المساعد الشخصي الرقمي

مشاهدة النسخة كاملة : أفراح قبيلة آل مهدي (الوحوش) أهل دهر بالمنطقة الشرقية


سعيد بن مسعود آل مهدي
02-07-2007, 12:43 AM
بسم الله الرحمن الرحيم

للقريب الذي يتصل بك في القرابة كالأخ والعم والخال والرفيق وأولادهم وكل من ينتمي إليك بصلة فله حق هذه القرابة بحسب قرا بة قال تعالى (وآت ذا القربى حقه ) فيجب على كل قريب أن يصل قرابته بالمعروف ببذل الجاه والنفع البدني والنفع المالي بحسب ما تتطلبة قوة القرابة والحاجة وهذا ما يقتضيه الشرع والعقل والفطرة .
في مناسبات الأفراح يجتمع الأقارب من جميع المناطق لدعمه بالمال (ما يسمى بالعانية او النفعة ) وللمشاركة في الفرح من جهة ومن جهة أخرى الوقوف مع هذا القريب وسد جنبه أمام ضيوفه أو القبائل التي سوف تأتي إليه وهذا حق القرابة .
وفي مناسبات الأتراح تراهم ثابتين مع صاحب المصاب مواسينة ومشاركينة والأمر الحاصل عليهم جميعاً لهذا ترى بأن مصابهم واحد وعافيتهم واحدة كا لجسد الواحد .
ألا أنك تجد قلة من البعض مضيع لهذا الحق ومفرط فيه تجده لا يعرف قرابته بصله ولا جاه ولا خلق تمضي الأيام والشهور ما رآهم ولا قام بزيارتهم ولا تودد إليهم بهدية ولا دفع عنهم ضرر أو حاجة بل ربما أساء إليهم بالقول أو الفعل أو بالقول والفعل جميعاً يصل لبعيد ويقطع القريب وإذا مات أحد أقاربه حضر!!!!.
واليوم نحن في سعه ونعمة كبيرة ولله الحمد والشكر والثناء ويكفي من القريب أن يكون صاحب وجه طلق وبشوش وأن يكون صاحب كلمة حسنه فربما هذه الكلمة تقرب ما بعد وربما كلمه تبعد ماقرب .
في زواج أبن العم ذياب بن على بن على آل مهدي بالدمام بالمنطقة الشرقية أجتمع فيه الأقارب من وادي الفيض التابع لمحافظة ظهران الجنوب وخميس مشيط وأبها ووادي الدواسر والرياض والخفجي للمشاركه في الفرح والوقوف جنباً لجنب وقد أقبلوا مساء يوم الأربعاء بالزامل التالي :


ياسلامي يا عضودي عما عين العدا = ذخرنا في عسر الايام والا في ليان
يا خوان (ن) فعلهم دايمن عز وقدا = فعلكم نرفع به الروس يا اعز الخوان

واجتمعوا كل أفراد القبيلة والكل يود للأخر ما يود لنفسه وقام الفرح والأنس فكانت ليلة سعيدة تعبر عن مشاعرها بكل حقوق القرابة وقد أقام الاخ عبدالله المهداني القزوعي ونظم هذه القصيده
يامن عليك اعتماد الخلق والإتكال=يامن جميع الخلايق بالعفو تسأله
تغفر ذنوب البشر يا الله ياذا الجلال=واتدل عبدن عن دروب الهدايه دله
من عقبها مرحبا باعداد وبل الخيال=بضيوف من يكسب الامداح و المرجله
ابوعوض مكرم الخطار وافي الخصال=ابوهلا بابه المفتوح ما قفله
زيزوم من روس ربعي في نهار القتال=ابن الوحش ماقفه ما يلحقه خلخله
الفكر دوار والهاجوس جاله مجال=ما عاد فيها عذر كلن يسوق جمله
الصف عزوه يا ربعي كرام السبال=القابله كل رجلن موكلن بعمله
مبروك يا لابتي ياطيبين الفعال=مبروك جعل الفرح دايم ولا نجهله
ذا ليل ليل السعد ذا اليل خير الليال=جعل السعد فالنا بأيامنا المقبله
يا زين شوف الجماعه بين عمن وخال=كلن تقدا ببن عمه وما يفعله
احدن يشل الحمول الكايدات الثقال=واحدن نهار الشدايد ماقفه يزهله
واحدن ليا من هرج ما قال غير الجزال =الزالفه مع لسانه ما ربطها صله
واحدن كريم العطا بالميل والاعتدال=كريم سبلا وبيته لابته تدهله
واحدن نهار الملاقا مثل حد السلال=شجيع لا ثارت الهيجا ما جاه رقله
يا محزمي لو قعدت اوصف ما سد المقال=انتوا حزام الظفر وانتوا هل الطايله
الله يجنبكم الحساد واهل الظلال=والله يجنبكم الرديان والمنذله
والله يديم المعزه تحت حكم الرجال=عيال عودن عسا الفردوس هي منزله
اخوان نوره رجال ن حكمهم بالعدال=لا كبرت القاله ولا طالت المسأله
بأمر الولي يسروا ما كان صعب ومحال=بالشرع صعب الامور املوكنا تتكله
والختم صلو على المختار واليل طال=ويالله توفق ذياب ويالله تجمله


