قبيلتي قحطان وابكي عتيبي

[اخو شهد]

السلام عليكم ورحمه الله وبركاته



اعجبتني هذه القصه لما فيها من الوفاء عند القدماء احببت ان انقلها لكم مع القصيده


حدثت هذه القصه قبل اكثر من40 سنه حيث كان الشاعر حمد بن سعد بن سمعان القحطاني ساكن بجوار امير اللواء الثامن بالحرس الوطني سابقاً الشيخ / محمد بن مناحي الهيضل الدعجاني وفي يوم من الايام جاء حمد يمشي مع الشارع متجهاً لبيت الشيخ / محمد كعادته ( مسير)
وفي طريقه قابله من يخبره بأن محمد توفي وتأثر بذلك كثيراً . وبعدها ايام مر ابن سمعان على قبر الهيضل ولما راه تذكر ما مضى وقال هذه الابيات :










يالله ياللـي فـوق خلقـه رقيـبـي
يامدبـرٍ كـل المقاديـر بأسـبـاب

عنا على الدنيا والامـر المصيبـي
واغفر لنا يلي علـى العبـد تـواب

امس الضحى غافل وقلبـي مغيبـي
ووحيت حس مصيحٍ صاح مرتـاب

قلت الخبر؟ قالوا : فـراق الحبيبـي
قالوا محمد ميـتٍ والقـدر صـاب

فزيـت فـزت مستخـفٍ رعيبـي
وجضيت جضت من كلا رجله الداب

والصدر بالعبرات ينحـب نحيبـي
والدمع من عيني على الخد سكـاب

قبيلتـي قحطـان وبكـي عتيـبـي
ابكي على ريف النشاما ليـا غـاب

مرحـوم ياللـي ماشكـاه القريبـي
ولا شكوا منه الرفاقـه والاجنـاب

سهل الجناب ومحضـره مايغيبـي
له مجلـسٍ يـرده عيـالٍ وشيـاب

يامـر لهـم بمهيـلاتٍ وطيـبـي
دايم دوام وراعي الكيـف صبـاب

يدنـي خويـه بالمكـان القريـبـي
مايتركه محقور يجلس وراء البـاب

وليا هـرج كـلٍ لهرجـه يجيبـي
مافيه من بعض القشر زود وارهاب

شيخٍ ولـد شيـخٍ وساسـه عريبـي
والطيب له من ساس جده والانساب

عسـاه بالجنـات مالـه حسيـبـي
والحـور يلقنـه بفـزه وترحـاب

ولامات شيخ مـرث لـه عقيبـي
فرخ تنهض بين صايـح وجـذاب

خالد ترى كسب المراجل صعيبـي
يكود من عض النواجـذ بالانيـاب

حاذور من خطوى جليس غضيبـي
يودعك شيـن بالرفاقـه وسبـاب

مجالس اهل الشر ذنـب وعيبـي
ومجالس اهل الخير يدخلك الابواب

باب المعـزة وارتفـاع ا لنصيبـي
باب الهدى والرشد للخيـر كسـاب

وصلوا على سيد العبـاد الحبيبـي
اعداد ما خط القلـم حبـر وكتـاب


وسلامتكم

[سعيد بن مذي]

الله

قصة رائعة جدا

ومن عضو رائع

وهي تدل على الوفاء نثل ما ذكرت في بداية القصة

لاهنت لاهنت

[محسن العجمي]

لا هنت قصه طيبه

وفيه من الاجناب اخير من الاقارب لان اطيب في كل مكان وفي كل قبيله وفي كل زمان

والله يعطيك لعافيه

[العقيدي الفلسطيني]

يا الله
فعلا قصيده مؤثره
تسلم والله

[نـمـر الشـواطـي]

بيـــض الله وجهك على هالقصة والقصيدة



فعلا تبين وش كان بين القبايل من وفا وجيرهـ وتقدير






لاهنــت

[شلال الرفيدي]

بيض الله وجه ناقلها وقايلها و السلام عليكم ورحمة الله وبركاته

[عين البشري]

مشكور اخوي
و
القصيده رايعه
و
ما فيك حيله

اخوي تقبل مروري

[اخو شهد]

الله لا يهينكم على المرور
جميع

[ولد الهياثم]

:::::::::


قصه وقصيده مؤثره يالغالي

ورحمة الله على الدعجاني

وصح لسان حمد القحطاني

مشكور يالغالي

ولاتحرمنا من جديدك

تقبل تحياتي اخوك ولد الهياثم

:::::::

[@تركي السنحاني@]

صح لسااااااااااان الشااااااعر


و رحم الله الميت


و بيض الله وجهك يا كحيلان على النقل


تقبلوا خالص تحياتي


دمتم بود

[اخو شهد]

بيض الله وجيهكم يالربع
على المرور

[عاشق الليل]

لا هنت قصه طيبه

وفيه من الاجناب اخير من الاقارب لان اطيب في كل مكان وفي كل قبيله وفي كل زمان

والله يعطيك لعافيه


مـشكورياغالي

[ذيب قحطان]

لاهنت وبيض الله وجهك يا اخو الشهيد على القصة الرااااااااااااااااااائعة وعسى الله يرحم العتيبي ويرحم امواتنا و اموات

المسلمين.