المساعد الشخصي الرقمي

مشاهدة النسخة كاملة : الأمير / محمد الأحمد السديري (( رحمه الله تعالى ))

عبيدي الدمام/ابوزياد
20-03-2005, 10:11 PM
الأمير المرحوم

محمد بن أحمد السديري

_ _ _ _ _



لولا الهرم والفقر والثالث الــــموت

يالادمي بلكون ياعضم شـــــــــانك



سخّرت ذرات الهوا تفهم الصــــوت

وخليتها اطوع من تحرك بـــــــنانك


جماد تكلمها وهي وسط تابـــــوت

تاخذ وتعطي ما صدر من بــــــيانك



وعزمت من فوق القمر تبني بيوت

من يقهرك لوهو طويل زمـــــــــانك



لولا الثلاث وشان من قّر الـــــفوت

نفّذت كل اللي يقوله لــــــــسانك
عبيدي الدمام/ابوزياد
20-03-2005, 10:12 PM
( الله من هم )



الله من هــم بروحي ســـهجها

بخافى ضميرى فـى كنين الحشا لاج

احـرمن نار تواقــد وهـــجها

منها خطر روحـى على ســلك ديباج

وعين عسى المولى يعجل فـرجها

يفوح ناظرهـا كما عــين هــداج

استرسلت للدمع من مارهـــجها

غـــيظ يكظ عبارها مثل الامـواج

كـــم واحــد له غاية ما هرجها

يكنها لو هو للادنـين محــتاج

يخاف من عــوجا طــوال عوجها

هــرجـة قـفا يركض بها كـل هـراج

يقضب عـليك المخطيه من حججها

حلو نباه وقلبه اسود من الصـاج

الله خلق دنيا وسـاع فجــجها

وعن ما يريب القلب لك كم منهاج

والرجل وان شـطت لياليك سجها

عســى تواليها تبشــر بالافـراج
عبيدي الدمام/ابوزياد
20-03-2005, 10:14 PM
( قالوا علامك )



قالوا علامك باكي قلت مطعون

شوفوا نزيف الدم مني تلالا



قالوا من اللي صوبك قلت عافون

قالوا عدوك قلت يا ناس لا لا



هذا الحبيب اللي له القلب مرهون

وحياتٍ رب فوق عرشه تعالى



إني فلا أنسى واحد فيه مفتون

بين وبينه نازف البعد حالا



فتان صاب القلب كون بثركون

مملوح أخذ كل البها والجمالا



كنه إلا حرك قوامه على الهون

غصن إلى هب الهوى فيه مالا



قلبي لقلبه لو تنحيت مرهون

غيره حرام ونور العين حلالا
شبل قحطان
21-03-2005, 02:07 AM
صح لسااااااااان شاااعرهااااا ورحمه الله وادخله فسيح جناااته وسلمت يمين ناااقلها
خليل بن هدلان
21-03-2005, 02:11 AM
ارحب يا بو زياد
ومشكور على اتحافنا بهذه الدرر
للمرحوم الامير محمد السديري
رحمه الله رحمة واسعه واسكنه فسيح جناته
ونحن بانتظار جديد مشاركاتك
تقبل تحيات اخوك
السيف النادر
21-03-2005, 09:25 AM
لاهنت على هذه الدرر يا بو زيااد

للامير / محمد السديري

ولا تخلينا من قصائده الباقية

اخوك
السيف النادر
عبيدي الدمام/ابوزياد
22-03-2005, 01:31 AM
الله يعطيكم العافيه ..
والأمير / محمد الاحمد السديري (( رحمه الله تعالى )) ..
له يستاهل العمل الزين ..
وكل شهر مني اكتب بعض قصائده مثل ذي وأطيب ..
والحمد لله الكتب موجودها والمصادر موثوقه ..
صقر
29-03-2005, 03:03 AM
أأأأأأأأأأألله لا يهينك على الابيات الرائعه

ومزيد من القصيد انشاء أأأأأأأأأأأأأألله



أخوك
عبيدي الدمام/ابوزياد
31-03-2005, 02:48 PM
مشكور يالغالي والله يعطيك العافية ..
المعمري
01-04-2005, 02:12 PM
الله يرحمه برحمته الواسعه لا هنت يا ابو زياد وتقبل تحياتي وتقديري اخوووووك المعمري
عبيدي الدمام/ابوزياد
03-04-2005, 01:51 AM
مشكور يالغالي المعمري
هاوي نجد
03-04-2005, 12:57 PM
عبيدي الدمام

لاهنت على اتحافنا بقصائد الامير محمد السديري


مشكور على اختيارك المميز وتشكر عليه

بانتظار مشاركاتك القيمه 0

تقبل تحيات اخوك
عبيدي الدمام/ابوزياد
09-04-2005, 01:30 AM
الله يعافيك يالغالي هاوي نجد ..