وفي اليوم التالي عصر يوم الخميس أجتمعوا قبيلة آل مهدي(الوحوش) في مقدمتهم الشيخ مسفر بن علي آل مهدي لأعانة أبن عمهم في زواج أبنه ذياب فأقبلوا بالزامل التالي :



يا سلامي على اللي في المواقف لابته ما يجنبها = درع جنبي عما عين العدا اللي نفتخر في مواقيفه
لا بتي لا بدا اللازم تقـوم ولا تخلـي مواجبهـا= لا بدا لازم ابن العم وقفنا وجينـا علـى كيفـه

ال مهدي ( الوحوش ) (http://www.qahtaan.com/works/up/download.php?filename=qahtaan-07-22-1185128371.3gp)



ثم في تمام السعة السادسة من يوم الخميس أقبلوا على آل عايذ آل الصقر عبيده وكان من ضمن المرافقين لهم الشيخ سعود بن دليم وبعض العواني والأنساب وذلك ليأخذوا عروس أبنهم بالصوت التالي :


ياسلامي عليكم يا رجال نسبهم راس مال = ياعبيدة عما الحراب لا ثار في الجو العسام
لابتي واحمد الله ننتقي في نسب روس الرجال = من قديم الزمن لجل الولد يفخر بخال وعمام
آل مهدي لأل عايذ (http://www.qahtaan.com/works/up/download.php?filename=qahtaan-07-22-1185128177.3gp)



ثم بعد ذلك اقبلوا قبيلة العرجان بني شداد ولد الحارث عبيده بالصوت التااالي :

ياسلامي والتحية عدد مزن السحاب = عد ما سالت على دهر روس شعابها
جاتنا دعوه عزيزه وهي حق وصواب = والمقادي ما تخلا وحن اصحابها

العرجان (http://www.qahtaan.com/works/up/download.php?filename=qahtaan-07-22-1185127662.3gp)



ثم خرجت قبيلة آل عايذ آل الصقر عبيده بعد المغرب وأقبلت بدايةً على نسيبهم بالصوت التالي :

سلام يا مرسا العوايـد والسلـوم = يا أهل الوفا والطيب واللي حاظرين
ترى النسيب الكفو له قـدرٍ يـدوم = يبشر بنا درعٍ على طول السنيـن
آل عايذ (http://www.qahtaan.com/works/up/download.php?filename=qahtaan-07-22-1185127173.3gp)



http://www.qahtaan.com/works/up/uploads/qahtaan-06-30-1183243428.jpg (http://www.qahtaan.com/works/up)

المتزوج ذياب بن علي آل مهدي




وحضرت قبيلة المنادية ولد الحارث عبيده بالصوت التالي :

يا سلامي عليكم عد وبل المطر من مزونه= والتحيه تثنا يا هل الطيـب منـا ميـات
نتبع سلم الاباء والوفاء ثابتـاتٍ ركونـه = والسلوم الوفيه في سلوم العرب ثابتـات
المنادية (http://www.qahtaan.com/works/up/download.php?filename=qahtaan-07-22-1185128644.3gp)



وحضرت قبيلة قيس ولد الحارث عبيدة بالصوت التالي :

ياسـلام الله علـى لابـةٍ هـم تـونـا = يا رجال تكسـب العـز وتـزود عليـه
لابتي كن شيخنـا مثـل مـوج للبحـر = وغمر نا لا مر شاف الخطر يمشي عليه
قيس ولد الحارث (http://www.qahtaan.com/works/up/download.php?filename=qahtaan-07-22-1185126736.3gp)



