المساعد الشخصي الرقمي

مشاهدة النسخة كاملة : الله يذل الرخوم ويقطعك حاله

لايم الوقت
10-04-2005, 11:22 PM
اخواني الاعزاء السلااام عليكم ورحمةالله وبركاته ........... اليكم هذه القصيده من قصايد الشاعر .. شديد بن جارالله ال سعد القحطاني ......... ارجو ان تنال اعجااابكم



المرجله راس ضلعٍ يتعب الراقي = يصعب على اللي رقا عاليه محواله
هبت هبوب الخليج وهزت اشواقي = واهتز عرش الضمير وجر مواله
اقولها من صميم القلب واعماقي = ملعون من عز رجالٍ لاجل ماله
انا مع اهل الوفا والجود ملحاقي = ضمن الرياجيل رجليه وخياله
سقت المثل في كبير الخلق وانساقي = لو كان ماني بماسولٍ عن اعماله
ذوقي تعلا على واطينالاذواقي = واللي تسفل بذوقه مالي وماله
ماني بارفع طويل الثوب عن ساقي = ادور الستر في دنياي واسعاله
ولاني برافق رفيقٍ يبغي افراقي = باصد جعل السعد والخير في فاله
ما جامل الخلق رزقي عند خلاقي = الخالق اللي جميع الخلق بظلاله
خلاق كل البشر المفني الباقي = ربي جميع البشر ترجيه وتساله
ياما عطينا الركايب كل مرهاقي = ليل ونهارٍ لكسب الرزق رحاله
ان شفت نقصٍ جزعت وشانت اخلاقي = الله يذل الرخوم ويقطعس حاله

وسلاامتكم ........وسلاامة قاائلها
.......... والسلاااااااااام عليكم ورحمة الله وبركاته
ابن عاصم
10-04-2005, 11:28 PM
لايم الووقت كل اسبوع تتحفنا بشاااااعرنا

وصح لسااااااانه

ولاهنت ياذيبان
المعمري
10-04-2005, 11:38 PM
لا هنت يا لايم الوقت وتسلم يمناك


وصح السان الشاعر
السيف النادر
11-04-2005, 09:22 AM
لا هنت يا لا يم الوقت .... وبيض الله وجهك

قصيدة جزلة ورائعة من قصايد شاعرنا / شديد بن جار الله

صح لسااانه ملايين وسلمت يمينك

قصائده دائما رائعة ... وتحتوي على حكم وفوائد ...قل أن تجدها في قصائد غيره

اكرر شكري وتقديري يالايم الوقت ....

تقبل أجزل تحياتي
هاوي نجد
11-04-2005, 07:39 PM
لايم الوقت

مميز مميز يا لايم الوقت ولاهنت على اتحفنا بقصائد شديد بن جار الله

شاعر معروف وقصائده مليئه بالحكم والمواعظ

صح السان شاعرنا وتسلم يمينك 0

تقبل تحيات اخوك
لايم الوقت
11-04-2005, 08:38 PM
الاخوه الاعزاء ... بن عاصم .... المعمري ... السيف النادر.............. هاوي نجد..السلام عليكم ورحمةالله وبركاته ........ اشكركم جزيل الشكر على مروركم الكريم الذي قد لاتعلمون مدي تاثيره الايجابي علي والذي جعلني في موقع لا اقدر من خلاله الا ان احاول قدر المستطاع ان اكون عند حسن ظنكم بي وان احاول ان اقدم ما يحوز رضاكم ورضا من يرود هذا المنتدى العظيم .........امل من الله العلي القدير ان لا يخجلني وان يوفقني الى ما يرقا لمستوى اشخاصكم الكريمه .. تقبلوا تحيات محبكم ..والسلام عليكم ورحمة الله وبركاته
ابوملاك
11-04-2005, 08:59 PM
لا هنت يا لا يم الوقت .... وبيض الله وجهك

قصيدة جزلة ورائعة من قصايد شاعرنا / شديد بن جار الله

صح لسااانه ملايين وسلمت يمينك

قصائده دائما رائعة ... وتحتوي على حكم وفوائد ...قل أن تجدها في قصائد غيره.
لايم الوقت
22-04-2005, 11:48 PM
الاخ الفاضل ابو ملاك .. السلام عليك ورحمة الله وبركاته ...........الله لايهينك على مرورك الكريم والذي شرفني كما شرفني مرور من سبقوك من الاخوه الاعزاء ....... مشكور اخوي ابو ملااك ..والسلام عليك ورحمة الله وبركاته