لهواة .. المرسيدس بنز

[ابن خميس]

راكب اللي لاتمثنى الخط والسايق عطالـه
=ارتقص مثل القريص اللي مكن به ناب حيه

صممه ملعون ترس وبرمجه قبل اشتغالـه
=عاكفٍ عنده ثلاث اسنين لين انهى القضيه

كل مصبح قرب الكيف المصفى ورتكالـه
=كيف ديفـد عـل ديفـد فـدوةٍ للشاذليـه

وجابه الجفال بالمينا وحطه وسـط صالـه
=واسمه اللي فلّس الشيبان عنـد الصيدليـه

ان نطحتـه قلـت يالبيـه يالبـة اصالـه
=لازهى كرستالهـا صـدرٍ عليـه القابليـه

ون قفيتـه ماقفيـت الا ردوف البرتقالـه
=يوم نادها المغني وبتلـش وصـى خويـه

ون مشى بسم الله الرحمن عل الخير فالـه
=اربط احـزام السلامـه لاتطيـح بداخليـه

منوت اللي بالجبيل وكلمه اصغـر عيالـه
=قال عجل يايبه مـن قبـل ادن الهاشميـه

ظاق صدره من كلام الورع يومنه شكالـه
=كل ماكلم يقول ارواح دام الشمـس حيـه

وفلله عند الخنيني طاريـن لـه ماطرالـه
=وقضبه خط الرياض وقال وينك يالحويـه

يوم عدا نقطة التفتيـش والخـط استوالـه
=كن صوته يوم خمه صوت شختور ابرديه

وبرمج السرعه بلمسه ورجع الكشن وتكاله
=وشغل محمد ولـد عبدومـزون العقربيـه

يوم عـدا ميـه وميـه وستيـن الوكالـه
=مخطرانه يترك الاسفلـت لـولا الجاذبيـه

بمدحـه ومجـده وللـي زرى ياعزتالـه
=من تزرى هقوتي انه ماركب حتى مطيـه

ماشريتـه لاكننـي كـل ماوقـف قبالـه
=احسبني قـد ملكـت المملكـه والفيصليـه


للشاعر بندر بن منصور

[العبدي]

يا مرحبا يا ابن خميس ..

مشكور على النقل ..

المرسيدس .. جربته .. وعرفته ..

واحب اقول بيت على القافية ..

راكب اللي كل يوم لابد يدخل له وكالة .... مرتن يصلح ذا ومرتن يبدل ذية

والله انه نشبة وخراباته علي عاله ... ما ترك بالجيب لا ريال ولا مية .


وشوف الفرق من مرسدس الى ددسن .. ويا زينها ..(( ام عزيز )) ددسن عند الشباب ..

[القادري الشريفي]

مرحبا بك يابن خميس والله لايهينك على النقل

قصيدة جزلة ورائعة ومن افضل القصائد التي قرائتها في وصف السيارات

والمورسيدس افضل سيارة ركبتها من حيث الفخامة والراحة

ولكن القصيدة منهو الشاعر الي كتبها

[ابو احمدالرشيدي]

ماقول غير يالله تحفظ المرسيدس وكل من ركب فيها

خاصة المرسيدس الاسود اللي في بالي

عرفتو يالربع منهو عبدالله بن عبدالعزيز طول الله بعمرة