المساعد الشخصي الرقمي

مشاهدة النسخة كاملة : والله انكم نسيتو جدي (الهجهوج)


شاعر السحمه
27-03-2005, 10:09 PM
الله يرحمه هذا جد جدي
قصته ماكان يعُرف ألا بمقبل
لكن عقب طرده للغزاة سموه الهجهوج

القصه:
جو الغزاة لديرته بيطردونه منها ويجيك جدي الحاله يردهم وعددهم 85رجال بخيولهم وهو بخيله وناس من قبيلته السحمه شافوه ذبح منهم 59ويجيك الغزاة ردهم من ديرته لين وصل حلبان اربعة ايام يطردهم
ويصيب له واحد بيده بالفتيل ويجيك خبره بعد شهر من الأصابه ماكان الله يرحمه يخطي بالسلاح لكن يده اليسرى مسكبها خيل واحد من الغزاة الله يرحمه
ويوم رجع لديرته الناس الي شافوه قالت الهجهوج.
بسبب هذي القصه

وأنا ارجو من أي قاريء يشوف الكتابه فهذي صحيحه وموثوقه لدى أحفاده
لكن لايزعلون الغزاة اجدادهم هذي غلطتهم واول ما كان به امان اليوم حنا بخير ونعمه
لكن ذا الإرهابيين لعنة الله عليهم .........

سوو مشاكل ذلحين يالله الواحد يطلع للقنص
...
وشكرا كماقلت ارجو ان لايزعل أي أحدٍ علي من الغزاة.

هاوي نجد
28-03-2005, 12:15 AM
ارحب يا شاعر السحمه

ومشكور على طرحك لهذه القصه للهجهوج والهجهوج فارس معروف

وحنا ترى ما نسينا جد ك والله وسبعين نعم والكل يعرفه وبذات باللقب هذا

ولا تحرمنا من سوالف وقصص الهجهوج 0

مشكور جزيل الشكر على ايرادك لهذه السالفه 0

تقبل تحيات اخوك

نواف القحطاني
30-03-2005, 10:39 AM
ياهلا ياشعار السحمه
وشكرا على القصه
وجدك سوالفه معروفه ولاهي تحتاج للمنتديات

وحسب ما اعرف

ان المطران غزو السحمه وهم في السرداح (وحسب ما سمعت انه ذبح فرسان كبار بس ماني متأكد هل هو في هذهي الهيه والا لا)
وبعد ما افتكوا السحمه ابلهم وعمارهم وكسروا الأعداء
راح الهجهوج اللي هو مقبل بن فالح بن محمد المذعري ال صبر السحمه راح يطردهم
ويوم ضواهم الليل لينه جايهم ولينهم قد جمعوا المنعا والقلايع فقالوا وين رحت يامقبل
قال : هجيتهم والله اني اهجهم لين عديتهم ورا ابو هريم وعانوا فلان في المكان الفلاني وفلان في المكان الفلاني ذابحهم
بس ما ادري كم المطران لا اللي غزوا ولا اللي ماتوا

ومن بعدها سموه الهجهوج عشان كلمة هجيتم

ومن اللي ابلوا معه وظهر لهم فعل ذاك اليوم الحريبي من ال لحي السحمه
(وابو هريم يقولون انها تجيك لامن تعديت مزعل وانت على طريق الحجاز بعشرين كيلوا(

وسوالفه معروفه
بس ابيك تنشد شيبانكم من سالفته يوم رد العمامجه لقحطان وجورهم من محمد بن هادي وهم جالين مع مطير وتحط لها موضوع لحاله وواضح

وتقبل تحياتي

الامبراطور
30-03-2005, 08:54 PM
شاعر السحمه لاهنت وبيض الله وجهك

والله يرحم الفارس الهجهوج ويسكنه الجنه

وفعوله فخر لقحطان كلهم

شاعر السحمه
31-03-2005, 12:23 PM
تسلمون كل من رد

أما أخوي نواف على خشمي بنشد الشيبان

المعمري
01-04-2005, 01:31 PM
اررررررحب والنعم فيك او في جدك يا شاعر السحمه ولا هنت

شاعر السحمه
01-04-2005, 05:16 PM
تسلمون .....
والله لو أملى ذا الدنيا قبايل غير قحطان والله ماياصلون نصف ساق قحطان..

سالم الخنفري
02-04-2005, 01:10 AM
قحطان ساس العرب لا شك ..

لكن كل القبايل لها قيمه و مقدار يا السحيمي ..





اخوك
كوكب زحل

ابو ذيب
02-04-2005, 02:59 AM
يا سحيمي
الهجهوج
ماحد نساه الله يرضى عليك
الله يرحمه ويغفر له

والف شكر على اعادة القصه وتقبل تحياتي

خيــّال السمــرا
02-04-2005, 05:12 AM
ونعمين بجدك

لكن القبايل الباقية لها احترامها وتقديرها

ومثل مالربعنا قحطان فعول فباقي القبايل لها فعولها

وعيب تنزل من قدرها بكلامك

ذيب آل نغيمش القحطاني
02-04-2005, 09:28 PM
والنعم في جدك وفيك ياشاعر السحمة

السحيمي البلوي
25-05-2005, 03:54 AM
يا سحيمي الله يعطيك العافيه
السحمه واجدين يا غلاهم لو تحدد ايا السحمان انت
سحمة حرب
او سحمة قحطان
او سحمة بلي
تحياتي لك وانشالله اني اتواصل معك شخصيا لسوال بيني وبينك
تحياتي لك

نداوي
18-09-2005, 02:46 AM
والله وسبعين نعم بكم يالسحمه وبالهجهوج الفارس المعروف ومن ترثته الشيخ\ سعد الهجهوج امير الخنيقيه
والسحمه شيوخ قحطان

هنا قحطان
18-09-2005, 11:14 PM
كفو يستاهل

بن عوبثان
15-10-2005, 11:22 AM
ما هو اسم الهجهوج الكامل؟