المساعد الشخصي الرقمي

مشاهدة النسخة كاملة : انواع الرجال


اخو شهد
14-06-2007, 02:59 AM
تبغى الصّراحه مابها شـك او ريـب
باقولهـا والـناس كلٍ وطيـبه

الـحـر ماينـفـع بلـيّـا مخالـيـب
والعقـل للرجّـال زيـنـه وهيـبـه

والسّالفـه ماهـي بلحيـة مواجـيـب
كـلٍ علـى طبعـه يجيبـه حليـبه

بعض المنابـت بالمراجـل عذاريـب
وبعض المنابـت للمراجـل خصيبه

رجلٍ يبـي طاريـه عنـد الأشانيـب
ورجـلٍ يبـي طاريـه عنـد الحبيبه

ورجـلٍ يـودّي بالسواليـف ويجيـب
ورجـلٍ سواليفـه لفعـلـه تجيـبـه

ورجلٍ يغض الطّرف عن جارة صحيب
ورجلٍ عيونه فـي محـارم صحيبه

ورجل يغيب ويفقدونـه هـل الطيـب
ورجلٍ ليامن غـاب ماحـدٍ دري بـه

ورجلٍ تشوف بخوّتـه لـك مكاسيـب
ورجلٍ تشـوف بخوّتـه لـك غليبـه

ورجلٍ إذا أخطى يرى نفسـه مصيـب
ورجـلٍ إذا إخطـى يراهـا مصيبـه

قلت الصّراحه مابهـا شـك أو ريـب
كـلٍ علـى طبعـه يجيبـه حليـبـه

إشره وشرّه كـان تبغـى المواجيـب
عط حـق تاخـذ حـق مابـه معيبـه





منقولـــــــــــــــــــــــــــه

أبو عساف
14-06-2007, 06:00 AM
أرحب ياخوشهد يالله حيه عساك طيب

الله لايهينك على إيراد هذه القصيده وفعلا الرجال أنواع وبيض الله وجهك

ولي موضوع سابق يصف الرجال وهي قصيده لم أعرف قايلها وهي على الرابط أدناه

http://www.qahtaan.com/vb/showthread.php?t=21722

مشكور ياخوشهد وعلومك كلها غانمه ياكحيلان

تقبل تحياتي وتقديري

أخوك / أبو عساف

فارس قحطان
14-06-2007, 07:23 AM
السلام عليكم ورحمة الله وبركاته


الله لا يهيينك ياخو شهد


قصيده رووووعه


وياليت تذر لنا صاحب القصيدة



.

ابراهيم آل بي حبيب الرفيدي
14-06-2007, 09:48 AM
السلام عليكم ورحمة الله وبركاته


الله لا يهيينك ياخو شهد


قصيده رووووعه


شكرا على حسن الاختيار

عبدالله الوهابي
15-06-2007, 05:00 PM
أخو شهد لا هنت على هذه الابيات الجميلة...


طبت وطاب ممشاك

أظنها للشاعر مشعل بن دهيم

وهي قصيدة جميلة وفيها من المعاني الرائعة والصائبة بأولها قال :

تبغى الصّراحه مابها شـك او ريـب ... باقولهـا والـناس كلٍ وطيـبه

وانتهى بها بقوله :

إشره وشرّه كـان تبغـى المواجيـب ... عط حـق تاخـذ حـق مابـه معيبـه

ويقول في داخلها :

والسّالفـه ماهـي بلحيـة مواجـيـب ... كـلٍ علـى طبعـه يجيبـه حليـبه

صدق وكذب الغاوووووووون أخي الفاضل لاتحتاج إلى شهادتي كي لا تحسب ضدي

ورجل يغيب ويفقدونـه هـل الطيـب .... ورجلٍ ليامن غـاب ماحـدٍ دري بـه

ونحن ممن نفتقدك إذا غبت عن جديدك وابداعك

عذراً للبعثرة.. لقد أخذ الشاعر منا مأخذاً رائعاً واسلوباً أدبياً راقيا

اخو شهد
15-06-2007, 05:39 PM
ابوعساف..... فارس قحطان.....ابراهيم.......ابن رشد
اخواني مروركم يشرفني ولا نجيي الامن بعدكم
اما بالنسبه للقائل والله مادري

سبع الليل
22-06-2007, 06:29 PM
السلام عليكم ورحمة الله وبركاته


بيض الله وجهك

اخو شهد
22-06-2007, 09:53 PM
اخوي سبع الليل
لاهنت على المرور