المساعد الشخصي الرقمي

مشاهدة النسخة كاملة : الطيروابن قضعان


عاشق الليل
23-05-2007, 10:24 PM
السلام عليكم ورحمة الله وبركاته

القصيده
للشاعر المعروف ضيدان بن منصور بن قضعان يقول:
شريت لي طير وسألت صاحبه عن إسمه فقال اسمه دهام
يقول ضيدان غيرت اسم الطير إلى فواز لغرض شخصي عندي
وعندما أردت ان أعشي الطير



ناديت له بأسمه الجديد فواز فواز

فالتفت الطير على ضيدان وقال له :


ضيدان أنا أسمي دهام ما هوب فواز
.........................أما أدعني يا دهام ولا بلاشي
ما هوب حق تغير أسمي بلا أرماز
.....................وأنا عذاب الخرب لا أقبلت حاشي



فرد عليه ضيدان قائلاً :

لعيون بعض الناس سميت فواز
...................أسم يشابه لاسم صعب المناشي
اللي غلاه بثومة القلب حزاز
.....................تقبل له طعوني وتقفي عطاشي


فرد الطير :
ما أرضى تسميني عليها ولا جاز
......................تغيير الإسم إلا بذبح الكباشي
إذبح تميمه وأقلب الإسم فواز
...................إذا ذبحت الكبش ما صار ماشي


فرد ضيدان :

قلت فواز تكفى فكني بالتلعواز
...................الحل عندي وأسمع العلم كاشي
لازم تشوف اللي لها القلب ينحاز
.................عقب (ن) تجي فواز ولا شلاشي


فردالطير :



يالله مشينا والعمر يبغي إنجاز
....................يا ما نجز بالهدي ولا عراشي
قم جهز اللي ذاخرينه وممتاز
................وعلي الطلاق إن عزبته من معاشي

وعنما وصلا الا التي سمي الطير عليها شال ضيدان البرقع عن الطير وقال
هذي اللي سميتك عليها

فقال الطير :



أنا أشهد إني يابن قضعان فواز
......................واني بعد فواز جاني خراشي
ياحظ قلبك يوم في حبها حاز
.......................كحيلة ما عاشرة كل لاشي
ياليتني رجلٍ لو أمشي بمعكاز
...................وأنخاك وأنخى مبعدين المعاشي
وأنهض لطيف الروح وأجلا لشيراز
................وأقضي بقايا العمر ما أحتر جاشي
وأنا لوصل ملوع الشيخ معتاز
....................أعوز من فراق السبوق الرواشي
أبا أتمنى والتمني به الغاز
..........................ياليت جنحاني لخلك فراشي
أو ليتني بيجر على الورك هزاز
..........................ولا قلم بين الجسد والقماشي

سعيد الجهيمي
24-05-2007, 05:26 AM
السلام عليكم ورحمة الله وبركاته

لا هنت على هذا الموضوع الجميل والشاعر بن قضعان له محبينه في شعره و أنا منهم

وتقبل مروري

فلاح آل راكان
24-05-2007, 07:15 AM
لاهنت ياعاشق الليل

وصح السان العرجاني

عاشق الليل
01-06-2007, 10:53 PM
مشكورررررررررررين



على المرور




ولكم فائق التحيه

سعود الجنوبي
02-06-2007, 06:46 PM
لا هنت وصح لسان الشاعر

@تركي السنحاني@
02-06-2007, 09:50 PM
لاهنت يا ابو رعد


و صح لسان الشاعرين