المساعد الشخصي الرقمي

مشاهدة النسخة كاملة : قصيدة الساحة


مطلق بن راشد بن القعيمه
07-05-2007, 10:13 AM
الأخوة الأعزاء
تحياتي لكم جميعا
هذه القصيدة أهديها لكم كعربون تواصل بيني وبينكم وقد سبق أن نشرتها منذ مدة في صفحة مدارات شعبية .
أرجوا أن تروق لكم ............وتحياتي للجميع.




الشعر ما خذيته مدة من كريم=ولا سرقته من احد تحت جنح الظلام
موهبه واحتكاك ومن زمان قديم=وارثه من جدود ومن خوال وعمام
الرفيق السنافي والصديق الحميم=والحبيب المقرب والهوى والغرام
ما تجنبت فيه المنهج المستقيم=ولا مدحت اللئام ولا هجيت الكرام
ولا تغزلت في غير العفيف الحشيم=ولا بهت البريّّّّّّ ولا وطيت الملام
والشعر كان ماصاب امعناه الصميم=يعتبر بس وزن وقافيه والسلام
الشعر معرفة عارف وحكمة حكيم=تجعل الخام ثوب عقب ماكان خام
والتجارب تفيد اصغير سن فهيم=وما تفيد الغبي لو عاش تسعين عام
ولو يعلم غشيم الساحه انه غشيم=ما بقى لي عليها مدخل لاتهام
يفتضح بين خلق الله رجال وحريم=ومكسبه لا لقى ماطى قدم بالزحام
والقصيده عظيمه باسم شاعر عظيم=وصورة تحتها خذ من رخيص الكلام
لو يقولون هذا في مجاله يتيم=للفايق زوال وللحقايق دوام
كنه العاقر اللي زوجوها عقيم=مالها حل تنجب في حلال وحرام


وسلامتكم

معيض بن صميع
07-05-2007, 10:26 AM
الشاعر القدير : مطلق القعيمة




صح لسانك وبيض الله وجهك وياهلا وغلا ..



قصيدة جزلة من شاعر متمكن ..



دام هذا الإبداع والرقي ..



ودام لنا حضورك ودمت بخير .

مطلق بن راشد بن القعيمه
07-05-2007, 10:36 AM
الأخ معيض
بيض الله وجهك ولا هنت
شهادتك اعتز بها وارجو ان تعذروني على عدم توفيقي في اختيار الخط المناسب لكن إن شاء الله اتفادى ذلك لاحقا
تقبل تقديري واحترامي.

سعد القحطاني
07-05-2007, 05:18 PM
الاخ مطلق القعيمه

ارحب ارحب

شرفتنابانظمامك لناويامرحبابك

صح لسانك وبيض وجهك على هذه الشامخه

والخط تم تنسيقه

دمت بخير

.

عبدالله المهداني
07-05-2007, 05:52 PM
اررررررررررحب يابو راشد


وصح الله لسااانك وبيض الله وجهك على هذه الرائعه

تشرفنا بإنظمامك والله يحييك في محلك


تحياتي

مطلق بن راشد بن القعيمه
07-05-2007, 06:55 PM
الأخ : سعد القحطاني

سلمه سلمه

وجهك أبيض وعلمك غانم

الله لايهينك


مشكووووووووووووووووووووووووووووووووووووووووووووووو وووووووووووووووووووووووووووووووووور

مطلق بن راشد بن القعيمه
07-05-2007, 07:01 PM
الأخ : عبد الله المهداني

مرورك المشرف يزيدني شرف

لا هنت وبيض الله وجهك

تقبل فائق إحترامي

ابن عياف البشري
10-05-2007, 09:46 PM
بارك الله فيك

سعيد الضيغمي
10-05-2007, 11:14 PM
صح لسانك قصيده طيبه ومعبره لاهنت يالشاعر

مطلق بن راشد بن القعيمه
12-05-2007, 10:09 PM
الأخ بن عياف

وفيك

سعد المشاوي
13-05-2007, 12:59 AM
بسم الله الرحمن الرحيم




اللهم صلي على النبي






ولا تغزلت في غير العفيف الحشيم ولا بهت البريّّّّّّ ولا وطيت المـلام
ولا تغزلت في غير العفيف الحشيم ولا بهت البريّّّّّّ ولا وطيت المـلام


:applaudit: :applaudit:


بيض الله وجهك





شكرا على كل هذا الجمال والحكم والعلوم الغانمة





دمت بود

سعد بن مناحي بن شفلوت
13-05-2007, 02:22 AM
صح الله لساانك

ولايستغرب منك الابداع

لاعدمناااك

مطلق بن راشد بن القعيمه
13-05-2007, 09:25 PM
الأخ : سعيد الضيغمي وفقه الله

أشكرك على مشاعرك الطيبه

ومرحبا بك

تحياتي

مطلق بن راشد بن القعيمه
13-05-2007, 09:37 PM
الأخ سعد المشاوي وفقه الله

مرورك الجميل أجمل

ومجمل على كل حال

تحياتي

مطلق بن راشد بن القعيمه
13-05-2007, 09:43 PM
الشاعر : سعد بن شفلوت وفقه الله

الله يصح بدنك

ما يستغرب الطيب منك والرجاجيل شرواك

مع صادق تحياتي

السعدي
18-05-2007, 10:25 PM
بيض الله وجهك على هذه الرائعة

مطلق بن راشد بن القعيمه
18-05-2007, 10:32 PM
الأخ : السعدي

ووجهك أبيض يابن عمي

لا هنت ومشكور على المرور

تقبل تحيات أخوك مطلق القعيمه











.

ابوفهيدالعاطفي
25-05-2007, 04:27 AM
صح لسانك والله لايهينك يامطلق على القصيدة الجميلة