المساعد الشخصي الرقمي

مشاهدة النسخة كاملة : يا يمّـه .. ماانتهي جيتك وطالب منك الغفران


شبل قحطان
22-03-2005, 02:23 AM
يا يمّـه .. ماانتهي جيتك وطالب منك الغفران

أقبـّـل قاعة أقدامك واغسلها بدمعاتي

يا يمّـه .. كل مافيني يناديلك أنا ندمان

طلبتك؟.. قولي سامحتك وردي لوجهي بسماتي

أنا أدري قلبك الطيب كسرته بصدمة النكران

غلطت .. وغلطتي هذي تعير كل غلطاتي

تشوفي الشيب يا يمّـه ترى ماجا وأنا فرحان

وربي إلي رفع ذاتك ونزّل للردى ذاتي

فقدت الراحة من بعدك .. فقدت الطيبه والتحنان

بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان

أشوف .. ولا أشوف إلي يوريني مساواتي

أنا وسيد الشّـقى والهم من بعدك غدينا أخوان

يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان

رميتك في بداياتي .. ورموني في نهاياتي

أنا من شالك بيده ورماك بأسفل البركان

نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم قلبي يمّـه هان

رموني وضعتهم فزعه .. وأنا الدمعات فزعاتي

يا يمّـه لا تظنيني أنا من فعلهم زعلان؟

سواتٍ فيك سويته وسوّو فيني سواتي

يا يمّـه .. يالله ظميني ودفيني بهالأحضان

أنا أدري فيك مشتاقه .. وهمك بس ملاقاتي

يا يمّـه (حيييييييل) ضميني أبي أرتاح أنا تعبان

تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان

أبسمع (يمّــه) بصوتك أبذكر فيها نشواتي

أشوفك ساكته يمّـه ؟!!.. غفيتي ولا أنا غلطان؟

غفيتي يا بعد عمري؟.. تعبتي من مواساتي؟

يا يمّـه طالبك قومي .. إذا لي في عيونك شان

أشوف الموت بعيونك .. عساها تخيب هقواتي

تعالوا يا بشر شوفوا أنا محتار أنا تلفان

أنا أمّي مدري وش فيها أنا مدري أنا أحاتي

شنو ؟؟ أمّي أنا ماتت !!! لا لا.. لا ترى غلطان!!!

أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي

يا يمّـه صح ما متي؟ .. وصح الموت تو ماحان؟

إذا متي أنا بعدك أبقضي وين ساعاتي..؟

يا يمّـه قومي يا يمّـه .. وقولي الموت لا ما كان

أنا جتيم وأنا ناوي أببدي فيك جناتي

تركتيني ومتي ليـه؟؟ تركتيني وأنا غرقان؟

ولا مسموح يا وليدي!! .. ولا تلعنك لعناتي!!

أنا الجاني .. وأنا المجني .. وأنا المخطي .. وأنا الندمان

وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران

تركتيني على ناري أعدد فيك زلاتي

ولاني مرضيٍ ربي .. ولاني تابع الشيطان

أنا بعدك ترى مابين نهاياتي وبداياتي

يا يمّـه منتهي جيتك وكلي مرتجي غفران

وشفت الناس تلعني .. وتحذرني من الآتي..،

المعمري
22-03-2005, 04:25 AM
بصراحه انت مبدع يا شبل قحطان لا هنت وتسلم يمناك علي القصيده الطيبة تقبل تحياتي اخوك المعمري

شبل قحطان
22-03-2005, 08:35 PM
اخووووووووووي المعمري مرووووووورك اجمل واسعدني مرورك على موضوعي

السيف النادر
23-03-2005, 07:44 PM
لا هنت يا شبل قحطان

بيض الله وجهك على هذه القصيدة

صح لسااان الشاعر وسلمت يمينك

تقبل تحياتي

ابن شويه
23-03-2005, 11:05 PM
شبل قحطان

لاحظت ان بعض مواضيعك منقوله ولا تذكر ذلك

مثل بعض القصايد

بعض الشباب يقول صح لسانك وبعضهم يقول تسلم على النقل

فياليت لو تحدد من البدايه هل هو منقول واذا كان كذلك فمن هو كاتب الموضوع او القصيدة

وتقبل اقتراحي ياالغالي

ابن عاصم
24-03-2005, 02:26 AM
صدقت اخوي ابن شووويه

وعلى العموم جهدك واضح ياشبل

شبل قحطان
24-03-2005, 03:08 AM
مشكوووووور اخوي السيف النااادر على المرور

هلا والله اخوي الغالي ابن شووويه واقتراااحك على العين والراااس وان شالله المرااات الجااايه نذكر المصدر حنا كم عندنا ابن شويه اكيييد مااافيه اللى واحد.

هلا والله ابن عااااااااصم اسعدني مرورك

ابن شويه
24-03-2005, 10:52 PM
نفدا خشمك

هاوي نجد
05-04-2005, 01:40 AM
الشبل ارحب ولاهنت قصيده رائعه

مشكور على اختياراتك الموفقه

صح السان الشاعر وتسلم يمينك مليوووووووون

تقبل تحيات اخوك

شبل قحطان
05-04-2005, 01:55 AM
ولاانت اخوووي هاااوي نجد ومشكووووووور على المرور