المساعد الشخصي الرقمي

مشاهدة النسخة كاملة : ياسابقي حوليه والعزا باح (القصـــاب)


فارس قحطان
01-10-2004, 10:53 AM
ياسابقي حوليه والعزا باح (القصـــاب)
هذي من قصص قبيلة بني هاجر قيل الشاعر الذي قال (يا سابقي حوليه والعزا باح)
من بني هاجر أما اسمه فيقال أنه سحمي القصاب وقال آخرون أنه ابن شويع،
من بني هاجر وأن لقب القصاب لشجاعته، وهو أحد فرسانهم وشعرائهم وقبيلة بني هاجر أقل من بعض القبائل عدداً إلى أنهم مشهرون بالشجاعة والكرم، ومن المعروف في ذلك الوقت ارتفاع قيمة الخيل، لأنها أكبر وسيلة دفاع عندهم. الشاعر الهاجري المذكور قال أبياتاً يصف فرسه مع شجاعته وذكر بالأبيات قوله :


تلحق بشغموم ايدور للمداح = شرد بضربة من يد ما زرقها

يقول أنني لست ذليلاً بل أصل إلى الفارس ولا أخاف منه، كما ذكر بالأبيات قوله :

ما دام خشم الذيب مسرا ومصباح = تعرس بنا الشينة وكل عشقها


وخشم الذيب محل يتواعدون فيه الغزو، وأي شخص يبين له فعل وشجاعة تخطب بناته زوجات ولو ما عليهن جمال نظرا لطيب أهلها يقول:


ما دام خشم الذيب مسرا ومصباح = تعرس بنا الشينة وكل عشقها

يقول بالأبيات :


يا سابقي حوليه والعزا باح = واشوف خلان تنافض رفقها
سقرى إلى ما طالعوا بارق لاح = لاهي بحد اجذاعها في طفقها
وأنا لها بالبر ما نيب شحاح = بدر الصعود اللي شحمها فتقها
وصفه مسامير ركزها كما الداح = واربع بكف اثويني اللي طرقها
أبي إلى ما جن مع الحزم جماح = لاهي على الصابور ترخي شنقها
كن ذيلها شختور من بارق لاح = على القطاء تنسفه من زهقها
نلحق بشغموم ايدور للامداح = شره بضربة من يد ما زرقها
ما دام خشم الذيب مسرا ومصباح = تعرس بنا الشينه وكل عشقها



وسلامتكم

إبن الأروق
01-10-2004, 01:18 PM
ونعم والله بابن قصاب الهاجري

معروووفين

بيض الله وجهك يافارس قحطان

شبل قحطان
01-10-2004, 01:21 PM
الله الله بصراحه قصيده في قمه الروعه ....

تسلم يافارس على مثل هذي المواضيع

متعب الهاجري
10-12-2006, 09:25 PM
ما دام خشم الذيب مسرا ومصباح = تعرس بنا الشينة وكـل عشقهـا


بيض الله وجهك ومشكور يافارس قحطان

وهذا البيت المذكور لابن شويع ال مسيفره الهيازع أشهر من نار على علم وقديم جدا


بيت شعري عن 100 بيت




رحم الله الفارس بن شويع ولاهنت

مرعي بن دواس الحبابي
10-12-2006, 10:47 PM
لاهنت يافارس


ونعم بالهواجر



اخووووووووك

الضويري
11-12-2006, 09:30 AM
لاهنت اخوي فارس الحقيقه انها قصيده قيمه

ولاهان اخوي بني هاجر على تعقيبه

متعب الهاجري
11-12-2006, 12:26 PM
وهـــذي القــــــصيدة كـــــامله:


يا سابقي حوليه والعـزاء بـاح=واشوف خلان تشايـز رفقهـا


اسعى لها بالبر ما نيـب مـزاح=درب الصعود اللي شحمها فتقها


واقطع مسامير زبرها كما الداح=وأربع بكف ثوينـي لاطرقهـا


أبغي إلى ماجن مع الحزم جمـاح=لاهي على الصابور توطي شنقها


كن ذيلها شختور صيف إلى لاح=على القطاه تنثره مـن زهقهـا


تلحق بمدغوش يدور للامـداح=خطر بضربه من يـد مازرقهـا


جده وأبوه متعبينـه بالامـداح=من نسل جمهور توالـي لحقهـا


كله لعنا قوله عقـب مـن راح=ما زيد تفك البل من اللي وسقها


فكم ذود مصلاح شيعناه بصياح=وغبوقة الماء عقب دافي شلقهـا


كريم يابرق على الراشـدة لاح=يسقي الخريما لين غبـى شنقهـا


ديرة بني هاجر مروين الأرمـاح=هل فرسه من يوم ربـي خلقهـا


ما دام خشم الذيب يطرا بمصباح=تعرس بنا الشينه وكل عشقهـا


كريم يابرق على الراشـدة لاح=يسقي الخريما لين غبـى شنقهـا




الراشده والخاطبيه ديار بني هاجر وتقع في بيشه







وتسلم يالضويري وماقلنا الى الي نعرفه

عبدالله بن غفره
11-12-2006, 09:02 PM
لاهنت يابو مسفر وبيض الله وجهك


والشكر موصول لبني هاجر على رفعه للموضوع وتجديد تصفحه


أخووووووك

الحقاني
12-12-2006, 07:44 AM
مشكور يابو مسفر على القصيده وأنت تحري بالعلم الغانم دائماً

وبني هاجر وستين نعم بهم أول وتالي

والشكر موصول للأخ العزيز بني هاجر على تكملته للقصيدة

الهلاال
23-12-2006, 02:18 PM
لاهنت يابو مسفر وبيض الله وجهك ورحمة الله على الفارس بن شويع

متعب الهاجري
10-03-2008, 07:17 PM
السلام عليكم ورحمه الله وبركاته







عندي رد واظافه علها تثري للموضوع الشي المناسب انشاء الله



ما دام خشم الذيب يطرا بمصباح = تعرس بنا الشينه وكل عشقهـا

مجاراه لهذا البيت هناك بيت من قصيده معروفه للفارس المرحوم ملفي بن علي من القروف عاش في مل بين القرن الثالث و الرابع عشر .. وقال هذه القصيدة عندما سمع أن عبد العزيز بن عبد الرحمن آل سعود يرحمه الله عزم على فتح الإحساء و تحريرها من الأترك في عام 1313 هـ فقال :


هنـي دلبـاج بنـومـه تهـنـا = ولا هوب لا ناشد ولا هوب منشود
ولا يحـس بوجيـهـا لاقلبـنـا = تنشد من اللي موكره موكر الجود
وحنـا علـى قالتـنـا ينحـرنـا = وحيت نتبيـن لتقـا كـل ملهـود
امـا بخيـر يبعـد اللـوم مـنـا = وربشـر ينطحونـه هـل الـزود
جعل ابو تركي حاكـم فـي وطنـا = الله يجيب اللي لهم حكـم وحـدود
عدوهـم محسـوب ماهـم منـا = وصديقهم نغليه و الرب محمـود
و اللـي يعاديـه يدوسـه ظعنـا = وناطا على خديه و الراس مردود
حنا على جـال الحفايـر باهلنـا = قبلي القطيف وبين طارد ومطرود
نحمـي مراعيهـا ويـدرا طعنـا = بشلف تلظا حاشي جبهـا العـود
انشد سعود الفغـم وراكـان منـا = وطالب مع مزيد مع زيد وحمـود
يـوم التقينـا و البنـي فرعنـا = وقامت تصافق بين عرو ومشدود
يوم القنـوف امردفـات امطرنـا = وحل مطرها ضرب سيف وبارود
كالو لنـا و الكيـل منهـم ومنـا = وكلن يببي غبايت البيض بالسود
امهارنـا عنـد الطريـح وقفنـا = وهذي عوايدنا على وقت صاهود
امهـارنـا لمـارهـم يعسفـنـا = و نحول اللي لابـس صنـع داود
نردهـا بيـن السلـف و المثنـا = نردهـا ساعـة ردهــا كــود
مـن فعلنـا شيناتنـا يعرسـنـا = و ترعا بنا العراء وياتي لها الهود



في ابيت الاخير يقول


مـن فعلنـا شيناتنـا يعرسـنـا = و ترعا بنا العراء وياتي لها الهود

ياطيب فعل اهلها


الله يحرمهم جميع



ولاهنت يافارس قحطان مره ثانيه

العجرشي
12-03-2008, 01:11 AM
لا هنت يافارس قحطان

على القصيدة الرائعة

ونعم بالهواجر

تحياتي

العجرشي

ابوحسين
22-03-2008, 10:41 PM
لاهنت اخوي فارس الحقيقه انها قصيده قيمه

ونعم بالهواجر عظام الراس

مشاري بن نملان الحبابي
23-03-2008, 11:29 AM
لاهنت يابو مسفر وبيض الله وجهك ورحمة الله على الفارس بن شويع

سيف بن شايع الكدادي
05-04-2008, 10:21 PM
لاااااااااهنت يافارس قحطان على الطرح الطيب


ولااااهنت يامتعب على اجتهادك


لخوووكم


سيــف الكدادي

مشعل بن هادي القحطاني
05-04-2008, 10:44 PM
لا هنت على الموضوع الرائع


و تقبل مررررررروررررررررررررررري