وحضرت آل محمد بن ظافر آل هران سنحان بالصوت التالي :

يا سلامي يا هل الطيب جيلٍ بعد جيل = يا عبيده تكسب المدح مـن جدانهـا
لابتي سنحان سعد الخوي زبن الدخيل = ما نداري حفنـا لا قـدح شيطانهـا
آل محمد بن
ظافر آل هرااان (http://www.qahtaan.com/works/up/download.php?filename=qahtaan-07-22-1185126485.3gp)

وحضرت قبيلة العنابس سنحان بالصوت التالي :

يا سلامي عليكم يا هل الشان ويعـم الجميـع= يا وجيه قحطان انتم هل المدح ووحوش الوغا
جاك جمع العنابس والمواقف لهلها ما تضيـع=اسمنا في صميم الذاكره لا امحـا ولا التغـا
العنابس (http://www.qahtaan.com/works/up/download.php?filename=qahtaan-07-22-1185128342.3gp)



وحضرت قبيلة آل هران سنحان بالصوت التالي :

يا سلامي يا هل المرقب العالـي = يا شيـوخٍ تنثنـي دون عانيهـا
حن هل الطالات دعوى ال هراني = والحميـه عـادةٍ مـا نخليـهـا
آل هران (http://www.qahtaan.com/works/up/download.php?filename=qahtaan-07-22-1185127458.3gp)



وحضرت قبيلة آل حازب سنحان بالصوت التالي :

سلام يا من تونا ربـعٍ لهـم قـدر ومعـزه = عما الحريب اليا زما يوم الحرايب والمغااازي
شف لابتي مثل الجبل شامخ ولا شيٍ يهـزه= معناز عز وعز من عنز على عزٍ عـزازي
آل حازب (http://www.qahtaan.com/works/up/download.php?filename=qahtaan-07-22-1185126667.3gp)




وقد حضر الحفل قبائل عديده بدون أصوات وهم آل حيان سنحان و آل زبيري سنحان وبني بشر آهل الحضيره وآل لأعور الحباب والعجمان من يام وآل راسي سنحان وآل حمري الحباب وآل سعد أهل جناب وآل سلمان ولد الحارث



ثم أقبلوا آل مهدي بالصوت الترحيبي بالضيوف

يــا مرحـبـا بالـلـي لفـوونـا = اضيوفـنـا الـلــي شـرفـوونـا
جمع القبايل والعواني والخوي والجار
فـي حفـل مـن فعـلـه ينـومـس = مـن لابـتـي وبــه انتنـومـس
وأطلب عظيم الشان يكفينا لهيب الناار
ترحيبي (http://www.qahtaan.com/works/up/download.php?filename=qahtaan-07-22-1185129444.3gp)



وقد أخذ جميع الحظور مكانهم في الحفل ثم القاء الشاعر / عبدالله المهداني قصيدةٍ في حفلة بني عمة وهي القصيدة التالية :

هلا باللي حظر قاصي وداني = عدد من كبر وصام رمضاني
وعدد ما هب ذعذاع النسايم = وعدد الايام وشهور الزماني
تراحيب يفوح العطر منها = بمسك ودهن عود وزعفراني
هلا يامرحبا بسم النشاما = بني عمي عريبين المجاني
شغاميم الوحوش آلاد ماهد = عضودي مروية حد السناني
بحفل ابو ذياب الحر الاشقر = طويل الباع ذباح السماني
سديد الشور فكاك النشايب = ليا ذكر الاسم سد البياني
ابارك له بعرس الابن أبارك = أبارك له وأزف أغلا التهاني
وأنا حق علي يوم أعنا له = وأشاركة الفرح عز الخواني
عسى مبروك ياشهم المبادي = يا أخو وضحى مزبن كل جاني
تخيرت النسب بين القبايل = عبيدة ربعنا عز وشاني
هل الامداح صبيان آل عايذ = عذاب المعتدي يوم الوحاني
نسبهم ينشري والشاهد الله = هل الفزعات خطلان اليماني
لجل لا جا ولدنا يفخر بهم = خوال العز والجد مهداني
فألا يامرحبا بضيوف ربعي = بجيتكم فرحنا له مكاني
ما أخص أحد بعينه كل ابوكم = خوي وجار وأنساب وعواني
فحياكم على عز وكرامه = بسم ربعي وميقافي حداني
وقفت أعد علمي بالنيابه = عن الابه وأنا طلق اللساني
أسوق القاف سوقي للمطية = وأعرف الجدي وسهيل اليماني
أقدي وأتقدا بالمراجل = ورب البيت للجزله هداني
قصرت العلم والموجز يكفي = عسى علمي وصل والقصد باني
نهايتها صلاة الله وسلم = على خير الرسل راعي البياني

