الــعماج ( عثــفر )

[ابراهيم آل مسلم]

بسم الله الرحمن الرحيم

الشــيخ الفــارس الشــاعر العــماج ( عــثفر ) كان شــيخ قــحطان قبل ابن هادي , لا امــلك المــعلومات الكامله
قال هذه الابــيات عــندما حــدر بـقـحطان ( وماشــيتهم هزيــله من القــحط ) من ديــرتهم العــلوه :


يعجبك يا شول نسوقه مهازيل ____طاح الحيا في ديرة غير داره
جانا الحفيف مروح لي مراسيل ___من خالف أمــر الله يضيع افـتكاره
ننـطح بصــبيان الجحادر مغاليل ____جحادرآ تلطم سواة النماره
الله من يوم يجي له مخابيل ____بين الهضاب النايفه الزياره


هذا اللي قــدرت اجيبه من القصيده ولا اعلم اذا هي ناقصه او لا
وتقبلوا فائق الاحترام والتقدير واتمنى انا الموضوع غير مكرر وشكرا

[عبدالله السحيمي]

بسم الله الرحمن الرحيم
السلام عليكم ورحمة الله وبركاته

ارحــــــــــــــــــب ياخوي ابراهيم

الي اعرفه ياطويل العمر من الي قريتهم من المواضيع المثبته في مجلس فرسان قحطان

طبعاَ موب بس عثفر الي نزل من الجحادر
نزل معه ابن هاذي وفرسان واجد من ال مسعود وغيرهم من القبايل والي كان قايدهم ابن هادي يوم غزا مطير

ولاهنت على القصيده والف شكر لــــك


تقبل مروري واحترامي _عبدالله السحيمي

[ابراهيم آل مسلم]

أرحب أرحب أرحب يا عبدالله السحيمي
وعليكم السلام والرحمه
اشكرلك المرور ياطويل العمر بس اللي اعرفه وقريته انه عثفر هو كان شيخ قحطان قبل ابن هادي المعلومه
هاذي شرايك فيها , بس انا مدري يوم غزو مطير من كان القائد يومها .
ومره ثانيه اقولك مرحبا مليون وتقبل فائق الاحترام والتقدير

[عبدالله السويداني]

إبراهيم أل مسلم



لا هنت على الموضوع والقصيدة


ولا تبخل علينا بمثل هذه المعلومات


ونحن كذلك .






الله يعطيك العافية

[ابراهيم آل مسلم]

أرحب أرحب يا عبدالله السويداني

اشكرلك مرورك وابشر بالمواضيع اللي تفيدكم وتفيدني

وتقبل تحياتي وفائق احترامي

[متعب الهاجري]

مشكور على القصه


بس فيه بيت خطأ

جانا الحفيف مروح لي مراسيل


الي سمعته جانا الدويش


والدوشان من شيوخ مطير ووقتها كان أميرهم وطبان الدويش وتم قتله من قبل فرسان قحطاااان في نجد كما هو متعارف عليه

[العمرالعزيز]

عثفر العماج كان شيخ قحطان قبل ابن هادي وهو من حدر بالجحادر الى نجد وتولى ابن قرملة الشيخة بعد وفاته

[ابراهيم آل مسلم]

أرحب أرحب يابني هاجر
اشكرلك مرورك وتــوضيحــك بعض الامــور , الخطأ وارد وانا المصدر الذي نقلته منه كتبته بالحرف
اعتقد الخطأ في الطباعه وارد.....
واشكرك جزيل الشكر على الاضافه الطيبه وتقبل تحياتي وفائق احترامي

[ابراهيم آل مسلم]

أرحب يالعمر العزيز اشكرلك مرورك وتوضيحك بعض الامور وهاذي اضافه طيبه منك
وتقبل تحياتي وجل احترامي

[الحميداني القحطاني]

والله ونعم يالعماج ولاهنت

[متعب الهاجري]

الخطأ وارد وانا المصدر الذي نقلته منه كتبته بالحرف
اعتقد الخطأ في الطباعه وارد.....

سهاله طال عمرك

بس ياليت تذكر لي المصدر الي نقلت منه



واشكرك مره اخرى

[ابراهيم آل مسلم]

المصدر ياطويل العمر شعراء قحطان للاستاذ عبدالله بن حمير القحطاني

وتقبل تحياتي

[طلق الحجاج]

لاهنت اخوي وبيض الله وجهك

والله يرحمهم جميع

[ناصر السنحاني]

لا هنت على الموضوع الي ما كنا ندري عنه


وبيض الله وجهك


وتقبل مروري

[ابراهيم آل مسلم]

طلق الحجاج

ناصر ابن لـــــعور

ارحبوا شـــرفتوا الموضوع وهذا اقل مــــجهود نقدمه لشيـــبانا وفــرسانا الله يرحمه
ويسكنهم الجنه وياكـــــــــم

تقبلوا تحياتي

[شامانـ العاطفي]

السلام عليكم ورحمة الله وبركاته

عندي اضافة مع ان ما لها دخل بالوضوع

بس ودي اقولها ال عماج عندما استقر الحكم

في عهد عبدالعزيز عطاهم هجرة سميت بأسمهم

وهي مركز العماجية وكذلك لهم مركز الرفايع بالخرج

وكذلك في احدى هجر صبحا وغيرها الكثير من المراكز.

[مشاري بن نملان الحبابي]

بسم الله الرحمن الرحيم
السلام عليكم ورحمة الله وبركاته

إبراهيم آل مسلم الله لا يهينك على الموضوع

عثفر العماج السحيمي كان شيخ قحطان عندما نزل بالجحادر إلى نجد

وذباح وطبان الدويش شيخ مطير هو الفارس عوض بن مداوي البندقاني آل قير الخنفري

المعروف بلقب((أبيض المشعاب))

تقبل مروري

[سالم الخنفري]

يعطيكم العافيه ,,,

[فلاح آل راكان]

لاهنتوا على المعلومات الطيبه

[العماج]

القصه كما قلتوها صح وبيض الله وجيه الجميع بس عندي اضافه ان ابن هادي الي مربيه هو انت ياعثفر وبنسبه لديارنا هي خمس وهي: مركز العماجيه واميرها الامير عبدالله بن سعود بن محمد العماج والثانيه:مركز الرفايع واميرها الامير محمد بن خالد بن حمود العماج والثالثه: مركز الرفاع واميرها الامير حمود بن محمد بن بجاد العماج والرابعه:مركز الحرمليه واميرها الامير نايف بن محمد بن ذعار العماج والخامسه الصهيد بس مهب مركز بس انشاء الله قريبا تصير مركز








وشكرا.............................ز

[ذيب النير]

لاهنتو كفيتو وفيتو




والله يرحم موتنا وموتى المسلمين

[ذيب قحطان]

السلام عليكم ورحمة الله وبركاته

لاهنت ياغالي على الموضوع ... تقبل مروري ...