اذا ممكن طلب عن القويعية ؟

[محمد الضويري العاطفي]

مرحبا


انا معزوم في القويعيه بحفل زفاف اذا ممكن اي شقق فندقيه تنصحوني اسكن فيها فترة الزواج تكفون

[سعيد الجهيمي]

مــــــــــــــــــا معك إلا تنــــصـــــــــــــــب خيمتـــــــــــــك في
حدبــــــــــــــــــــاء قـــذلــــــه


هههههههههههههههههههههه
فيه هيلتون هنــــــــــــــــــاك

بسعـــــــــــر رمزي بــــ 40 ريـــــــــــال فقط
ههههههههههههه


ما فيه الا شقة وتحوم الكبـــــــــــــــد
سكنت فيها يوم المزاين عشــــــــــــــــــان الغبار إللي جانا قبل الحفل الختامي

[عبدالله السحيمي]

بسم الله الرحمن الرحيم
السلام عليكم ورحمة الله وبركاته


اخوي الدوان الشقق مش حالك

عند مدخل القويعيه تلقى شقق مفروشه

ورايحه فيها

الله يعينك


اتمنى لك داوم التوفيق والنجاح

اخوك/عبدالله السحيمي

[فارس قحطان]

السلام عليكم ورحمة الله وبركاته


فيه شقق تلقاها في اول كوبري للقويعيه تروح يمين مع الكوبري وبعدين يسار

وتمشي طوالي وتلقاها على يدك اليمين

شقق نظيفه مره وحلوو ،، اما اسمها فوالله ناسيه

لكن اذا ذكرت عودت على الموضوع :)

[عبدالله بن غفره]

فندق القويعية كراون يعتبر أنظف سكن في محافظة القويعية

<<<<<<<<<<<<<<<<<<<<<<<<<<< خبره يابو مسفر :)

وصف الفندق نفس توصيف فارس قحطان


تحياتي

[جزل العطايا]

أخي الفاضل الدوان

أرحب أرحب أرحب أرحب أرحب

والله إن ترحب ثم والله إن ترحب

تراحيب مالها حد ولا مد

أخوي الدوان أنت من وين ؟

((( إن كان إنك من سكان الرياض ))) هذا باب وله جواب !!!

وإذا ما أنت من سكان الرياض ((( الله يحييك ترتاح عندي في الرياض )))

وبعدها طال عمرك على الطاعة نتوجه للقويعية أنا وياك

ولنا مزرعة هناك يحبها قلبك فيها من الديبان والعقارب اللي ينسيك هم العرس والفندق

واحد ما يبغاك تجي عنده ،،، المهم وأنا أخوك الله يحييك إن بغيت المزرعه فالمحل والله محلك وتعزم عليه

وإن كانك تقول لا والله أبي في القويعية فمثل ما قال أخوي الفاضل عبدالله بن غفره

فندق القويعية كراون وبالنسبة لوصفه هو نفس وصف أخوي الفاضل فارس قحطان

وأنت علمني متى بتجي وكم يوم تبيه وأبشر بسعدك مالك إلا تجي وتلقا كل شي جاهز يالغالي

وتقبل صدق مودتي

أخـــوك ومـحـبـــك / جـــزل الـعـطـــايـــا

[محمد الضويري العاطفي]

اشكركم والله على الرد والله يهدي رجال الاعمال من قحطان ويعملون فندق تليق بمنطقة قحطان مثل ماشفت في منطقة الدوادمي والله فيها فندق ولا حتى في الرياض والفندق اسمه (( دار الخليج )) .

[جزل العطايا]

أخي الفاضل الدوان

تراني زرقت اليوم بعد الفجر للقويعية ومريت فندق القويعية كراون

وأيضاً شقق الرومانسية جوار الفندق فتحوا الفرع الثاني قبل تقريباً ثلاث أسابيع

وحلوه ونظيفة ، وأرسلت لك إيميلي على الخاص

أرجو التكرم بالتشييك على الخاص وأرسل لي الوقت اللي بتجي فيه

الله لا يهينك

وتقبل صدق مودتي

أخوك ومحبك / جـــزل الـعـطـــايـــا

[ناصر السنحاني]

بسم الله الرحمن الرحيم
السلام عليكم ورحمة الله وبركاته
الجميييييييييييع افادوناااااااااااااااااااااااااااا الله لا يهينكم

[جزل العطايا]

أخي الفاضل الدوان

وينك يالحبيب تراك أشغلتني عليك

أنتظر تواصلك وتراني خذيت أرقام الفندق والشقق

علشان أرتب لك الأمور قبل وصولك وأتشرف بخدمتك والرجال اللي مثلك وشرواك

وتقبل صدق مودتي

أخوك ومحبك / جـــزل الـعـطـــايـــا

[جزل العطايا]

أخي الفاضل الدوان

وير آر يو

oaynk feeh

وش صار عليك ؟

أنتظر تواصلك

وتقبل صدق مودتي

أخوك ومحبك / جـــزل الـعـطـــايـــا

[جزل العطايا]

أخي الفاضل الدوان

بعد التحية والإحترام

لا زلت لليوم الثالث على التوالي أنتظر ردك الكريم لأتمكن من خدمتك

وتقبل صدق مودتي

أخـــوك ومـحـبـــك / جـــزل الـعـطـــايـــا

[جزل العطايا]

أخي الفاضل الدوان

لك كم يوم ما دخلت المنتدى عسى المانع خير إن شاء الله

ومتى ما دخلت يالغالي وشفت رسالتي راسلني على الخاص أو الإيميل

وأنا حاضر وأنا أخوك

وتقبل صدق مودتي

أخـــوك ومـحـبـــك / جـــزل الـعـطـــايـــا

[جزل العطايا]

أخي الفاضل الدوان

سررت كثيراً بوجودك وبمرورك على الموضوع

وأعتذر إن كان بدر مني تقصير

والسلام خير ختام

وتقبل صدق مودتي

أخـــوك ومـحـبـــك / جـــزل الـعـطـــايـــا