ابن سعيدان
08-04-2005, 11:16 PM
قصيدة الشاعر/محمد بن مبارك بن جخير آل عاطف عندما جاء الشيخ /سلامه بن ملهي بن سعيدان شيخ قبائل آل عاطف على الفوج الخامس عشر قبل حوالي 35 سنه وأراد أن يتوظف في الفوج فأرسل هذه القصيده للشيخ سلامه رحمه الله
البارحه قمت أتململ تملمال=متهيض والعب على ماطرالي
مالي جدى كود الغنى والتمثال= وبين المعنى على قد حالي
يالله يلي يطلبك كل من سال=عني على الشيطان واقبل سؤالي
يارافع ......يعدل من مال= أنك تسنع ميلتي واعتدالي
وانك تبدل حالة العسر بحوال= وتعوضني في وقتي اللي مضالي
أمنولا في حالة تطرب البال= واليوم قلت حيلتي واحتيالي
لصار مالي حيلة قلت محتال= أشكي على الله ثم على من حمالي
متعايد من كثر القفى والقبال= وكثر التردد مثل طول الجدالي
ولافنا المحتاج يالله أرحم الحال=والحض من ربعي عزلني الحالي
حظي تلعوز فالوظايف والأعمال=مازيد حتى باعلي واشترالي
والموتر أمخليه ماهوب شغال= متعطل عندي وهو راس مالي
أشكي على ابو ناصرذرب الأفعال = قد بان فعله من قديم وتالي
فعله على ساس ولاهوب ملال= ومع طيب فعله ماحلاله بغالي
ملفى لهل عوص النجايب ومدهال= وكم واحد عشاه والبطن خالي
وكم واحد حطه مع الناس رجال= ويدري عليه من الخنا والخمالي
خلاه يلبس غترة الصوف وعقال= وعقب العرى كاسيه ثوب الجمالي
وحطه ألاكنه من البنك يكتال= يبغيه مايقصر عليه الريـــــالي
ذا فعل أبو ناصر عسى أيامه أطوال= لله عطى منه عطى مايمالي
الله يودي غربته كل مــــــا زال= الطيب اللي قايم بالعدالي
أول عداله ماكتب صاحب المال= ولاكتب كون الرفيق الموالي
أبو الجميع وحن لبو ناصر أعيال= وهو ذخرنا في مقبلات الليالي
وأن كان أبو ناصر جعلني على البال =حصلت مقصودي ولاضاق بالي
فن ماحصلي شي(ن)فلانيب عذال= الرزق عندالله عزيز الجلالي
على النبي صلوا عدد كل همال= وعداد ماهبة جنوب وشمالي
وعداد من حج أو مشى بين لميل= وعلى النبي صلوا علىكل حالي
وأراد الله أن يتوظف فتوظف شاعرنا /محمد بن مبارك بن جخير
البارحه قمت أتململ تملمال=متهيض والعب على ماطرالي
مالي جدى كود الغنى والتمثال= وبين المعنى على قد حالي
يالله يلي يطلبك كل من سال=عني على الشيطان واقبل سؤالي
يارافع ......يعدل من مال= أنك تسنع ميلتي واعتدالي
وانك تبدل حالة العسر بحوال= وتعوضني في وقتي اللي مضالي
أمنولا في حالة تطرب البال= واليوم قلت حيلتي واحتيالي
لصار مالي حيلة قلت محتال= أشكي على الله ثم على من حمالي
متعايد من كثر القفى والقبال= وكثر التردد مثل طول الجدالي
ولافنا المحتاج يالله أرحم الحال=والحض من ربعي عزلني الحالي
حظي تلعوز فالوظايف والأعمال=مازيد حتى باعلي واشترالي
والموتر أمخليه ماهوب شغال= متعطل عندي وهو راس مالي
أشكي على ابو ناصرذرب الأفعال = قد بان فعله من قديم وتالي
فعله على ساس ولاهوب ملال= ومع طيب فعله ماحلاله بغالي
ملفى لهل عوص النجايب ومدهال= وكم واحد عشاه والبطن خالي
وكم واحد حطه مع الناس رجال= ويدري عليه من الخنا والخمالي
خلاه يلبس غترة الصوف وعقال= وعقب العرى كاسيه ثوب الجمالي
وحطه ألاكنه من البنك يكتال= يبغيه مايقصر عليه الريـــــالي
ذا فعل أبو ناصر عسى أيامه أطوال= لله عطى منه عطى مايمالي
الله يودي غربته كل مــــــا زال= الطيب اللي قايم بالعدالي
أول عداله ماكتب صاحب المال= ولاكتب كون الرفيق الموالي
أبو الجميع وحن لبو ناصر أعيال= وهو ذخرنا في مقبلات الليالي
وأن كان أبو ناصر جعلني على البال =حصلت مقصودي ولاضاق بالي
فن ماحصلي شي(ن)فلانيب عذال= الرزق عندالله عزيز الجلالي
على النبي صلوا عدد كل همال= وعداد ماهبة جنوب وشمالي
وعداد من حج أو مشى بين لميل= وعلى النبي صلوا علىكل حالي
وأراد الله أن يتوظف فتوظف شاعرنا /محمد بن مبارك بن جخير