المساعد الشخصي الرقمي

مشاهدة النسخة كاملة : فيصل الرياحي مخاطبا صقر النصافي


علي بن مسفرالحبابي
23-05-2007, 12:19 PM
صقر النصافي رحمه الله علم من اعلام الشعر في الخليج العربي
الا ان الصحافه بقيت بعيده عنه تماما واختارت مجله فواصل في
عددها 123في تاريخ 8/2003 قصيده لهذا الشاعر الكبير وارسلتها
للشاعر الكبيرالشاعر العملاق فيصل الرياحي وطلبت منه ان يجاريها
بقصيده وجاء رد ابوبدر بقصيده لاتقل روعه عن قصيده المرحوم
صقر النصافي وانا هنا انقلها لكم مع التحيه




اليوم ياعيني علامك ترفين = ولانتي علي العاده بنثر الدموعي
اما يبي يلفيك علمن ماهوزين=والااتذكرماغدى من اربوعي
ياكثرمانذكر من الناس غاليين =حدرالثري ماعاد فيهم رجوعي
راحو مراحن منه ماهم ملفين=صارت منازلهم عذابن لشوعي
الله علي وقت مضي مثل هالحين =ابعد علي اليوم من حبي كوعي
الياذكرته والمخاليق غافين=جريت مايفتح مفالج اضلوعي
يوم ان وقتي مقبلن يا ادعج العين=عروس عشق ومعجبتها الدفوعي
واليوم وقتي صار بين اليهاهين=اليا طاب لي يوم خبث لي اسبوعي
دنيا نبي منها عدال الموازين=وتميل لوني في خطاها جزوعي
تضحك لناس بالفرح مستمرين=وناسن تجيهم بالكدر والفجوعي
وصارت بها سود المقانع شياهين=وفحولها صاروا تبوع التبوعي



وهذا رد شاعرنا الكبير فيصل الرياحي علي قصيده صقر النصافي


العين حساسه ومادراك ما العين=تعطي خبر عن ماتكن الضلوعي
ياخذ خبرها نسبه الصدق تسعين=من واقع الحال وصفاه الطبوعي
وعين النصافي يوم رفت لثنتين=اما فرح ولاعلوم تروعي
مقاس الاحساس وصدور البراهين=والتجربه بين الضرر والنفوعي
حياتنا هاذي ميادين تمرين=والسبت مايحلق نهار الربوعي
اسبوعها هالحين ياصقر يومين=وعود شهرها مثل راس السبوعي
مكاره تلبس من المكر وجهين=وتنصب مطبات الخطر للوقوعي
مجنونه والناس فيها مجانين=الا التقيين السجود الركوعي
وجدي علي وقت تقافا من سنين=وهذا مثل ماقلت صعب الرجوعي
احن للماضي حنين المحبين=علي بعضهم يوم فرقا النجوعي
ليا لاح براق من سهيل ويمين=وبرق شمال ونوهو بالنزوعي
ذولا مسانيد وذولاك منحين=ساقتهم اخبار المطر والرجوعي
بدو خلت مرحانهم والمعاطين=ماحولها غير السراب اللموعي
معاد فيها مبرك للبعارين=ولاالغراب اللي عليها يقوعي
تفرقوا كل علي رغبته وين =يتلون شف مذربات السموعي
الوسم طاح وساقوا البوش عجلين=يلعب مغنيهم بروس الفروعي
الا ثنين بالغرام متهاوين=هاك النهار ينزفون الدموعي
هذاه وجدي يازبون المخلين =وانا بوقت منه يصعب طلوعي
صابر وهمي مندفن في الشرايين=لا الوقت وقت لي ولا النوع نوعي
ياصقر سامحني بعد رفت العين=وتم البحر والقافيه والقروعي
ماقول غير الله يحفظ السلاطين =اللي علي شعب الجزيره دروعي

مرعي بن دواس الحبابي
23-05-2007, 12:53 PM
لاهنت يابو فيصل

بيض الله وجهك على النقل الطيب للشاعرين الكبار

اخووووووووووووك

سعدالحبابي
24-05-2007, 10:03 PM
الرائع والمتالق / علي الحبابي


اشهد بالله انها قصائد وافيه من شعراء لهم مكانتهم


نهنئك على حسن الاختيار وعلى ذوقك الراقي


رحم الله الشاعر العلم صقر النصافي

وصح الله لسان الشاعر فيصل الرياحي

وأطال الله في عمرة مجاراة رائعه من شاعر متمكن


تقبل تحياتي واحترامي

علي بن مسفرالحبابي
25-05-2007, 11:02 PM
لاهنت يابو فيصل

بيض الله وجهك على النقل الطيب للشاعرين الكبار

اخووووووووووووك

ابودواس مرحبا ومسهلا ولاهنت علي مرورك المشرف

علي بن مسفرالحبابي
03-06-2007, 01:50 PM
الرائع والمتالق / علي الحبابي


اشهد بالله انها قصائد وافيه من شعراء لهم مكانتهم


نهنئك على حسن الاختيار وعلى ذوقك الراقي


رحم الله الشاعر العلم صقر النصافي

وصح الله لسان الشاعر فيصل الرياحي

وأطال الله في عمرة مجاراة رائعه من شاعر متمكن


تقبل تحياتي واحترامي

بيض الله وجهك ياسعد وجعلني ما ابكييك علي المرور والمتابعه لاهنت يالقرم

علي بن مسفرالحبابي
18-02-2010, 03:12 PM
لاهنتوا جميعا والله يرحم فيصل الرياحي