المساعد الشخصي الرقمي

مشاهدة النسخة كاملة : حبيب العازمي و عبدالله العلاوه (محاوره قويه)


علي بن مسفرالحبابي
07-05-2007, 10:38 AM
عبدالله العلاوه =
-
بيني وبينك ياحبيب مواعيد=
فيها اتفاقيه من العيد للعيد=
واليوم حان الوعد والزايد يزيد=
والصبر زين وكل مطرود ملحوق=
-
انا بيني وبين العازمي ميعاد = ولاحد(ن) يضمن المحضار والغيبه
-
من لاحســب للواقــعه قبل تاقع=
ينسى طموحاته وينسى المطامع =
مــا يقدر الهوشــه لوانه تفــارع =
والصبرزين وكل مطرود ملحوق
-
مادامت صحبتك من غير ملح وزاد = اجل هذي تراها صحبت الخيبه

-

حبيب العازمي =
-
ماني بخابر وعد لكن هيا=
نبي نقرر وعدنا من هنيا=
يااللي تثاري ليش ياابا ثريا=
والصبر زين وكل مطرود ملحوق=
-
لاتسرع ياالعلاوه تقطع العداد = ولا يبقى معك عداد تمشيبه
-
يامل قلبن مايبى الشعر كله =
لولا العصيمي كان يمديه مله=
عقدن عسى رب الخلايق يحله =
والصبر زين وكل مطرود ملحوق =
-
يازين الصوره اللي جات من بغداد = رسمها واحد(ن) يفتل فا شانيبه
-

عبدالله العلاوه =
-
قــرر وانا اقرر عســاك بمــصــيبه=
مــاهي غريبه مــنك ماهي غريبه=
تمسي وتصبح مع شباب(ن) وشيبه=
والصبر زين وكل مطرود ملحوق=
-
ماتسكت لين تونس ضربة المسجاد = وتستعرف بعلمن ماانته داريبه
-
ياشين صوره فالجرايد بدتلك =
بارك وبالامراس مشدود حملك =
مستور يبكيلك وملفي ضحكلك =
والصبر زين وكل مطرود ملحوق =
-
انا رجال لاشامت ولا حساد=لوانه صابك من ايامك مصيبه
-

حبيب العازمي=
-
اول مصيبه يوم غنيت انا وانت=
واخر مصيبه يوم اردك كما كنت =
مادام هذي منك انا عنك هونت =
والصبر زين وكل مطرود ملحوق=
-
ابا الهرجه وابا الدله ماابا البراد= لكن الوقت ماتصفي مشاريبه
-
الشعر ياعبدالله ابن العلاوه =
لاتحسبنه ياالعلاوه حلاوه =
والصنف يحسب للموظف علاوه =
والصبر زين وكل مطرود ملحوق=
-
انا رجال وادرى كلمة النقاد =ومن لاله بصيره ويش اسويبه


عبدالله العلاوه =
-
شاعركم اللي ياعتيبه لقيته=
ظلا شبح مار انقلب بسكليته=
وانا برجلي في طريقي وطيته=
والصبرزين وكل مطرود ملحوق=
-
تبى الدله وتبغالك سيوف حداد=تصبحلك بسيف وسيف تمسيبه
-
يااللي حصلك تالي الوقت قصه =
الشعر لوانه حلاوه تمصه=
وانته متكي فوق ذيك المنصه =
والصبر زين وكل مطرود ملحوق=
-
أبا ازيدك مادام انك تبى تزداد =لكن انصحك خل التمر فاالعيبه
-

حبيب العازمي=
-
شاعر بني الحارث نعرفه بالأشناب=
ولا هذا ورع(ن) لاودى ولا جــاب=
في برحة القزاز ســواق دبــاب=
والصبر زين وكل مطرود ملحوق=
-
انا في ذمتي لقضبله المرصاد=واطقه بالعصا واكسر عراقيبه
-
مادام طبعك يالعلاوه كذا روح=
لا باب متقفل ولا باب مفتوح=
واختامها يا جار مسمار فااللوح=
والصبر زين وكل مطرود ملحوق=
انا ابنيها وانا احميها مع الأجواد =واكب اللي خبيثاتن عناديبه-
-

