المساعد الشخصي الرقمي

مشاهدة النسخة كاملة : ابشر بطلبك يالي طلبت محاورة زواج السامر ابن شايق وحبيب

نواف بن سعد المدوخل
07-05-2007, 03:06 PM
اقدم
هذه المحاورة التي تجمع الشاعر بن شايق وحبيب
وكانت في حفل زواج الامير السامر في فندق الشرتون عام1416
بحضور مطلق الثبيتي واحمد الناصر ومستور العصيمي وصياف الحربي








حبيب العازمي
سلامي على ال سعود وضيوف ال سعود
سـلام بمسـك العـود نسمـة هبوبـه
وطنـا وطنـا منبـع العـز والـجـود
ودحـر المعـادي كـان شبـت شبوبـه
__________________________________________________ __
عبدالله بن شايق
انـا بالنيابـه قمـت والخيـر مـاجـود
عن الاسـره اللـي ضيفهـم رحبوبـه
بلدنـا مجندنـا وحـنـا لــه جـنـود
على السلـم سلـم وللمشاكـل عقوبـه

_______________________________________________
حبيب العازمي
ترى العاقل اللي يعرف النقص والـزود
قبـل مايعـرف الـدار يعرفـه دروبـه
بذلنا على وضـح النقـاء كـل مجهـود
لكـن انـت لابـدك تلقـي صعـوبـه

__________________________________________________ __________
عبدالله بن شايق
ترى العاقل اللي ياخـذ الحـق بشهـود
ونفسك على الطرقه مهيـب مغصوبـه
ليا صـار فالميـدان حـاوي ومـردود
انا اصل العرب واصلي يعرف العروبه

__________________________________________________ ________
حبيب العازمي
ليا قلتهـا قلـت لـك مانيـب محـدود
ولكـن داب الـغـار ينـفـخ ذروبــه
زمان مضى والنـاس طـارد ومطـرود
كثيـر العـرب ناخـذ شماغـه وثوبـه

__________________________________________________ _______
عبدالله بن شايق
توقـع تـرى فالعـب نـار وبــارود
وراع العيوب اصـد ماكشـف عيوبـه
وانا اقـول ليلـن قربـك جعلـه يعـود
وانـا عـارف قلبـك يحسـب ذنـوبـه

__________________________________________________ _____
حبيب العازمي
رصاص المقمع صفـر مافيـه عبـرود
ولايشفـي الغازيـن لــو حاربـوبـه
وانا اقول صعبه طقـت العـود بالعـود
ولكـن حاسـب والعـلـوم محسـوبـه
__________________________________________________ ___
عبدالله بن شايق
كثير العرب لو مـات ماهـوب مفقـود
وانا يوم جيت السـوق شفـت الجلوبـه
اشهـد عليـك احمـد وحمـاد وحمـود
ارويـك وانـت تصـد منتـه بصوبـه
______________________________________________
حبيب العازمي
يـاراع المنيحـه ردهـا لاخـر الـذود
تبـي تحتلبهـا بـس جتـك محلـوبـه
زمان الهوايل يجمـع البيـض والسـود
واشوف الهوايل جـات والوقـت دوبـه
____________________________________________
عبدالله بن شايق
ياويلك من اللي صار والبـاب مسـدود
ترى راعي الساحـل يعـرف الرطوبـه
انا لي يميـن وديـن ووعـود وعهـود
لاقـوم اتعجبـك واحـطـك عجـوبـه






عسى ان تحوز على اعجابكم
ذيب المعادي
07-05-2007, 05:12 PM
السلام عليكم ورحمة الله وبركاته
لاهنت لاهنت

على نقل المحاوره
سعد القحطاني
07-05-2007, 07:01 PM
الاخ نواف

لاهنت على نقل هذه المحاوره الجميله لعملاقين غنيين عن التعريف

مشكووور لاعدمناك

.
نواف بن سعد المدوخل
08-05-2007, 10:33 PM
مشكورين على المرور
وليـ قحطان ــد
11-05-2007, 02:58 PM
ما قصرت اخوي

ياليت تعطينا رابط صوتي للمحاورة
نواف بن سعد المدوخل
12-05-2007, 04:21 PM
ابشر وهذا مقطع فيديوhttp://www.qahtaan.com/works/up/download.php?filename=qahtaan-05-12-1178975557.wmv