فكان لهذه القصيدة الأثر الكبير في نفوسهم الكبير والصغير منهم ومثله يفعل وبني عمه يستأهلون

قصيدة عبدالله المهداني (http://www.qahtaan.com/works/up/download.php?filename=qahtaan-07-22-1185129063.3gp)

ثم قام أبو المتزوج علي بن علي آل مهدي بتقليط الضيوف على العشاء الذي أقامه وأستمر الحفل الى ساعة متأخره من الليل.


قزوعي (http://www.qahtaan.com/works/up/download.php?filename=qahtaan-07-22-1185129079.3gp)

قزوعي (http://www.qahtaan.com/works/up/download.php?filename=qahtaan-07-22-1185129477.3gp)



وفي الختام :

أشكر كل من شاركنا وكل من ساهم في إنجاح هذه المناسبة وكما اقول للمتزج بارك الله لك وبارك عليك وجمع بينكم في خير كما اشكر مشرف الشعر النبطي والمحاورة الاخ عبدالله المهداني على مابذله من تغطية للحفل وما بذلة من جهود

وللجميع تحياتي وتقديري



أخوكم

مداهيل الرجال

ابو تركي القحطاني
02-07-2007, 01:55 AM
اولا نبارك للشيخ علي بن علي بمناسبة زواج ابنه الغالي والوافي ذياب بن علي

ونقول كما قال الرسول صلى الله عليه وسلم ( بارك الله لكم وبارك عليكم وجمع بينكم في خير )

ويستاهل كل خير ويكفيه فخر انه ابن علي بن علي الغني عن التعريف


اتمنى والله لخوي ذياب حياة سعيدة في حياته
واتمنى له التوفيق والسداد،،،،



تقبل تحيات اخوك /

ابو تـــركـــي

معيض بن دشن
02-07-2007, 01:58 AM
اخوي سعيد بن مسعود لاعدمتك يالغالي على النقل الكامل للفرح وبيض الله وجهك والله والنعم بكم يابني عمنا ودعائنا لكم بالتوفيق وللعريس ولدنا الغالي ودعائنا له بالتوفيق وبالرفاء والبنين انشاء الله . تقبل تحياتي وتقديري ،،،،

ياسر
02-07-2007, 01:59 AM
بيض الله وجيهكم يا آل مهدي

ولا هي بغريبةٍ عليكم

عسا الله لا يوريكم مكروه ويديم عليكم الفرح والسرور

ومبروك للعريس والله يرزقه بالذريه الصالحه

تحياتي لك

علي بن شداد القحطاني
02-07-2007, 11:03 AM
سلوم
رجولة
لحون
وفنون
تثير الشجون
يغلفها التلاحم الاجتماعي المحمود بين قبائل قحطان الضاربة بأصالتها في أعماق التاريخ
نبارك لأهل الشأن وللمعرس

وشكراً لاخوي مداهيل الرجال وهكذا تكون مداهيلهم

محمد بن مشبب البشري
02-07-2007, 12:19 PM
مبروك لذياب بن علي وعسى الله يوفقه ويرزقه الذريه الصالحه

والله لايهينك يا سعيد يا على ذا المقاطع

تقبل مروري
محمد البقار

@تركي السنحاني@
02-07-2007, 12:42 PM
لاهنت يا ابو مسعود



و بيض الله وجهك على هذه التغطيه

و الف الف الف مبروك لذياب بن علي

و الله يوفقه في حياته الزوجيه

سعيد بن مسعود آل مهدي
02-07-2007, 02:49 PM
ابو تركي القحطاني

أشكرك على هذا الأطلاع ونيابة عن المتزوج نقول بارك الله فيك وعقبال عندكم بالمسرات

لاهنت يالقرم على هذا التعليق المميز ويامرحبابك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ

