المساعد الشخصي الرقمي

مشاهدة النسخة كاملة : سداح 0000وبشار الاسد


سعدالحبابي
06-06-2007, 11:42 PM
يا مسولف لي عن السهم ومسـاره
ـــــــــــ وازدحـام البورصـه بالبورصيّـه


والمؤشـر وإرتفاعـه وإنـحـداره
ـــــــــــ والتـداول فـالبنـوك العالمـيّـه


غيّر الموضوع مالـي فـالتجـاره
ـــــــــــ كل تاجر فـالبلـد يعـرف خويّـه


مبتلش في بيتي وفي دفـع إيجـاره
ـــــــــــ والديـون اللـي مدوّنهـا علـيّـه


وقانعٍ بالرزق لـو ينقـص عيـاره
ـــــــــــ والقناعه تسعـد النفـس الشقيّـه


لا تقاضينـي علـى رد العـبـاره
ـــــــــــ إختلاف الراي مـا يفسـد قضيّـه


خلّهـا تمشـي بلوحـه وإستمـاره
ـــــــــــ ليـن تلقـى فـي طريقـي قابليّـه


هاجسي مشغول فـالوقت ومـداره
ـــــــــــ يتبـع الأحـداث والدنيـا مـديّـه


كل ليلـه يرفـع ويسـدل ستـاره
ـــــــــــ ويتشكّل مـع فصـول المسرحيّـه


ليـن أرد آخـر قصيـده لإعتبـاره
ـــــــــــ وأستعيـده باللحـون السامـريّـه


السياسـه بيـن وقفـه وإستـداره
ـــــــــــ مختلط في سيرهـا حسنـه وسيّـه


والعرب كثـرت وكـلٍ شـبّ نـاره
ـــــــــــ بالضغينـه والحسـد والعنصريّـه


آخرتهـا نـار .. وأوّلهـا شـراره
ـــــــــــ والشـراره ميّتـه والنـار حـيّـه


لو حديناهم على ركـب الحضـاره
ـــــــــــ كـل دولـه مستقلّـه فـي نحيّـه


وكّلوا لأمجادهـم طفـل الحجـاره
ـــــــــــ والحجـر عيّـا يضـدّ المدفعـيّـه


والنتايج من خساره فـي خسـاره
ـــــــــــ ومن يهوز الفـوز مابـه مقدريّـه


بشّروا بشّـار وأعطـوه البشـاره
ـــــــــــ يوم بشّرنـا بضربـه عسكريّـه !


حاكمٍ بعثـي وفـي راسـه نعـاره
ـــــــــــ وارثٍ مـن دم أبـوه العنجهـيّـه


يرقص لضيفه وينقز فـوق جـاره
ـــــــــــ ويتظاهـر بالمفاهـيـم الوفـيّـه


بالخيانـه يجتلـد حسـب إقتـداره
ـــــــــــ يختـل ويغتـال والـذمّـه بـريّـه


مظلمٍ والحزب مـا يآخـذ شعـاره
ـــــــــــ من كتـاب الله ومـن سنّـة نبيّـه


يا الأسد يمكـن تعشّـاك النمـاره
ـــــــــــ لا تدمشـق بالعلـوم الدمشقـيّـه


أجمع اعضاء الحزب في قبو الوزاره
ـــــــــــ ووزّع الخيبـه عليهـم بالسـويّـه


وأعتبـر باللـي تـوزّا بالجحـاره
ـــــــــــ وعقب شدّوا لحيتـه دقـوّا لحيّـه


لو تدكك مع صلاة الصبـح غـاره
ـــــــــــ صبّـت الجـولان وسـط اللاذقيّـه


بعد ما شفت الفـرس جابـت .....
ـــــــــــ تسلم اللبوه ليـا جابـت مطيّـه ؟


يـا الله أنـك لا تذوّقنـا المـراره
ـــــــــــ وأنصر اللي ينصرك صبح وعشيّـه

سعد القحطاني
06-06-2007, 11:52 PM
الاخ سعد الحبابي


لاهنت على النقل


وصح لسان الشاعر سداح


دمتم بخير


.

ابراهيم آل بي حبيب الرفيدي
07-06-2007, 01:33 AM
سلمت وسلم سداح


ولا هنت يا سعد


تحياتي

العبدي
07-06-2007, 01:31 PM
يالله انك لا تذوقنا المراره .. وانصر اللي ينصرك صبح وعشية .. اللهم امين ..

لاهنت يالحبابي على النقل ..

وصح الله لسان الشاعر ... سداح ...

سعيد بن مسعود آل مهدي
07-06-2007, 01:50 PM
سعد الحبابي

لا هنت يالحبيب على هذا النقل الرائع


وصح الله لسان الشاعر


تقبل تحياتي

ابن عياف
07-06-2007, 02:03 PM
سعد الحبابي

واصل هذا الابداع والتميز

لاهنت ولاشنت

سعدالحبابي
07-06-2007, 10:05 PM
الاخ سعد الحبابي


لاهنت على النقل


وصح لسان الشاعر سداح


دمتم بخير


.

مرحبا الف يالسمي ولاهنت علي مرورك العذب

علي بن مسفرالحبابي
18-06-2007, 07:47 PM
يعطيك العافيه ياسعد علي النقل الرائع

للقصيده شاعر رائع

ماجد الخنفري
08-08-2007, 06:19 PM
بيض الله وجهك ياسعد وصح الله لسان الشاعر سداح عزالله شاعر لايشق له غبار

بس ياليت يفصح عن اسمه الحقيقي يعطيك الف عافيه

ابن خضير
09-08-2007, 12:30 PM
بسم الله الرحمن الرحيم
السلام عليكم ورحمة الله وبركاته


صح لسااااااااااااااااااااااان الشاعر


والله يعطيك العافيه

سعدالحبابي
07-10-2007, 01:08 PM
سلمت وسلم سداح


ولا هنت يا سعد


تحياتي

هلا وغلا مرورك شرفني يالغالي

فلاح آل راكان
07-10-2007, 04:39 PM
لاهنت يا سعد وبيض الله وجهك


وصح السان العتيبي

عبدالله آل عباد
08-10-2007, 12:10 PM
صح لسان شاعرها وسلمت يمينك