الولد لا طاب طيبه من خواله

[اخو شهد]

الولد لاطاب طيبه من خواله

..



الصبي وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي



[[[السلام عليكم ورحمة الله وبركاته ]]]

من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .... ولكن اكيد سمع بالبيتين من قبل ....

حتى اصبح مضرب مثل يتداوله كثير من الناس ..


قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب( ..


وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..




راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان .... لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ....

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .... كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب ) ..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟

حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..





وقال هذى القصيده .



قالهـا ابـن الذيـب مـن هاجـوس بالـه=كلـمـةٍ يـلـعـب بـهــا والـبــال زيـنـي
قـالـهــا يــومــه طــرالــه مـاطــرالــه=مـن هواجـيـسٍ تشـيـب المرضعيـنـي
حـالـفٍ مـاخـذ عـلـى الطـرقـي ريـالـه=وبـالـثـلاث مـحــرم أنــــه مايـجـيـنـي
لالقيـت اللـي علـى ( السكـه ) لحالـه=يلـتـفـت ويـقــول ويـــن المستحـيـنـي
أوقـف المـوتـر حـيـا وأبــي الجمـالـه=يــوم ولــد الــلاش وجـهــه مايلـيـنـي
الطـمـع فــي كــروة الرجـلـي رذالـــة=......خـص وان جـابـه مـجـال الغانميـنـي
والــردي فــي حـالـةٍ مـاهــي بـحـالـه=واعـويـنــه مــــن كــــلام الطيـبـيـنـي
الـــردي لـــو بـــان مـايـذكـر عـمـالـه=مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـــنٍ دلالــــه=ماتـحـاكـوا فـــي قـفــاه الرامـسـيـنـي
مابـغـى غـيـري وانــا مابـغـى بـدالـه=......قـاعــدٍ لـــي بـالـرجـا مـــدة سنـيـنـي
الصبـي وان طـاب طيبـه مـن خوالـه=بـالـخـوال يــســال قــبــل الـوالـديـنـي
أشـــرب الفـنـجـال واكــــب الـبـيـالـة=تــابــعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنــا الــرزالـــة=......نـاخــذ العـلـيـا طــريــق الفـايـزيـنـي
غـرنـي بـعـض الـرجـال بكـثـر مـالــه=مادرى ان المـوت فـي حبـل الوتينـي
كيـف ينفعنـي وابـا(..........) خـالـه=مايـقـوم البـيـت دام الـسـاس طـيـنـي
مـاش ويــن الـلـي عـوايـده الجمـالـة=......مثـل ابـن ظافـر حـمـد ليـتـه يجيـنـي
الـثـنـا والـجــود دايـــم فـــي خـيـالــه=عـلـمــه ظــافــر ســلــوم الطـيـبـيـنـي
جـــــوّد الـعـلـيــا ولـزمّــهــا عـيــالــه=وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لــه=وسار في درب النبي وأخزى اللعيني
مـوقــفــه مــاكـــل رجــــــال يــنــالــه=مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه=وعـادتـه لـطـمـة خـشــوم العايلـيـنـي


و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..


مــــــــــــلاحظه:::الشاعر راشد بن الذيب هو والد الشاعر المعروف حاليأ

محمد ابن الذيب

[العطيفي]

الحمدلله والصلاة والسلام على رسول الله وعلى آله وصحبه أجمعين
أرحب أرحب أرحب أرحب أرحب أرحب بسم الله الرحمن الرحيم
السلام عليكم ورحمة الله وبركاته
مهوبشرط يطيب منهم او يخيب منهم
الشفره الحديد تشق الغلاف

[فواز أبوخالد]

أخوشهد .....

يعطيك العافية وماقصرت


...............

[سعيد بن مسعود آل مهدي]

ابو شهد

أبيض وجه

والله يعطيك عافيه

تسلم يمينك على السالفة الرائعة

وننتظر منك المزيد من إتحافنا بالمواضيع المميزة

أشكرك ولاهنت يالقرم

تحياتي لك

[اخو شهد]

اخوي العطيفي الله لا يهينك على المرور
( بيض الله وجه ابوي اللي عرف يختار خالي)

[اخو شهد]

اخوي فواز الله لايهينك على المرور

[اخو شهد]

اخوي سعيد ال مهدي وجهك ابيض
ولا هنت على المرور
ومن ناحية التنسيق خذ راحتك

[وتد]

رحمة الله على الشاعر الشهم وأدعو الله سبحانه وتعالى أن يجزاه الخير على هذه الأفعال الكريمة التي لا تصدر إلا من كريم ابن كرام
بيض الله وجهك ياخو شهد على السالفة الرائعة

[سيف بن علي اليزيدي]

بيض الله وجهك علي هذا الموضوع

[اخو شهد]

وتد وسيف لاهنتو على المرور

[مفرح محمد]

مشكور يا اخو شهد على الموضوع

[النيمس]

يا اخو شهد لاهنت
الاوله - ابن خر الذيب راشد كما قلت واكثر لكن مداخلتي عن بيت الشعر والبيت الصحيح
الصبي وان طاب ينشد عن خواله ==== عن الخوال يسال قبل الوالديني
وهذا الصحيح لان العصب للرجال والخال عانيه واذا ابوك وجدك ونعم فانت ونعم الشاهد
ابوك في البطاقه وعند الناس وكلا يعرفه لكن خالك دائما مجهول واذا عجبت الرجال في ايا من المعاني قالوا ولد فلان لكن من خاله وهذا قصد ابن خر الذيب

[اخو شهد]

سهيل الليل لاهنت على المرور
اخوي النيمس الله لايهينك على المرور
وشكرا على المداخله
ولاكن توقيعك اكبر دليل على ان الاب
هو الاساس

[خيال الزرقاء]

اخو شهد ما قصرة

[محسن العجمي]

لا هنت


وماقصرت

[شلال الرفيدي]

أبوشهد بيض الله وجهك ولاهنت و السلام عليكم ورحمة الله وبركاته

[خيال الزرقاء]

بيض الله وجهك

[الحميداني القحطاني]

بيض الله وجهك

[ال مهدي]

بيض الله وجهك ياخو شهد

[ناصر السنحاني]

لا هنت على الخبر


وبيض الله وجهك وتقبل مروري


وبالـــــــــــــــــــــــــــــــــــــــــــتــ ـــــــــــــــــــــــــوفـــــــــــــــــــــــ ــــــــيـــــــــــــــــــــــق

[شامانـ العاطفي]

السلام عليكم ورحمة الله وبركاته

اخوي اخو شهد :

الحقيقة ابن الذيب والله معاد تلقى زية في الوقت الحاضر

الذي يعتمد على المصالح والمادية التي طغت على العالم

وهذي بسبب التطور الحاصل لكن اقول ان كان فية احد

بيطلع مثل ابن الذيب فهم من نسلة .

والحقيقة بيتة المشهور واقعي وملاحظ ولكن مهب شرط

يصير في كل اسرة وترى الاولين ما يقولون شي الا وهو صدق .

: اخوكم ابن الاسود العاطفي :

[عبدالهادي ابن مشتح]

السلام عليكم ورحمة الله وبركاتة
بيض الله وجهك .. بيض الله وجهك .. بيض الله وجهك
واللـــه لا يهينك على الموضوع .. وانا اشهد انه الصدق
تقبل تحياتي
ابن مشتــح

[حمد الظلافيع]

بيض الله وجيهكم والله انه يعجز الشكر والتقدير لكم يالمطاليق

[جارف]

بارك الله فيك على النقل الطيب