لعبة تتحدى العاب سعيد بن مذي....!!!؟؟؟

[ابن مسلم]

تحياتي للجميع .

حبيت انافس الاخ سعيد بن مذي بهذه اللعبة القديمه اتمنى ان تنال اعجابكم:

اللعبه سهلة حيث يقول الاول (ايش بتعشي بعيري ؟)فيقول الآخر مثلا (باعشيه برسيم ) فيرد آخر ويقول (برسمك ذاك

المبرسم يوم برسمت بعيري رايح من الخبت جايع..وايش بتعشي بعيري ؟) ثم يرد شخص آخر وهكذا ..




سوف ابدا (ايش بتعشي بعيري؟)

[عبدالعزيز بن شعلان]

باعشيه برسيم

[سعيد بن مذي]

ههههههههههههه

وجودك يكفي يالغالي << يصرّف

يالله على بركة الله

((برسمك ذاك

المبرسم يوم برسمت بعيري رايح من الخبت جايع..وايش بتعشي بعيري ؟))

[آل معمر]

اي والله صدقت

رجعتنا للورى سنوات طويلة

الله يسقي يوم كنا نلعبها وحن صغار


نكمل اللعبة

باعشي بعيرك شعير <<<< بيتورط مع هالكلمة هخهخهخهه

تحياتي يابن مسلم

[ابن مسلم]

(شعرك ذاك المشعر يوم شعرت بعيري رايح من الخبت جايع..وايش بتعشي بعيري)

الله يرج عدوك يا بو عبد الله ماخبرت احد يعطي البعير شعير

[عبدالله آل عباد]

بعشيه مأكولات بحريه ومشاوي


تعقدو مضبوط


شوكرن

[سعيد الجهيمي]

السلام عليكم ورحمة الله وبركاته

يا أبو جابر بغيت اكمل وراك لكن قلت أسألك اول المأكولات البحريه تبغاها مقلي ولا مشوي
هههههههههههههههههههه


وتقبلوا السماجــــــــات
ههههههههههههههههههه

تحياتي لكم جميع

[عبدالله آل عباد]

خخخخخخخخهه

رايق يالجهيمي


بس أذا فيه مشوي يكون أحسن

وذا مافيه المقلي طيب


مايهون علينا بعير ابن مسلم

[ابن مسلم]

خلو ابو جابر علي على شان ثاني مرة يعرف ايش يعشي بعيري الله لا يهينه

وان جيتوني عزالله اني لااعشيكم اياه ((اقصد البعير ما اقصد ابو جابر)) ولاتنسو تعزمون باقي الاعضاء معكم ترى ضيف

الكرام يعزم والله يحييكم تحيات المطر وجعل ذا البعير فداكم ان كان عشاه بيتعبكم.

ردي عليك يا بو جابر ((بحرك ذاك المبحر يوم بحرت بعيري رايح من الخبت جايع..وايش بتعشي بعيري))

ابو جابر ترى بعيري صحراوي ماهو برمائي!! خخخخخخ

[ابن مسلم]

ا

[سعيد بن مذي]

بأعشيه باونتي :)

يالله اللي بعدي << حطه في ورطة وراح

[عبدالله آل عباد]

ياونة ونيتها يابن مذي يوم عشيت بعيري باونتي رايح من الخبت جايع وش بتعشي بعيري



وهذا رد حلو للحلوين


أما أنت يابن مسلم

حسبت أنك بتعزمني الاول

علشاني عشيت بعيرك مشاوي ومأكولات بحريه


والله شرهتك على ألي ماعشاه تبن


خخخخخخخخخخخخخهه

طيب يلي بعدي وش بتعشي بعيري الله لايحوج بعيري لعشاك

[ابن مسلم]

عز الله عز الطاب يا بو جابر والله التبن للبعير اصرف من المشاوي ..التبن الله يكرمك ومن في المنتدي جاهز للأكل

اما المشاوي فيحتاج لها سلطات ومقبلات وسكين وشوكه وغيرها ....يعني السالف تعب على البعير بدون فايده .

اما العزيمه فابشر بعزك ..انت تعال ولا يصير الا اللي يرضيك

اللي بعدي ..وايش بتعشي بعيري

[عاشق الليل]

ارحب يابن مسلم

بعشيا بعيرك عجور وانا اتحمل المسوليه


تكفيه خمس احدر ((هل عرفة الحدر)) >>>> يعني مقابيس للمعلوميه

وتقبل التحيه

[ابن مسلم]

الله يحييك

((عجرك ذاك المعجر يوم عجرت بعيري رايح من الخبت جايع..وايش بتعشي بعيري؟))

ترى البعير اذا جاع عزك ويش يسده

[نواف بن سعد المدوخل]

بعشي بعيرك بيض بالجبن
والا باي مطعم في بوفيه يمدحونها فيها يماني طباخ يحط بدال الخضره برسيم عشان بعيرك يكيف

الي بعدي وش بتعشي بعيري ماعندي الا هو تكفى

[آل معمر]

بيضك ذاك المبيض يوم بيضت بعيري رايح من الخبت جايع <<< طبعا مع كاسة جبن كرافت :)

اللي بعدي بأعشي البعير تورته :)