معيض بن دشن

أرحب يابو دشن وجهك أبيض ولا عليكم زود ياربعنا كلامك وافي وأنت وافي وتشرفت

بمرورك لاعدمتك ياذيبان

تقبل أحترامي وتقديري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
ياسر

ما عليك زود يالقرم والله لا يريك مكروه لاأنت ولا ربعك أضاء الموضوع بمرورك

لاهنت وعقبال عندك بالمسرات

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
علي بن شداد القحطاني

أشكرك على هذا التعليق المتألق ولا عليكم زود ياقحطان وبارك الله فيك كم أشرق موضوعي

بتعليقك عليه ولاهنت وتقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ

محمد بن مشبب البشري

الله يبارك فيك وعقبال عندكم بالمسرات أشكرك على هذا الاطلاع

وتقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

تركي بن فرحان الجعادنة

وجهك أبيض والله يبارك فيك ولا هنت على هذا المرور

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ

أشكركم على هذه المشاركة من أعماق قلبي والله يبيض وجيهكم

تقبلوا تحياتي

سعد القحطاني
02-07-2007, 11:46 PM
حفل يرفع الرأس

عند ربع ذي عوايدهم وعلومهم كلها نواميس

الله يبارك لأخونا ذياب ويوفقه

وبيض الله وجيه الجميع

لاهنت يا مداهيل الرجال

على ذالتغطيه الوافيه

لاعدمناك ،،،،،

.

عبدالله العلي
03-07-2007, 03:53 AM
ابو ماااااجد


بيض الله وجهك وجمل الله حاااااااالك على هذه التغطية


وبيض الله وجيهكم على ذا الماقف اللي يرفع الراااااس



تحياتي

بوطارق
03-07-2007, 04:07 PM
أهنىْ المتزوج واقول له بارك الله لك وبارك عليك وجمع بينكما في خير
تصحيح هل اسم المتزوج ذيبـــــــــــــــــــــــــــــــــــــــــان اوذيـــــــــــــــــــــــتاب

أبو عساف
03-07-2007, 07:46 PM
صراحه حفل يرفع بالراس والله العظيم أني تنومست وجعله يسلم اللي يماري للمراجل

وعلومك يامداهيل الرجال كلها غانمه عيني فلا هلت عليك ياكحيلان

وقصيدة مشرفن العزيز عبدالله المهداني كفو وصح لسانه

دعواتنا للمعرس بكل التوفيق والسداد

الله لايهينك يابو مسعود على النقل والاهتمام

تقبل تحياتي وتقديري لشخصك الكريم

أخوك / أبو عساف

عبداللة بن ناصر
03-07-2007, 08:32 PM
الف مبروك وعوايدكم العلوم الطيبة والف شكر على القزوعى والزوامل

سعيد بن مسعود آل مهدي
03-07-2007, 09:40 PM
سعد القحطاني

أرحب تراحيب المطر الله يحييك ويحييي نباك وجهك أبيض وأشكرك على الاطلاع

وعلى التعليق المتألق . تقبل تحياتي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ

عبدالله العلي

وجهك أبيض ولا عليكم زود يالقرم و أنت من أهل العلوم الغانمة الله يطول في عمرك

أشكرك على الأطلاع ويامرحبابك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ

بوطارق

جزاك الله خير ببالنسبه لأستفسارك التالي :

(تصحيح هل اسم المتزوج ذيبـــــــــــــــــــــــــــــــــــــــــان اوذيـــــــــــــــــــــــتاب ) ؟

في الموضوع كاتب أسمه ذياب أكثر من مرة وكذلك الأخوان الذين تكرموا بردود أذكروا أسمه

ذياب وأنا لا أدري لماذا هذا الاستفسار .

على كل حال أشكرك ولاهنت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ

ابو عساف

هذا ولله من طيب رأسك جعلني ما أبكيك ومن قرامة رأسك يالقرم

وعلومك أطيب وأنت صاحب وفاء وكرم .

