المساعد الشخصي الرقمي

مشاهدة النسخة كاملة : نوادر من الفتل والنقض


ابن مهنا آل روق
27-07-2007, 01:18 AM
أعضاء وزوار هذا الموقع إليكم هذه المحاوره التي جرت بين هرميّن من أهرام الشعر وهم الشاعرين مستور العصيمي وعبدالله المسعودي (يرحمه الله) أمل أن تحوز على رضاكم



عبدالله المسعودي

مرحبا عداد نوضـة برقهـا ولا رعدهـا=يشرب الشعب البعيد ويشرب الشعب القريبي
عادة التجار تشري كل سلعـه مـن بلدهـا=وان حسرنا وان كسبنا لارجاي ولا نصيبي




مستور العصيمي


والبقا ياعزوة ٍ توعد وتافي فـي وعدهـا=وش حصل من مشكله ماعندنا شي ٍ غريبي
وان نسينا الأوله والثانيـه واللـي بعدهـا=مانسينا الرابعه ياراعي الـراي الصليبـي




عبدالله المسعودي

السوالف ياعميل الخير مايحصى عددها=والدفاتر ماتضيّع شي وافهم ياصحيبي
المطيه ماتقـدم رجلهـا قـدام يدهـا=لو راعيها يخليها عشا حصني وذيبـي




مستور العصيمي

خابر الديره حيا واليوم ما ادري وش حصدها=والمريض من العلاج يطيب ما ادري مايطيبي
والمطيه راسها وديوسهـا فـي فـم ولدهـا=مير ياذيب الخـلا بعـواك لاتقنـب قنيبـي




عبدالله المسعودي

ما عليه اللي ليا منه بغى الحاجـه وجدهـا=أحسن امن الشجره اللي لا صبوح ولا حليبي
كانت العذرا تهوش وترفع البيـرق بيدهـا=والعشيه هلـت العبـره وقالـت ياحبيبـي




مستور العصيمي

مالمحت الا الجنازه يوم طبت في لحدهـا=مير قلي موتها مدري رضا ولا غصيبي
روح أبو زيد الهلالي من نشدها من نشدها=غير في وقت المحاسب والله لخلقه حسيبي





عبدالله المسعودي

ياهل النبوت مايبنـي البيـوت الا عمدهـا=إعرفني موت وأرواح العرب في وسط جيبي
ليت للسلعـه مقـدر مايقلـل مـن جهدهـا=لو يقولون أربعه هذلان وأثنعشـر عتيبـي




مستور العصيمي

كان طولت البيوت وبنيها أولى من هددها=لا يضيع العلم مابين المنادي والمجيبـي
تابته ومثبته بشهودهـا وأقـرا سندهـا=كان مايسترك ثوبك لا تلبس من ثويبـي

شامانـ العاطفي
27-07-2007, 02:00 AM
السلام عليكم ورحمة الله وبركاته

الحقيقة محاورة قوية وكل رد العن من الثاني


والله يعطيك العافية.