إبن عبيدة تفضل ( كلمة راس )

[عبدالله العبيدي]

السلام عليكم ورحمة الله وبركاته

مساك الله بالخير

ودنا بطاروق على الطاير كانك موجود



سلام يابن العم ياصاحب العقل الرزين = سلام تسليمٍ يسر النفوس الطيّبة
لك مدة تنظر بعينك شمال ومن يمين = والثعلب المكار ماشفت كود ذنيّبه

[سعد القحطاني]

ارررررررررررحب ياعبدالله العبيدي

صح لسانك يالشاعر الجزل

بيض الله وجهك .. وننتظر بن عبيده

إن شاء الله يكون متواجد وتواصلون هذا الطاروق الرائع


وانا متابع وبكل الحماس


لاهنتو

.

[عبدالله المهداني]

ارررررررررحب يا السمي


الله يحييك ويصح لساااانك وفي انتظار ابن عبيده



بدايه ممتازه وفي انتظار الرد


متااااااابع

[إبن عبيدة]

صح لسانك يالعبيدي واستلم:
يامرحبا يالشاعر اللي على المعنى فطين**** اهلا هلا انته وانا كم رجل نخيّبه
عاده ولا نقدر عليهم على طــــول السنين**** يبغى شبابه فرّ ما ودّه إنّانشيّبه

[عبدالله العبيدي]

سعد القحطاني

وبك البقى ولاعليك زود

عبدالله المهداني

أبقاك الله ولاهنت

[عبدالله العبيدي]

وبك البقى والدرب بيّن تشوفه كل عين = حذراك ماودي عليكم تحل مصيّبه
ماللحمول إلا جملها بعرف العارفين = لكن ماودي تكون العلوم مسيّبه

[إبن عبيدة]

استلم ياعبد الله:
لعل الاعمـــى يبصر العلم والدعوى تبين****والـوضـــع عيــن بعــــين والعــيب لــزم نعــــيّبه
راع الحمل ان ماقوى الحمل حنّا له نعين****ولا أرضى الخطا و أهوى السحابه إذا هي صيّبه

[محمد القويفل]

عبدالله العبيدي ××× ابن عبيدة


صح السنتكم مبدا وافي ورد وافي


نطلب منكم اكمال المحاورة الليلة الساعه التاسعة والباقي علينا الصفوف وما يلزم :)

[عبدالله العبيدي]

استلم يابعدي :


امبلّد الاحساس بإذنيه لو ناديت طين = مار اجتهد ياخوك جعله يفيد الكيّ به
فالمملكة حراس وجنود ضد المجرمين = وكان الحرامي حامي الدار من بيهيّبه

[عبدالله العبيدي]

القويفل

صح بندك والله لايهينك

وقوفك معنا وسام يالغالي

[إبن عبيدة]

استلم يابعددددددي:
الموت بالماقف شهادة ولا ذل مـــــهين****ولا تشيل هم اللي رماحه مداها قريّبه
ماهيب فوضى فيه قانون ضد الغارمين****ومن لا حضـر يااستاذ لازم لزوم تغيّبه

[إبن عبيدة]

صح بدنك يالقويفل
وحنّا موجودين متى مابغيتوا

[عبدالله العبيدي]

افتح كتاب وقفل كتاب واقرا كلمتين = حان اختبارٍ ياضح الزين به والسيّ به
تهل عينك دمعتينٍ وراهن دمعتين = جداك في جو خضر حل عنك العيّ به

[إبن عبيدة]

استتتتتتتتتتتتتتتتتتلم يابن العم:
الضيف بامر مضيفه سامعين طايعيـن****وانا معــــي ايضا كتاب ابيك تغيّبه
الدمع واجد مير ودي بمعناي السمين****واطمح لقود المركبه والجليد أذيّبه

[عبدالله العبيدي]

غيّم على عينك سحابٍ يسر الناظرين = وراعي الذهيب أنكف عن الدرب دون ذهيّبه
الدمع واجد وأنت مرتاب قد لك ساعتين = مار انبسط وارتاح وإخذ إلك كاس حليّبه

[إبن عبيدة]

استلم يا العبيدي:
راجعت علمك يالحكيم الذهين ابن الذهين**** وابصرت بالاحياء القديمة وشفت اخريّبة
القص واللصق احتراف ولو يحكــــم يشين****البشت لازم ياصحيبـــــــي بطيب اتطيّبه

[سعد القحطاني]

لاهنتو ياشعارنا


طاروق كايف وممتع


بيض الله وجيكم كفيتو ووفيتو لاعدمناكم


دمتم بخير ،،،


.

[إبن عبيدة]

ولا هنت يا وجه السعد
وهذا من طيب ذوقك
شاكرين ومقدرين مرورك الكريم

[عبدالله العبيدي]

سعد القحطاني

لاهنت وبيض الله وجهك

[عبدالله العبيدي]

إبن عبيدة

صح لسانك وماقصرت وحقيقة أني استمتعت معك بهذا الطاروق

وأتمنى أن نلتقي مجددا

وأرجو من الجميع أن يسامحونا إن كان قد بدر منّا زلل

[إبن عبيدة]

عبد الله العبيدي

صح بدنك وبيض الله وجهك على هذا الابداع

ويشرفنا ويسعدنا أن يوجد من شباب قبيلتنا

من يملك هذه الموهبه