وأشكرك على هذا الاطلاع الذي زاد المقال نوراً

تقبل تحياتي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ

عبدالله بن ناصر

الله يبارك فيك وعقبال عندك بالمسرات والافراح وأشكر لك موصول على تشريفك وردك

تقبل تحياتي

عبدالله المهداني
04-07-2007, 12:33 AM
سعيد بن مسعود


بيض الله وجهك وجمل الله حالك على ما تقوم به


والشي الثاني الله لا يهين كل من شاركنا الفرح ولا يهين كل من مر على هذا المتصفح


وبالنسبه لي فلا لرجال الا ماقف بن عمه ولا لرجال فخر عند بن عمه



بيض الله وجيهكم يا لابتي


تحياتي

سيف بن علي اليزيدي
04-07-2007, 01:20 AM
السلام عليكم ورحمة الله وبركاته
ألف مبروك .. لقد سعدت بهذا الحفل ويستاهل ذياب ويستاهل الشيخ علي وكذا لك نبارك للاخ عوض
عزالله انكم وافين ياوجه جنب

القصب
05-07-2007, 10:33 PM
الاخ سعيد اشكرك على التغطية المتميزة
والف مبروك للمتزوج
وابوذياب علمه غانم
وانتو ياقحطان روس ووافين

ابراهيم آل بي حبيب الرفيدي
06-07-2007, 01:13 AM
السلام عليكم ورحمة الله وبركاته



علم يشرف كل غايب وحاضر من اقحطان




بيض الله وجيهكم ابيض من غر السحاب



عز الله العزيز انها علوم تشل بالراس




الله يوفق المتزوج ويبارك له


والله لا يهينك يالذيب يا مداهيل الرجال

ما يحتاج
07-07-2007, 11:07 AM
السلام عليكم ورحمة الله وبركاته
الاخ ابو ماجد
بيض الله وجهك على هذه التغطية لهذا الحفل الذي يعتبر فخر للقريب والبعيد والله يوفق ابو على واتمنى له حياة سعيدة

عاشق الليل
07-07-2007, 11:58 AM
صراحه حفل يرفع بالراس والله العظيم أني تنومست وجعله يسلم اللي يماري للمراجل

وعلومك يامداهيل الرجال كلها غانمه عيني فلا هلت عليك ياكحيلان

وقصيدة مشرفن العزيز عبدالله المهداني كفو وصح لسانه

دعواتنا للمعرس بكل التوفيق والسداد

الله لايهينك يابو مسعود على النقل والاهتمام

تقبل تحياتي وتقديري لشخصك الكريم

أخوك / أبو عــــــــــــــــــــــــــــــد

عبدالله بن غفره
07-07-2007, 10:22 PM
بيض الله وجهك يابو ماجد على هذا النقل الرائع والمميز


والله يوفق ذياب وحياة زوجية سعيدة بأذن الله


وعلومكم دايم تنومس يالوافين

لاهنت ولا هان ابو سعود على موفقه اللي ماله فيه فخر


تحياتي

سالم الحبابي
08-07-2007, 01:53 AM
السلام عليكم ورحمة الله وبركاته




الله يبارك لأخونا ذياب ويوفقه

سعيد بن مسعود آل مهدي
08-07-2007, 09:19 AM
عبدالله المهداني

وجهك أبيض يالقرم وأشكرك على الأطلاع وأنت وافي وعلومك غانمه

تقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
سيف بن علي اليزيدي

بارك الله فيك ونحن سعدنا بمرورك يا وجه جنب

تقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ

القصب

ما عليكم زود ياقحطان والله يبارك فيك ولا هنت على المرور

تقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
ابراهيم آل حبيب الرفيدي

مرحبا بك عدد غوادي سهيل وهذا من طيبك وطيب راسك

وكم تشرفت بمرورك وسعدت به

تقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
ما يحتاج

وجهك أبيض وأشكرك على هذا الاطلاع وقد سررت به كثير

تقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
عاشق الليل

هذا والله من طيبك جعلني ما أبكيك وأنت وافي وعلومك بيضاء

وقد سعدت بأطلاعك ولاهنت

تقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
عبدالله بن غفرة

وجهك أبيض يالقرم والله يحيك ويحيي نباك قد سررت بمرورك وتشرفت به

وأنت من الرجال الي أتشرف بهم وبمرورهم

تقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
الشاعر سالم الحبابي
وعليكم السلام

بارك الله فيك ولاهنت

تقبل تحياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

أشكر الجميع على هذا الأطراء وقد سعدنا بأطلاعكم ومشاركتكم وعقبال عندكم بالأفراح

تقبلوا فائق أحترامي وتقديري

ال مهدي
08-07-2007, 11:40 AM
ابو ماجد
جمل الله حالك على هذا التدوين المتميز للحفل المشرف للجميع
تقبل اعجابي

