المساعد الشخصي الرقمي

مشاهدة النسخة كاملة : =-= ((وصـــف الابـــــل)) =-=


علي بن عبدالله المهداني
10-04-2005, 07:49 PM
بسم الله الرحمن الرحيم

حلاله يالممشا بعد كنة المصياف=ليا اخضرت اطراف الشجر مع طلوع سهيل
مع صحصاً واشوف سودالجهام خلاف=مصغايرها خمسين والنصف الاخر حيل
على كثرها خلج العشاير ثلاث اصناف=تبرى مع جواَ دماثاَ نهبه السيل
اطوال الرقاب اخشومها والخدود اصخاف=اسناد الغوارب هيزعاَ للفقرى تميل
اكبار المواطي واللواحي مثل الاسياف=بنات املحاَ ماسيق خلف الضعن بالشيل
وفحلها مع اهل البادية مضرب الاوصاف=عريض المناكب من اخيار الفحول مهيل
رفيع الفقرى ليا اعترض كنه جنب اسناف=وعنقه من الغراب طويل العواجي نحيل
ولا قاده الشاوي ولا ركبه العساف=اخيار الفحول منتبه مايقال افحيل
وانا ابرى لها وابدي على عالي المشراف=مد النظر واحدد الخد بالدربيل
على راس تلاَ من بدى في حجاه وشاف=خضار الفيافي زايداَ عشبها بالحيل
ونبت الخزمى والنفل في المسايل زاف=وسبحان ربي جمله بالزهر تجميل
عليه المزون المسبلة تنثر الهتاف=تناثر خباري سيلها مثل شط النيل
على ديرتٍ خلواً لقلب الحزين اشعاف=فياض محانيها من الماء تدارج غيل
ماغير ام سالم في الهوا تلعب الغطراف=ترف بجناحاً ابيضاً كنه المنديل
تهيض الضمير بصوتها والشعور ارهاف=ولا لي جدا شكواي لله قوي الحيل
شعتني وانا في طرد بيض الهمل ميلاف=وياما مشيت من اجلها والطريق اوحيل
وقمت اشعم الضو في صيهد النفناف=حطبها الخليع اللي تواقد طوال الليل
وعليها من الرسلان صفراً جدد وانظاف= ويلقن بها بن اليمن غالي التحصيل
ليا صب فنجاله وعدي على العراف=يجك اشقراً ومخالطه زعفران وهيل
ونجراً يرن وصوته يغريفه غرياف=ينادي المسير للسواليف والتعليل
ليا رن جاله جال صوته صدى وارجاف=خلاف الدلال القهوجي عدله تعديل
وخوت نشاما من خيار الرجال اشراف= على كيف بالي خوت مرجحين الكيل
ولا منهم من قليلين الرشاد اخفاف= صناديد مافيهم حداَ عيتٍ وابخيل
ولا منهم اللي يحرف السالفة حراف =ولا في مجالسهم مجال القال والقيل
اعيال الحمايل نسل من قادو الاسلاف=هل الطيب بأيام القسى متعبين الخيل
زمان مضى وقت الجهل للسيوف صراف=تورخ فعايلهم لجيلٍ بعدهم جيل
ليا ما اسندت خيل وخيلٍ خذت محراف=نهار تسبل فيه روح الفتى تسبيل
وهذي منوتي وليت التمني يجيب انصاف= وكثر المناوي مانفع من عصور الفيل
واخير المناوي طاعةٍ واحداً رواف=كريم العطايا منزل محكم التنزيل

الشــــاعر / علــــي بـــن عبـــداللــــه بن محـمـد المهــــدانـــي

الوبري
10-04-2005, 09:31 PM
ابو عبدالله

سجل اعجابي

قصيده جزله من شاعر له حضور علىا لساحه الشعبيه

عبر برامج الاذاعه والصحف والمحافل الرسميه

فارس قحطان
11-04-2005, 03:44 PM
صح لسانك صح لسانك

يابو عبدالله

قصيده جزله في عطايا الله الأبل

بيض الله وجهك ولاهنت

تركي الفهري
12-04-2005, 03:04 PM
صح لسانك صح لسانك صح لسانك
ياعلي المهداني على هذه الرائعه في وصف الابل