عبدالله العلاوه=
-
الورع صاعك يا حبيب وراعك=
في برحة القزاز لزمك وباعك=
وصلك مشوارك وطير شراعك=
والصبر زين وكل مطرود ملحوق=
-
تهددني والاقدتك تجي منقاد=لكن الحارثي كافتك في جيبه
-
اقضب عصاتك في عفيف وتجمل=
وان زانت الحملات قرب وحمل=
مره بلا شمله ومره مشمل=
والصبر زين وكل مطرود ملحوق=
-
تطرطع ما تطرطع جاك قدح زناد=وجالك حمل تالي الليل تسريبه-
-

حبيب العازمي=
-
الورع طول في الجدايل وخنفس =
والورع كثر فالازره ودنفس=
حنا نرده للسنع مار ينكس=
والصبر زين وكل مطرود ملحوق=
-
حاداني يمك المحدار و المسناد=كريم وكل طرقي(ن) تجيبه
-
ماني بجاهل واستمع في الجهاهيل=
رجال وادور كلام الرياجيل=
واللي يعير ما يحصل محاصيل=
والصبر زين وكل مطرود ملحوق=
-
مسامح روح وصلها لابن عياد=وابن عياد ما تطفي مشاهيبه
-

عبدالله العلاوه=
-
خنفست لجل اصيد بعض الخنافس=
اللي على طول الجدايل تنافس=
واللي تربط بالحبل مايرافس=
والصبر زين وكل مطرود ملحوق=
-
انا برقبك فالمرواح والمعواد=لوان المسجد الأقصى تصليبه

عبدالله بن شتوي
08-05-2007, 01:13 PM
لاهنت علي المحاوره الجمليه

مرعي بن دواس الحبابي
08-05-2007, 05:11 PM
لاهنت يابو مسفر

العلاوه شاعر كبير واختفى

اخووووك

عادل الشبلي
08-05-2007, 05:16 PM
العلاوه هذا اول مره اسمع فيه والله انه شاعر ماهوبسيط جنن الشبح

لاهنت يابوفيصل لاهنت

محمد القويفل
08-05-2007, 08:38 PM
عبدالله العلاوة الاول على جيل الشباب في وقته لو انه استمر في عطائه كان الان الاول على المحاورة


في العرضه مبدع
في المحاورة مبدع
في النظ م مبدع

لكن حصلت له ظروق اجبرته الابتعاد عن الساحة


ابو فيصل لاهنت على النقل الفريد من نوعه

حسين بن شتوي الحبابي
16-05-2007, 12:41 AM
ياسلام علي المحاوره

خالدمحمدالحبابي
16-05-2007, 02:47 PM
ارررررررررررررررررررررحب باابوفيصل

لاهنت على المحاورة الجميلة و ياسلام عليك ياالعلاوة ويا العازمي

واتمنا المزيدمن المحاورات والله الموفق
مع تحيات /خالد الحبابي

سعدالحبابي
26-06-2007, 12:09 PM
ارررحب يا علي الحبابي

الله لا يهينك على نقل هذه المحاوره

محاوره جميله والله يعطيك العافيه

علي بن مسفرالحبابي
10-09-2007, 07:46 PM
لاهنت علي المحاوره الجمليه

حياك الله اخي الغالي

انا سعيد بمرورك علي مشاركتي

دمت بكل الود

فلاح الهاجري
11-09-2007, 12:59 AM
بيض الله وجهك

سعيدالحبابي
29-09-2007, 02:37 AM
يااااااااااااااااااسلام علي المحاوره والشعراء والناقل

ابوفهيدالعاطفي
29-09-2007, 06:38 AM
بسم الله الرحمن الرحيم
السلام عليكم ورحمة الله وبركاته

لاهنت على المحاورة الكاااااايفه يابو مسفــــــــر

عبدالله بن غفره
30-09-2007, 12:15 AM
بيض الله وجهك يابو فيصل

\

ولاهنت يالغالي على هذه المحاورة الرائعه والقيمة



مبدع دائماً




تحياتي