سعيد بن مسعود آل مهدي
09-07-2007, 10:32 AM
ال مهدي

أرحب ثم أرحب

ويجمل حالك يا طيرحوران

كم أنا معجب بالرجال الي يحب علوم الرجال عشت وعاش أبوك

محمد الضويري العاطفي
12-07-2007, 02:42 AM
الله يهنيهم وويوفقهم ويجعل اللهم ايامهم دائما أفراح

مشبب المهداني
15-07-2007, 05:46 PM
ابيض و جه

مشبب المهداني
15-07-2007, 05:49 PM
بيض الله و جهك

محمد الضويري العاطفي
24-07-2007, 02:15 AM
الله يوفقهم ويهنيهم ويفرحهم دائما

علي العتيبي
24-07-2007, 03:32 PM
الف الف الف الف الف


مبروك لأخوي ذياب والله يوفقه


خوي عزيز وغالي اتمنى له كل التوفيق والسداااااد


والشكر موصول لك يا سعيد على نقل هذه العلوم والسلوم اللي عرفتنا عليها


والله انكم كفو يا قحطان


تحياتي

ماجد بن معيض
26-07-2007, 02:40 PM
بارك الله لكما وبارك عليكما وجمع بينكما في خير

ماشاء الله تبارك الله

ابو فراس المندي
11-08-2007, 11:12 PM
الأخ / سعيد بن مسعود آل مهدي

بيض الله وجهك على هذا النقل المتميز

والف الف الف مبروك للأخ / ذياب بن علي

ولوالده الشيخ / علي بن علي

ولجميع أسرة آل مهدي

وتقبلوا خالص تحياتي

سعيد بن مسعود آل مهدي
23-08-2007, 12:50 PM
الى الاخوان الكرام :

اشكر الاخوان الذين تكرموا بالمرور وهذا والله كرم منهم

بيض الله وجيهكم وعقبال عندكم بالمسرات ولا هنتوا

وتقبلوا فائق احترامي وتقديري

شايع الرفيدي
23-08-2007, 05:07 PM
لا هنت

دبسان المهداني
26-08-2007, 02:47 PM
وانت سالم وغاااااااااااانم يا مداهيل الرجال


والف الف الف مبرووووووك لأبوذياب وذياب


الشيخ علي بن علي


علومه غااانمه يستاااااهل كل خير



تحياتي لكم

سعيد بن مسعود آل مهدي
30-08-2007, 11:19 AM
شايع الرفيدي


ولا أنت

سعيد بن مسعود آل مهدي
30-08-2007, 11:22 AM
دبسان المهداني


ومن قال سالم وغانم والله يحييك ويحيي نباك

وقد تشرفت بهذا الاطلاع

ولاهنت

ويامرحبا بك

عبدالعزيز الحمداني الفهري
31-08-2007, 12:32 AM
لاهنت على التغطيه الوافيه


وهذا ماهو غريب على أهل دهر


ونبارك للعريس ذياب والله يجعله على القوه

سعيد بن مسعود آل مهدي
01-09-2007, 12:53 AM
عبد العزيز الفهري

الله يحيك تحيات السيل لقد سعدنا بهذا الاطلاع

لاهنت وابيض وجه

تحياتي لك

عون محمد القحطاني
16-09-2007, 11:04 PM
السلام عليكم ورحمة الله وبركاته
السلام عليكم ورحمة الله وبركاته
السلام عليكم ورحمة الله وبركاته
والله رفعتوا الراس


يعطيكم العافية

سعيد بن مسعود آل مهدي
07-10-2007, 01:51 PM
عوض محمد القحطاني

وعليكم السلام ورحمة الله وبركاته

الله يحييك ولا عليكم زود يالقرم

أشكرك على هذا المرور ويا مرحبا بك

تقبل تحياتي

بن قوت
27-12-2007, 03:10 AM
بيض الله وجيه الجميع

لاهنت يا مداهيل الرجال

بن قوت
27-12-2007, 03:26 AM
بيض الله وجيه الجميع

لاهنت يا مداهيل الرجال

سعيد بن مسعود آل مهدي
31-12-2007, 01:24 PM
بن قوت

أشكرك على هذا المرور العطر

تقبل تحياتي