ذيب العبيدي
12-04-2005, 04:59 PM
الاخ / على المهداني



صح لسانك يالرااااااااااااايع عل هذه الرائعه


اجدت يابعدي


عسانا ماننحرم منك وشرواك


في انتظار الجديد




العبيدي

ناصر المسعودي
02-03-2006, 11:55 PM
ارحب يا علي
وانت شاعر ما تحتاج شهاده
صح لسانك يالقرم

فلاح اليامي
03-03-2006, 01:12 AM
]
بسم الله الرحمن الرحيم

حلاله يالممشا بعد كنة المصياف=ليا اخضرت اطراف الشجر مع طلوع سهيل
مع صحصاً واشوف سودالجهام خلاف=مصغايرها خمسين والنصف الاخر حيل
على ديرتٍ خلواً لقلب الحزين اشعاف=فياض محانيها من الماء تدارج غيل
وخوت نشاما من خيار الرجال اشراف= على كيف بالي خوت مرجحين الكيل
ولا منهم من قليلين الرشاد اخفاف= صناديد مافيهم حداَ عيتٍ وابخيل
ولا منهم اللي يحرف السالفة حراف =ولا في مجالسهم مجال القال والقيل
اعيال الحمايل نسل من قادو الاسلاف=هل الطيب بأيام القسى متعبين الخيل
زمان مضى وقت الجهل للسيوف صراف=تورخ فعايلهم لجيلٍ بعدهم جيل
ليا ما اسندت خيل وخيلٍ خذت محراف=نهار تسبل فيه روح الفتى تسبيل
وهذي منوتي وليت التمني يجيب انصاف= وكثر المناوي مانفع من عصور الفيل
واخير المناوي طاعةٍ واحداً رواف=كريم العطايا منزل محكم التنزيل
الشــــاعر / علــــي بـــن عبـــداللــــه بن محـمـد المهــــدانـــي







الاخ الشاعر: علي بن عبدالله المهداني


صح والله السانك
وبيض الله وجهك

انا اشهد شهادة حق انها تعدت كل المقاييس


جززززززززززززززززززززززززززززززززززززززززززززززززز ززززززززززززله


جعل والله يسلم راسك


تحياتي طال عمرك



اخوووووك فلاح آل عمر

عبدالله المهداني
03-03-2006, 02:06 AM
بيض الله وجهك يا درع جنبي



واااااافي من ياوفي يابوعبدالله




تحياتي

علي بن عبدالله المهداني
03-03-2006, 02:07 AM
اخواني عموم

الوبري والمعمري وفارس قحطان وابن قحطان وتركي الفهري وذيب العبيدي

وناصر المسعودي وفلاح اليامي

الله لايهينكم وصحة ابدانكم

والاروع هو تواجدكم في قراءة هذه القصيدة

بتلك الصفحة

تحياتي لكم

اخوكم

الشاعر / علي بن عبدالله المهداني

الذيب الاشيب
08-07-2006, 04:53 PM
صح الله لسانك

حمد حسين
16-09-2006, 06:56 PM
صح لسانك

يالوافي

مسفر محمد الوبري
17-09-2006, 12:44 AM
ارحب ارحب ارحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب
أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب
أرحب أرحب أرحب أرحب أرحب أرحب أرحب أرحب أرحب أرحب أرحب أرحب أرحب
أرحب أرحب أرحب أرحب أرحب أرحب أرحب أرحب أرحب أرحب أرحب
أرحب أرحب أرحب أرحب أرحب أرحب أرحب أرحب أرحب
أرحب أرحب أرحب أرحب أرحب أرحب أرحب
أرحب أرحب أرحب أرحب أرحب أرحب
أرحب أرحب أرحب أرحب
أرحب أرحب أرحب
أرحب أرحب
أرحب

يابو عبدالله

وصح لسانك

قصيده جزله وافيه من وافي

والله لا يهينــــــــــــــــــــــك




مع تحيات اخــــــــــــــــــــــوك


مسفر الــــــــــــــــــــــــــــــــــــوبري

العود الأزرق
17-09-2006, 01:55 AM
ابو عبدالله


صح السانك و على شانك

جزله ... جزله.... قريته اكثر من مره وتشرفت بسماعه منك في اكثر من مناسبة


تحياتي لك واعتبرني متصفح دايم في صفحاتك