متن الهوى
08-05-2007, 07:53 AM
قال العزوبي يوم شاف المعاريس
الرابح اللي لاقعد مايقومي
أول سنه كل(ن) يبث الأحاسيس
وثاني سنه تجلب عليك الهمومي
وثالث سنه حط الرمح والمتاريس
لابد من حرب(ن) تقوم وتدومي
لامن دخلت الدار لاكنها ابليس
متلفلف(ن) في غاليات الهدومي
تاخذ من المخباة وتسحب من الكيس
وتغير الموديل شي(ن) لزومي
وإن قلت مااملك يامره لوهو فليس
قالت تدين .. ولا تكثر بلومي
وإن جيت يوم ناوي(ن) لك .......
قالت تصبر خل قلبك رحومي
ليتك تساعدني تصحح كراريس
زادوا علينا الحصص فالعلومي
إزيارة(ن) فالعصر والصبح تدريس
والليل تصحيح و ودي أنومي
تبكي إذا جاها وجع لوهو ضريس
وتقول أبي دكتور ماهو حكومي
يروح عمرك بين عرس(ن) وتأسيس
وأربع سنين(ن) والبزارين كومي
وسط المطابخ بين قز و محاميس
هذا صحن رز و هذاك ثومي
وإليا خلصت منظف(ن) الملاليس
جتك تقول انهج نبي زود لومي
وإن جيت قالت يبي الحوش تكنيس
خل البلاط يصير مثل النجومي
ومكرس(ن) جهدك من الخوف تكريس
وإن نادتك بالصوت أقبلت تومي
يجيك تالي الليل دايم كوابيس
ويشيبنك مزعجات الحلومي
هاذي حياة اللي ركض باغي ....
ضيع حياة اول وصار محرومي
تعيش ياالمعرس حياة المحابيس
وشف العزوبي بكل شارع يحومي
من مفرق جلاجل للجوا إلى الحيس
وإن صار حايرهم بوسطه يعومي
يفرح إذا شاف الوتر والمراويس
وفي كل يوم(ن) كاشت(ن) ومعزومي
شفت العزوبي مايعرف الهواجيس
ولا يودي حرمته كل يومي
ياعنك ماحاش الفخر والنواميس
إلا عزوبي(ن) يعرف السلومي
إذا اعرس المعرس غدا عندنا هيس
ونزيل إسمه من سجل القرومي
وإذا بغيت البهذله والدحاويس
فأعرس وخلك من عداد الرخومي
وش صابكم من عرسكم ياالمفاليس
ويش استفدتوا غير دق الخشومي
اللي تزوج اشهد انه غدا تيس
والرابح اللي ماخذا له ..........
ترى عناق اليوم نطت على التيس
والحر عقب العرس يصير بومي -------------------------------------------------------------------------------------------------
-----------------------------------------------------------------------------------------------------------------------------------------------------------------------------
------------------------------------------------------------------------------------------------------------------------------------------------------------------------------
************************************************** ************************************************** ************************************************** ************************************************** ************************************************** ************************************************** ************************************************** ****************************************
قال العريس انا الذي في سعاده
ماني عزوبي ضايق الصدر مهموم
مبسوط من مثلي قعد عند غاده
ماهوب مثل اللي لحاله تقل بوم
في كل ليله محتضن له وساده
وانا مع المزيون في غرفة النوم
أنا اشهد انه عايش(ن) في قراده
يروح عمره ماتهنى ولا يوم
إذا دخل للبيت يبلش بزاده
يقعد يقطع له طماطم مع الثوم
وإذا قضى عقب العصر من عداده
والحوض من كثر المواعين مزحوم
وإذا غسلهن ثم فك السداده
دلى يغسل له سراويل وهدوم
وإن ماطبخ روح لمطعم حماده
والا قعد في منزله واعلن الصوم
وإن جاه ضيف(ن) باغي رفاده
يروح يشري رز وايدام ولحوم
مايعرف الشامبو وراسه عراده
والغتره من الكواي مليانه رقوم
مايكنس الفرشه ويلقط بداده
إما بقايا رز أو خبز معروم
يجمع قروشه ويتسلف زياده
حتى يسافر مصر أوديرة الروم
أو راح يم التاي ترك وبلاده
ناظر جوازه ممتلي كله ختوم
دايم يسافر مايعرف العباده
يسكر وينكر و........ بالكوم
واذا رجع.. يروح يم العياده
حيث ان فيه من الفعايل ومزكوم
واذا قعد مارس مع .... عاده
حيثه مسيكين .. من العرس محروم
له موتر(ن) خرده كثير(ن) فساده
في كل يوم(ن) في الإشارات مصدوم
غمارته كنها تقل ورشة حداده
ومريقده في شنطته دوم محزوم
دوم يتنقل تقل كنه جراده
في كل يوم(ن) نازل(ن) له على قوم
يسهر واذا قام الظهر من رقاده
روح لشغله واذا اليوم مخصوم
موذي بنات الناس يبغى مراده
في كل يوم(ن) زاهم(ن) له عى هوم
وراه مايعرس ويقدح زناده
يترك بنات الناس ويصير معصوم
يلقى هنوف(ن) تخدمه مثل داده
ويصير رجال(ن) ويسلم من اللوم
يفرح ليا من قرب وقت الولاده
ويصير معنى العرس بالحيل مفهوم
يشوف أولاده ومعهم شهاده
قبل الوفاة وقولة الناس مرحوم
---------------------------------------------------
---------------------------------------------------
---------------------------------------------------
مع الإحترام والتقدير للجميع
عوائل و عزاب
---------------------------------------
وشكرا
الرابح اللي لاقعد مايقومي
أول سنه كل(ن) يبث الأحاسيس
وثاني سنه تجلب عليك الهمومي
وثالث سنه حط الرمح والمتاريس
لابد من حرب(ن) تقوم وتدومي
لامن دخلت الدار لاكنها ابليس
متلفلف(ن) في غاليات الهدومي
تاخذ من المخباة وتسحب من الكيس
وتغير الموديل شي(ن) لزومي
وإن قلت مااملك يامره لوهو فليس
قالت تدين .. ولا تكثر بلومي
وإن جيت يوم ناوي(ن) لك .......
