المساعد الشخصي الرقمي

مشاهدة النسخة كاملة : ........ ( عبدالرحمن العماج ) .........


مطلق بن راشد بن القعيمه
16-07-2007, 11:41 AM
السلام عليكم ورحمة الله وبركاته

هذه القصيدة اللتي بين أيديكم قلتها في سعادة اللواء :

عبدالرحمن بن محمد العماج ( رئيس هيئة العمليات بالحرس الوطني ) عام 1423 هجرية

لما لهذا الرجل عندي شخصيا من محبة و إحترام إضافة

لما له من سمعة طيبة ومشرفة كأحد رموز قبيلة قحطان الذين يتشرف بهم

أي شخص ينتمي لهذه القبيلة العريقة ........

أترككم مع القصيدة


.


ما للثنا عن ذرب الافعال مجناب=والمدح من طيبه وفي طيبه يطيب

شيخ يعشق المجد ويعشق الاصعاب=من طيب خاطر ما عشقها مغاصيب

في هامة العليا وطا كل مرقاب=لين استوت له كايدات المطاليب

حر يحوش الصيد من ضرب مخلاب=ما هوب من يرقب تلايا المخاليب

له سيرة تصعب على كل طلاب=يوم المطامع بعضها عسر وصعيب

تنظر له رجال الوفا نظرة اعجاب=وما عذربوه مبحثين العذاريب

ليت النسا بين قحطان والاجناب=ما ينجبن الا حليه من الصيب

والا بلاش انجاب وش فيد الانجاب=الارض مليانة رخوم وزواريب

بين العرب والله لاسميه غلاب=لانه غلب طيب الرجاجيل بالطيب

ومن عقب غلاب باسميه كساب=لانه كسب والنعم شرق وتغريب

اسامي يشهد لها رب الارباب=وقول يصدقه الفعل دون تكذيب

ما هي حروف في بطاقات خياب=امجنبين وصفها كل تجنيب

اللي على التاريخ لا عود كتاب=صفحاتهم كالليل سود غرابيب

كم واحد باسمه يسمونه ذياب=والصدق والله لا ذياب ولا ذيب

تمايمه كبشين من عند جلاب=خسارة ما من وراها مكاسيب

ومن مثل ابو فيصل ولو عارضه شاب=شوق الهنوف اللي ترد الخطاطيب

من مثل ابو فيصل من طوال الاشناب=بالبذل والنخوه وكثر التراحيب

من مثل ابو فيصل الى بار الاصحاب=ذخر لحزات الطلب والمواجيب

يفتح باساليبه مغاليق الابواب=في وجه من ضاقت عليه الاساليب

من مثل ابو فيصل الى خاب من خاب=يرقى رفيقه شامخات المراقيب

من ترثة العماج زيزوم الاحزاب=علم عليه اثبات ما هوب اكاذيب

حدر على نجد من جبال وهضاب=مقدم صناديد الرجال النواجيب

يتلونه ابعاد الجحادر والاقراب=وهو راسهم بالمرجله والتجاريب

شيختهم احسبها الى صرت حساب=سباقة الشيخان عند الحواسيب

مدح تعداهم تخالطه الارياب=ما قول كذب بس ما كله مصيب

والمدح فيهم صادق شعر وخطاب=ويستاهلونه من جماعة واجانيب

واخص انا منهم عريبين الانساب=روس آل بجاد عطاب المضاريب

اخصهم بالمدح شيبان واشباب=واقولها من شوف عين وتجريب

كسابة النوماس في كل الاصواب=وعلى وفاهم تشرق الشمس و تغيب

منهم بشوش الوجه ومشرع الباب=قالوا لوا قلت اللوا بس تنصيب

وانت اللوا لمعقدة عوج الانشاب=ما هي مقص و تاج بامر المعازيب

تلوي على العايل الى كشر الناب=وتحل ما يلوي ويخطيك وتصيب

وقبل المناصب والمكاتب والالقاب=فيك الوفا والطيب خلقه وتاديب

تم الكلام وجاب معناي ما جاب=والقلب فيه اكثر لو اجيب ما جيب

واسلم ودم سالم على خير ما طاب=ياطيب من طيب تقبل على طيب

.

وسلامتكم

سعد القحطاني
16-07-2007, 02:39 PM
وانت سالم وغانم

ابدعت يابو راشد والعماج كفو ومديح يستاهل المدح

صح لسانك مدد

وبيض الله وجهك يالقرم

لاهنت ،،،

.

ابن خضير
16-07-2007, 10:21 PM
بسم الله الرحمن الرحيم
السلام عليكم ورحمة الله وبركاته

العماج كفو

ويستاهل المدح


وصح الساااااااااااااااااااااااااااااااااااااااااانك

سـعود القحطاني
19-07-2007, 11:04 PM
صح لسانك وبيض الله وجهك يالسنافي

يستاهل العماج يالذيب


محبتي وتقديري

إبن روق0000

الغبــــــــران
19-07-2007, 11:33 PM
يستاهل العماج المدح
وصح لسانك

مطلق بن راشد بن القعيمه
20-07-2007, 09:16 PM
وانت سالم وغانم

ابدعت يابو راشد والعماج كفو ومديح يستاهل المدح

صح لسانك مدد

وبيض الله وجهك يالقرم

لاهنت ،،،

.



سعد القحطاني

لاهنت على التواصل الجميل

صح بدنك والله يبيض وجهك

لاعدمتك

لك الود والتقدير

.

سالم الحبابي
21-07-2007, 01:08 AM
°ˆsize=6]السلام عليكم ورحمة الله وبركاته

صح لسانك قصيده جميله


والعماج يستاهل


ولاهنت...............[/size]ِِ°ˆ

عبدالله السحيمي
21-07-2007, 03:45 AM
بسم الله الرحمن الرحيم
السلام عليكم ورحمة الله وبركاته



صح لسانك

والعماج كفو لهذي الصيده

عبدالله المهداني
23-07-2007, 10:06 PM
الله الله الله يابو راشد


على الحرام انك كفو


ولا مدحت الا مديح نفدا وجهك وتفعل وهو يستااااهل


صح لساااانك مليارات


تحياتي

@تركي السنحاني@
25-07-2007, 12:44 AM
صح لساااااااااااااااااااانك يالغالي

و يستااااااااااااااهل كل خير المذكور في القصيده

تقبل تحيااااااااااتي يالغالي


دمت بود

شامانـ العاطفي
25-07-2007, 06:13 AM
السلام عليكم ورحمة الله وبركاته

صح لسانك اخوي

وتقبل مروري...............

ابوفهيدالعاطفي
26-07-2007, 10:33 PM
صح لسانك ولاهنت

فارس ال فرس
26-07-2007, 10:47 PM
يعطيك العافيه ويستهل المدح