جيت الطبيب وقلت أنا انسان مرضــان؟؟؟

[سعيد الجهيمي]

الســــــلام عليكم ورحمته الله وبركــاته

هذه القصيده سمعتها في الجوال ومن إعجــــــــابي فيها
حاولت أحفضها وحفضتها وأردت أن أنقلهـــا لكم.
أتمنى أن تنال على إعجابكم وتثمن تعبي .

جيت الطبيب وقلت انا انسان مرضان
وفحص علي وقال قرحه وقالون
وجاب الحبوب اصناف واشكال والوان
قال اخذ هذي قلت ماني بمجنون
قال انت تلعب قلت ماني بسكران
آكل حبوب جبتها ملي كرتون
وروحت من عنده معصب وزعلان
وجيت المطوع قال اخذ زيت زيتون
قلت السبب قال انت بالحيل تعبان
عندك قلق ومصارعة جن وعيون
قلت الله اكبر يا مطوع سليمان
ياللي تبيع الزيت والناس يشرون
يمديك من بيعه مطنطخ وفسقان
ويمدي رصيدك فوق عشرين مليون
قال انت صاحي قلت صاحي ياوجعان
انت وطبيبك كل ابوكم تهلسون
انا بلاي من هوى خدر الاعيان
اشحن غلاه وخاطري منه مشحون
اتلى العهد به يوم روح مسيان
عصرية الجمعه على جيب صالون
جيته موقف عند كبري بمبان
في جيبهم تهريب علبة دركسون
وعطيتهم جيك من الزيت مليان
وقالوا نبى نعطيك رقم التليفون
وفطن لي السواق والعلم لا شان
قالو امش قلت ابنتظر لين تمشون
وتابعتهم والجيب مسرع وعجلان
اثرهم في احدى المحطات يقفون
وعلى مغيب الشمس مع وقت الأذان
قلت انهم حول ام سدره يصلون
سريت معهم لين وازن نيابان
ولفيت للبتره وعيوا يلفون
واخذت رقم الجيب ابا منه عقلان
وروابع مشتاق من دون لي دون

أخوكم / سعيد بن حسين الجهيمي

[سعد القحطاني]

لاهنت يالجهيمي


وانا قد سمعت ذالقصيده



وقالو انها لشاعر يدعى / بدر بن شامان الميموني



والله اعلم


لعل يمر احد الاخوان الذي يعرفون الشاعر ويوضحون لنا اسمه بالتأكيد


اكرر لك الشكر ولا عدمناك


.

[سعيد الجهيمي]

السلام عليكم ورحمة الله وبركاته

لا هنت على المرور والمشاركه بالردود

يا أخوي سعد كلامك صحيح وتذكرت أسم الشاعر
يوم ذكرتني أسمه الله يذكرك الشهاده

تحياتي لك

[العبدي]

صح الله لسان الشاعر بدر بن شامان الغرابي الميموني ..

ولاهنت يالجهيمي ..على النقل ..