشرف ابن خضير

أشكر الاخوان الكرام على المرور والردود العطرة

ولاهان الاخوان عاشق الوطن والسحيمي والرشيدي

على الاضافة الجميلة .

[يعلي]

ابن الأسود العاطفي

السلام عليكم ورحمة الله

باختصار شديد جدا جدا جدا

80% من مخالفي انظمة المرور في الرياض وف المملكة بشكل عام هم رجال الأمن (جميع قطاعات الأمن)
80% ان لم يكن اكثر من رجال المرور يجهلون انظمة المرور ولا يجيدون الا السرعة الزائدة او تطويف الرخصة والاستمارة

اقتراح شخصي مع احترامي لكل رجل امن فغالبية اخواني وربعي وقبيلتي رجال امن لكن كلمة الحق تقال اقترح بأن يكون المرور شركة مستقلة ومنفصلة تماما عن الأمن المتعارف عليه بهذا سترى نظام نفتقده منذ نشأة الدولة حماها الله او ان يكون 80 % من رجال المرور اجانب كما في البحرين والامارات فهم لا يعرفون الواسطات ولا التكاسل كما يفعل رجال مرورنا البواسل فلعلك تراهم كثيرا يتحدثون بالجوال طوال ساعات العمل في الشوارع واشارات المرور واماكن الزحمة التي يجب ان يكونوا في ذلك الوقت اكثر جدية من اي وقت اخر

سؤال للجميع هل منكم من رئى في حياته اشارة في الرياض او غيره في وقت الذروة او غيرها جميع السائقين يقفون خلف خط المشاة وتاركين المسار الأيمن لمن اراد الانعطاف لليمين؟

[شامانـ العاطفي]

الاخ يعلي

وعليكم السلام ورحمة الله وبركاته

والله الذي نزل تبارك والانعام ان كلامك عين العقل ولا علية خلاف

أما بخصوص أقتراحك الاول نعم لو حطو المرور شركة مستقلة أو تابعة للقطاع الخاص

أن تشوف العلم غير بشوف الزكرت منضبطين صف واحد قبل خط المشاة والمسار الايمن

فاضي ومخصص للي بيروحون يمين .

اللحين وش لون تبيهم ينضبطون والعسكري نفسة بدوريتة يوقف في المسار الايمن مع الناس

(أذا كان رب البيت للدف ضاربا فشيمة أهل البيت كلهم الرقصو) ههههههههه.

أما أقتراحك الثاني رجال المرور الاجانب كما في البحرين والامارات تدري الي ماسكني باكستاني

( ما فية تكفى سديق خلني أروخ ) هههههههههه بس هذا الاقتراح أبطت يطبقونة بيقولون عندنا بطالة ونوظف الاجناب

(يا عيب الشوم ) هههههه.

اما بالنسبة لسؤلك الاخير أكذب عليك ان قلت لك فية أشارة كذا وكلامك كلام سليم لا يختلف علية أربعة ههههههه.

اخوي يعلي لاهنت على الاضافة واثراء الموضوع ولا عدمناك يالغالي ,,,,,,,,,,

: اخوك ابن الاسود العاطفي :

[خيال الزرقاء]

مشكور يابن عاطف على هذا الموضوع

[شامانـ العاطفي]

الاخ خيال الزرقاء


العفو يا أبن عاطف ولا هنت على المرور .

[شامانـ العاطفي]

السلام عليكم ورحمة الله وبركاته

الشكر العطر لجميع الاخوان الذين شاركونا الموضوع ,,,,,,,,,,,,,,,

[الضويري]

الشرقيه والا غيرها

سواقتنا نفسي نفسي

والله ان ربعنا ناشبين في الدوارات

كلما مريت على دوار في الخليج وعنده دوريه

الا والله واحد من ربعنا مجودينه

لا يعرف احقيه غيره ولا السرعه النظاميه

اي والله

الله يعدلها

[شامانـ العاطفي]

الاخ المراقب الضويري

لاهنت على المشاركة والاضافة وعلى البركة

ترقيتك لمراقب ولاهنت .

[الضويري]

الله يبارك بعمرك

وموضوعك مميز وتراني قد انكويت

بالكيمرا مصورين الموتر قاطع الاشاره

[مرتاح البال]

موضوع جميل -- ومفيد

يعطيك العافيه

تحياتي

[شامانـ العاطفي]

السلام عليكم ورحمة الله وبركاته

الاخ / المراقب الضويري لعاد تقطع اشارات الا في الرياض هههههههههه

الاخ / صادق الوعد ويعطيك العافية على المرور والرد الاجمل ,,,,,,,,,,,

[مقبل السحيمي]

المثل يقول : (( ياغريب خلك أديب )) يالعاطفي هذا درس لك ولنا جميعا . ولاعاااااااااااااااااااد تعودها
ولاتحسب الهمجية اللي عندنا تنفعنا برا السعودية ترا الواسطة ماتنفع هناك.........هههههههههههه

[شامانـ العاطفي]

المثل يقول : (( ياغريب خلك أديب )) يالعاطفي هذا درس لك ولنا جميعا . ولاعاااااااااااااااااااد تعودها
ولاتحسب الهمجية اللي عندنا تنفعنا برا السعودية ترا الواسطة ماتنفع هناك.........هههههههههههه

أرحب يا مقبل و ذا المثل ما كنت أعرفة وأبشر طال عمرك ما تعودها

والشعب والله إنة همجي ما ينفع معة التعليم لكن الله يعدلها ولاهنت ,,,