تكفون يا شعار قحطان تحدي

[الطائف]

تحديت انا و واحد على قصيده هو يقول ما فيها عيوب و انا اقول فيها عيوب وتراهنا على طلي لا تخسرون ولد عمكم طلي ساعدوني باكتشاف العيوب ولو عيب واحد تكفون

ماعاد لي من عقب روحات الأصحاب
شيٍ على ضيقـات صـدري يسلـي
اللي ليا مـن أكتسـى الليـل بثيـاب
وأقبـل علـى تاليـه وأولـه زلـي
وقامت تناوبني من الهجس الأشبـاب
هـذي ترحبـي والأخـرى تهـلـي
أما لفيت لهـم علـى وعـد وكتـاب
والا مواعـدنـا يصـيـر بمحـلـي
في حلتي يلفـون عكفـان الأشنـاب
والا بيـت أياتـهـم جـايـز لــي
واليا أستوى المجلس وفاحن الأطياب
وكلـن رمـا بعمامتـه وأسفهـلـي
وأرها معزبنا مـن الكيـف ماطـاب
شقـرا خنيـن بهارهـا مستـولـي
وقمنا نتجـاوب ماهوينـاه بإسهـاب
سوالـفٍ مــن بينـنـا ماتمـلـي
سوالـفٍ لأهـل الشكـالات تنجـاب
واللي يبـا الطـولات منهـا يعلـي
هذي هوايه قبـل لايحصـل غيـاب
واليـوم عقـب غيابهـم ماحصلـي

[سعد القحطاني]

في حلتي يلفـون عكفـان الأشنـاب
والا بيـت أياتـهـم جـايـز لــي

مرحبا بك يالطائف

القصيده من وجهة نظري مافيها كلام

من حيث الوزن والقافيه

إلا البيت اعلاه الشطر الثاني ربما فيه خطاء إملائي ياليت توضحه اكثر

لاهنت ،،

.

[شامانـ العاطفي]

السلام عليكم ورحمة الله وبركاته

الاخ الطايف طيب اذكر لنا العيوب الي تحس انها في وجه نظرك عيوب

على شان نقيمها معك اما من ناحيتي القصيدة وافية من حيث الوزن والقافية

والمعنى .

اما اخونا المراقب سعد الخطاء الاملائي في الكلمة الاخيرة من الشطر الثاني

وهي كلمة لي والمفروض تكتب الي بزيادة حرف الالف .

والله يعينك اخوي الطائف على الطلي يالذيب وتبينا نعاونك عاوناك وتراني مثلك

تراهنت الاسبوع الماضي وجبت العيد والقصة بتلقاها في مجلس الانساب بعنوان

القبائل التي بأسماء امراءة ههههههه.

وتقبل مروري .

:اخوك ابن الاسود العاطفي :

[الطائف]

بسم الله الرحمن الرحيم

السلام عليكم ورحمة الله وبركاته

مشكور اخوي سعد على التجاوب

البيت لا يوجد فيه خطاء املائي ياليت تراجع القصيده يمكن تلاقي عيب حتى ولو في تسلسل الفكره ختى ما اخسر الرهن ( طلي ) هههههه تكفى يا ولد العم :untitled:

[الطائف]

اخوي ابن الاسود العاطفي

السلام عليكم ورحمة الله وبركاته

تكفى دور يا ابن العم ولو عيب هامشي الطليان غاليه هالايام :0201046_em

[سعد القحطاني]

والا بيـت أياتـهـم جـايـز لــي

اعتقد المقصود (بيتت) يعني التبييت أي حل عليه او لفاه

واليا بيّت اياتهم جايز لي

إذا كان كذلك فالقصيده سليمه 100% والله اعلم


.

[شامانـ العاطفي]

السلام عليكم ورحمة الله وبركاته

الاخ الطائف البيت الي شرحناة ما فية خلاف الا الي ذكرتة والله انك ورطت نفسك في

قصيدة قوية يا ولد ادور منا منا ما لقيت بس ما عليك بدبر لك غلط حتى

لو اكذب هههههههههه.

