ابوطير
28-03-2005, 12:35 AM
هذه القصيده للشاعر // حمد بن عبد الرحمن المغامس الوردي
وهي مرثيه بامه رحمها الله تعالى
اتمنى ان تنال اعجابكم
علم لفاني هزني ليل الاثنين =من سبّته عيّت عيوني تنامي
هلّت دموع العين والناس ممسين =كني صغير السن وقت الفطامي
أول نجي للدار بالحين والهين =الوالده تاخذ وتعطي كلامي
واليوم صار البيت كلّه معزين =على عزيز راح عالي مقامي
عقب الظهر بالقبر والناس لاهين =أون أنا ونهّ كسير العظامي
قلبي مع امي والعمر حول خمسين =ومن فارق امه ياعرب مايلامي
لاشك أهل البيت ياخوي غالين =هم بينهم نورٍ يزيل الظلامي
البارحه بالحلم عندي تصلين =صلاه وترٍ كامله بالتمامي
ماقدر المعبود نقبله راضين =والموت حقٍ ماحمى عنه حامي
جعل القبر يصبح رياض وبساتين= يفوح به ريح النفل والخزامى
وبجنه الفردوس علّك تفوزين =والحور من حولك ترد السلامي
ادعي ويدعولك ضعوف مساكين =صارو عقب فرقاك دون إهتمامي
وختمها صلوا على خير النبيين =صلاه رب البيت مسك الختامي ..
تحياتي
ابو طــــــــــــــــــــــــير
وهي مرثيه بامه رحمها الله تعالى
اتمنى ان تنال اعجابكم
علم لفاني هزني ليل الاثنين =من سبّته عيّت عيوني تنامي
هلّت دموع العين والناس ممسين =كني صغير السن وقت الفطامي
أول نجي للدار بالحين والهين =الوالده تاخذ وتعطي كلامي
واليوم صار البيت كلّه معزين =على عزيز راح عالي مقامي
عقب الظهر بالقبر والناس لاهين =أون أنا ونهّ كسير العظامي
قلبي مع امي والعمر حول خمسين =ومن فارق امه ياعرب مايلامي
لاشك أهل البيت ياخوي غالين =هم بينهم نورٍ يزيل الظلامي
البارحه بالحلم عندي تصلين =صلاه وترٍ كامله بالتمامي
ماقدر المعبود نقبله راضين =والموت حقٍ ماحمى عنه حامي
جعل القبر يصبح رياض وبساتين= يفوح به ريح النفل والخزامى
وبجنه الفردوس علّك تفوزين =والحور من حولك ترد السلامي
ادعي ويدعولك ضعوف مساكين =صارو عقب فرقاك دون إهتمامي
وختمها صلوا على خير النبيين =صلاه رب البيت مسك الختامي ..
تحياتي
ابو طــــــــــــــــــــــــير