قالت تصبر خل قلبك رحومي
ليتك تساعدني تصحح كراريس
زادوا علينا الحصص فالعلومي
إزيارة(ن) فالعصر والصبح تدريس
والليل تصحيح و ودي أنومي
تبكي إذا جاها وجع لوهو ضريس
وتقول أبي دكتور ماهو حكومي
يروح عمرك بين عرس(ن) وتأسيس
وأربع سنين(ن) والبزارين كومي
وسط المطابخ بين قز و محاميس
هذا صحن رز و هذاك ثومي
وإليا خلصت منظف(ن) الملاليس
جتك تقول انهج نبي زود لومي
وإن جيت قالت يبي الحوش تكنيس
خل البلاط يصير مثل النجومي
ومكرس(ن) جهدك من الخوف تكريس
وإن نادتك بالصوت أقبلت تومي
يجيك تالي الليل دايم كوابيس
ويشيبنك مزعجات الحلومي
هاذي حياة اللي ركض باغي ....
ضيع حياة اول وصار محرومي
تعيش ياالمعرس حياة المحابيس
وشف العزوبي بكل شارع يحومي
من مفرق جلاجل للجوا إلى الحيس
وإن صار حايرهم بوسطه يعومي
يفرح إذا شاف الوتر والمراويس
وفي كل يوم(ن) كاشت(ن) ومعزومي
شفت العزوبي مايعرف الهواجيس
ولا يودي حرمته كل يومي
ياعنك ماحاش الفخر والنواميس
إلا عزوبي(ن) يعرف السلومي
إذا اعرس المعرس غدا عندنا هيس
ونزيل إسمه من سجل القرومي
وإذا بغيت البهذله والدحاويس
فأعرس وخلك من عداد الرخومي
وش صابكم من عرسكم ياالمفاليس
ويش استفدتوا غير دق الخشومي
اللي تزوج اشهد انه غدا تيس
والرابح اللي ماخذا له ..........
ترى عناق اليوم نطت على التيس
والحر عقب العرس يصير بومي -------------------------------------------------------------------------------------------------
-----------------------------------------------------------------------------------------------------------------------------------------------------------------------------
------------------------------------------------------------------------------------------------------------------------------------------------------------------------------
************************************************** ************************************************** ************************************************** ************************************************** ************************************************** ************************************************** ************************************************** ****************************************
قال العريس انا الذي في سعاده
ماني عزوبي ضايق الصدر مهموم
مبسوط من مثلي قعد عند غاده
ماهوب مثل اللي لحاله تقل بوم
في كل ليله محتضن له وساده
وانا مع المزيون في غرفة النوم
أنا اشهد انه عايش(ن) في قراده
يروح عمره ماتهنى ولا يوم
إذا دخل للبيت يبلش بزاده
يقعد يقطع له طماطم مع الثوم
وإذا قضى عقب العصر من عداده
والحوض من كثر المواعين مزحوم
وإذا غسلهن ثم فك السداده
دلى يغسل له سراويل وهدوم
وإن ماطبخ روح لمطعم حماده
والا قعد في منزله واعلن الصوم
وإن جاه ضيف(ن) باغي رفاده
يروح يشري رز وايدام ولحوم
مايعرف الشامبو وراسه عراده
والغتره من الكواي مليانه رقوم
مايكنس الفرشه ويلقط بداده
إما بقايا رز أو خبز معروم
يجمع قروشه ويتسلف زياده
حتى يسافر مصر أوديرة الروم
أو راح يم التاي ترك وبلاده
ناظر جوازه ممتلي كله ختوم
دايم يسافر مايعرف العباده
يسكر وينكر و........ بالكوم
واذا رجع.. يروح يم العياده
حيث ان فيه من الفعايل ومزكوم
واذا قعد مارس مع .... عاده
حيثه مسيكين .. من العرس محروم
له موتر(ن) خرده كثير(ن) فساده
في كل يوم(ن) في الإشارات مصدوم
غمارته كنها تقل ورشة حداده
ومريقده في شنطته دوم محزوم
دوم يتنقل تقل كنه جراده
في كل يوم(ن) نازل(ن) له على قوم
يسهر واذا قام الظهر من رقاده
روح لشغله واذا اليوم مخصوم
موذي بنات الناس يبغى مراده
في كل يوم(ن) زاهم(ن) له عى هوم
وراه مايعرس ويقدح زناده
يترك بنات الناس ويصير معصوم
يلقى هنوف(ن) تخدمه مثل داده
ويصير رجال(ن) ويسلم من اللوم
يفرح ليا من قرب وقت الولاده
ويصير معنى العرس بالحيل مفهوم
يشوف أولاده ومعهم شهاده
قبل الوفاة وقولة الناس مرحوم
---------------------------------------------------
---------------------------------------------------
---------------------------------------------------
مع الإحترام والتقدير للجميع
عوائل و عزاب
---------------------------------------
وشكرا