[معيض بن صميع]

مرحبا ..........


في حلتي يلفـون عكفـان الأشنـاب
والا بيـت أياتـهـم جـايـز لــي


الشطر الثاني :

والا بيـت أياتـهـم جـايـز لــي

أنت تقصد أن بيت أي واحد من عكفان الأشناب الذين تم ذكرهم في الشطر الأول ... بيت يجوز لك أي ترتاح فيه

والمعنى أنهم سواء ً سيّروا عليك أو سيّرت على أي أحد منهم فالأمر سيّان ..

ولكن هذا الشطر الثاني غير موزون وأنت أخلّيت بالوزن وجبرت البيت لحساب المعنى ..

وكما قال الإخوان أضف حرف الباء (والا ببيت ...)
--------------------------------------------


وهناك خطأ إملائي كما أعتقد في الشطر الأول من البيت الأخير

وأعتقد أن الصواب هو :

هذا هوايه قبل لا يحصل غياب >>>> أقترح كتابة هذا .. بدلا من هذي

واليوم عقب غيابهم ما حصلي



وبالنسبه لتسلسل الفكرة وترابط الأبيات ففي إعتقادي أن النص جميل وسليم


ومعناه واضح وبالتوفيق ،،

[راشد الجهيمي]

أخي العزيز

القصيدة جيدة وذربة ولا فيها كلام

لكن هناك خطأ أملائي قد يكون سهواً مما أختل الوزن بسببه

الأ بيت آياتهم جايز لي

والصحيح أضافة حرف الباء الى بيت ( والا ببيت آياتهم جايز لي )

بالتوفيق ,,,,,,,,,,,

[شامانـ العاطفي]

السلام عليكم ورحمة الله وبركاته

انتم كلكم ما ركزتو الا على ذا البيت دورو غيرة هههههههههه.

[سعيد الجهيمي]

مـــــــــا هــــــــو قـــصــــــــور في كلام الشبـــــــــاب
ولكن الأفــضـــل ان ترســلــــــهـــا على الخــــــاص لـــ أحــــــــد الشعـــراء في المنتدى

ابحث عن احد تحت اسمه مكتوب شاعر وارسلها وانشاء الله يفكك من الطلــي
وان كان ما فكك فـــأعــــزمـــنـــــي ولا تنسى ابن الاسود العاطفـــــــــي

لأنه هو إللي متعاطف معك

ومن ناحيتي في القصيده مثل ما قالوا الشباب

[ابو سعود العرجي]

عز الله القصيدة ما فيه كلام اللهم البيت المكسور اللي ذكروه الشباب واكيد انه خطأ املائي لأن اللي كتب القصيدة مستحيل يجيب الكسر الواضح هذا

[ابو سعود العرجي]

اكتشفت خلل يالطائف قد لا أوضحه لك بشكل صحيح ولكن بامكانك أن تسأل أحد الشعراء المتمكنين لتوضيحه وهو ان البيت: واليا استوى المجلس وفاحن الاطياب فيه وقف على نهاية المجلس وتلاها حرف الواو وبالصوت يعتبر حرفين ويكون هناك صعوبه في النطق واستطيع ان استبدله ببيت سليم وسلس كبقية الابيات وهو: واليا استوى المجلس على ريح الاطياب. ارجو ان تكون الفكره وصلت ويؤدني احد الشعراء المتمكنين حسب رؤيته.

[ناصر بن محمد]

صحيح كلام المراقب سعد القحطاني

ولكن صح الله لسانك ولاهنت

[فلاح آل راكان]

لاهنت يا القرم وصح السانك

[ابن عشان الحبابي]

قصيدة زينة ولا فيها أخطاء ولكن علشانك من الربع وعلشان تكسب الطلي فكل القصيدة خطاء في خطاء