لغز جديد للنشاما

[معيض بن دشن]

أخواني السلام عليكم ورحمة الله وبركاته أود طرح هذا اللغز لكم وفيكم البركه في حله .

انشدك عن بنت تعرف الرجاجيل = ما تاخذ اللي كل رجال وافي
الضيف يلقا واجبه بالفناجيل = تعطيه كيفه بعد جاها السنافي
تحفظ حلال القوم لاجاء محاصيل = اخير من بعض النفوس الضعافي

[شاهر الفهري]

السلام عليكم ورحمة الله وبركاته

في رايي انه (الدله)


ولك تحياتي

[سحمي الهاجري]

السلام عليكم

أخوي معيض

رمعت الشاهر صايبه ولا لا

على أساس يرمع أحد غيره

أطيب التحايا

أخوك

[معيض بن دشن]

السيف الشاهر لاهنت على المرور والرمعه ( الدله ) مالك لواء بعيد
اخوي سحمي لاهنت على المرور .

[ابن نجاء]

يامعيض جاك العلم مافيه تعليل == مكينت فيها البوارد تشافي

تحلل ريالك بلارقام تحليل == وترفض اليا جا بالعلوم اختلافي

وتحفظ مكسبها لراع المحاصيل == فيا الثقه ماتنفقد يالسنافي

والا الثقه لو تنفقد بالريا جيل == ماعاد ترجع لو سعى ثم طافي

وسلامتك يامعيض

[عاشق الليل]

المبخره

[معيض بن دشن]

ابن نجاء ما فيك حيله الله يعطيك العافيه وفالك المليون . صح والله لسانك مليون يالغالي ما شاء الله عليك ما خليت شي
أشهد بالله انك دكتور الغاز بمعنى الكلمه . الله يكثر من أمثالك . صحيح هذي ماكينة مشروبات البارد اللي تدخل فيها ريال وتعطيك اللي تبغاه من مشروب تحياتي وتقديري لك .

[ابن نجاء]

اشكرك يامعيض على الاطراء الطيب الله لايهينك يالغالي

وصح لسانك على اللغز

تحياتي

[@تركي السنحاني@]

لاهنت يا معيض و بيض االله وجهك على اللغز


و ما قصر ابن نجا على المجهود


دمتم بود

[عبدالله بن لعور]

بسم الله الرحمن الرحيم
السلام عليكم ورحمة الله وبركاته
لاهنت على هذا الغز الرئع

[يحيى أبن عبدالله]

بسم الله الرحمن الرحيم
السلام عليكم ورحمة الله وبركاته
صح لسانك

[ناصر السنحاني]

بسم الله الرحمن الرحيم
السلام عليكم ورحمة الله وبركاته

اتوقع ان الشباب جابوه

الله يعطيك العااااااافيه