ليش السعوديين مدمنين رز (صور)

[ذي يزن]

http://www.9q9q.org/index.php?image=3LRnQmjjHvUqca (http://www.9q9q.org/index.php?image=mPl885GgBUS)

الوجبه الوحيده اللي قد تخلو من الرز في السعوديه هي وجبة الفطور

مع اني اعرف واحد يسوي ساندودش رز في الصباح

بس نقول هذا حاله شاذه

لكن في باقي الاوقات كل الشعب ياكل رز

الغدى رز والعشاء رز و الوجبه الرئيسيه في المطاعم رز

في قصور الافراح والزواجات والمناسبات ولاعياد ياكلون رز

في طلعات البر يمكن ينسون الخيمه لكن ماينسون الرز

اذا نوى احد يسافر برا السعوديه يشحن معه كم قطمة رز حتى لو بيسافر للعلاج من السمنه

اذا واحد سعودي عايش برا السعوديه يوصي اهله يشحنون له رز او يوصي اللي جايين يقضون عنده الصيفيه

اعرف واحد تنوم في المستشفى مدة اسبوعين ومنعوه من الاكل نهائياً

وصار المغذي في يده على طول

من لهفته على الرز سأل الممرضه (عندكم مُغذي بنكهة الرز؟!)

حتى الاطفال ادمنوا على الرز

وحتى اللي يرضعون يسوون لهم سيرلاك بالارز
http://www.9q9q.org/index.php?image=7NTMqLIIhPpKUs (http://www.9q9q.org/index.php?image=hKgBBauTpWu)
حسب إحصائيات التجارة الخارجية التي تصدرها مصلحة الإحصاءات العامة بوزارة المالية والاقتصاد الوطني عام 1999 م، بلغ إجمالي الكميات المستوردة خلال هذا العام أكثر من 700.000 طن وباجمالي فاق 1.8 مليار ريال

تخيلوا (700,000 طن) ويقولون ليش فشلت عندنا مشاريع الصرف الصحي !!!



الأنواع التي يتم استيرادها

أرز غير مقشور
أرز مصري
أرز أمريكي
أرز بسمتي عنبر
وانواع اخرى

http://www.9q9q.org/index.php?image=KZaX1WEfd8c7nL (http://www.9q9q.org/index.php?image=Z5YxXVbeAYx)
أهم الدول المصدرة للمملكة عام 1999 م :

الكمية بالطن ـــ الدولة

531263 ــــ الهند
2240 ـــ مصر
53050ـــ تايلاند
120776ـــ الولايات المتحدة
21971ـــ استراليا
51459 ـــ باكستان
431ـــ بنغلاديش
300 ـــ سنغافورة
500 ـــ اليابان
508ـــ إندونيسيا
201 ـــ الصين



الهند في صدر قائمة الموردين للملكة http://www.9q9q.org/index.php?image=ZjpbEaVwuehDNL (http://www.9q9q.org/index.php?image=vYuPqoWZwdb)

السعوديه اهم المستوردين من الهند

7

7

7

http://www.9q9q.org/index.php?image=6ntImHVwulLkrQ (http://www.9q9q.org/index.php?image=z4yLmkGhFVv)
شلون يتصرفون وقت النكبات

http://www.9q9q.org/index.php?image=WgmJnIzZXpPoed (http://www.9q9q.org/index.php?image=LpKDecvVucb)
او عند ممارسة الرياضه

http://www.9q9q.org/index.php?image=1KQgJfQrpQSPMk (http://www.9q9q.org/index.php?image=mPlWxvBDAuR)
او وقت التنزه في الهواء الطلق



http://www.9q9q.org/index.php?image=DSYBfA9a6BDAWT (http://www.9q9q.org/index.php?image=SwRCdbTVSmj)
طيب لو زعلوا علينا الهنود وماصاروا يصدرون لنا رز, وش ناكل؟؟



منقول

[هيثم الرفيدي]

ناكل الهنود مايبغالها هههههههههه

الله ليتني حول الصورة الاولى شكلها يشهي

ولاهنت يالغالي

[ذي يزن]

دائما متميز ياهيثم باخلاقك ولاهنت على الرد

[ذي يزن]

يوم يمر ما فيه رز تقول يوم ناقص

[عبدالله بن غفره]

نسئل الله العلي القدير أن لا يحرمنا من هذه الوجبه وأنه على كل شيء قدير :)

[هيثم الرفيدي]

نسئل الله العلي القدير أن لا يحرمنا من هذه الوجبه وأنه على كل شيء قدير :)

هههههههههههههههههههههه

اجمل دعاء سمعت في حياتي

[ابن خضير]

السلام عليكم ورحمة الله وبركاته

انا مع ولدي (( ابن غفرة )) الله لا يحرمنا الرزيزة


ولك تحياتي

[علي الفهد]

بس حلوه سندوتش الرز



يعطيك العافيه

[عبدالله بن غفره]

يقولون ان اللي يكثر في الرز ممكن تنفجر أشلاءه في أي وقت
فلذلك سوف يتم منعهم من الدخول في الأماكن العامه

[منصور عبدالله القحطاني]

هذه نعمة الله لا يجعل لها زوال

لكن ليه مافيه رز سعودي؟

[عبدالله آل عباد]

فيه رز سعودي

يزرعونه في الاحساء

لاكن طينتها تشرب ماها ولا يغطي 1% من الاستهلاك

وأذاك ساكن في الرياض رح جربه على مخرج 9 عند الحفريات ألي يسوونها ألحين

في مطعم أسمه مشخول








أرحب ياذي يزن

مشاركه مزبوطه

تفاعلو معها الاعضاء

حتى ناس من زمان ما شفناهم جو على ريحة موضوعك



شف ونا خوك كل شي ألا الرز

أحلف بالله أنك ماكليت ذليوم رز يا ذي يزن


وبعدين أذا ماكليت رز وش تاكل


وتر السعوديين أحسن من غيرهم


معنا عمال بنقلادش يفطرون ويتغدون ويتعشون ويتسحرون في رمضان رز

مره كلا واحد منهم برتقال

وديناه المستشفى سوا غسيل ماعده

ووالله على ماقولك

شوكرن

[بن خرصان]

ذي يزن

لاهنت على الموضوع المنسق..

وتصدق فيه مطعم مكسيكي...يحضر.سندويشات رز

والشباب السعودي مطيحين عنده....

[ماجد الخليفي]

السلام عليكم اخي ذي يزن

اليابانيين كذلك مدمنين رز ... فطور وغداء وعشاء ...
حتى الحلوى من رز وبعض انواع الايس كريم من رز ....
حتي الهمبرقر بدل الخبز يستعملون رز


http://www.qahtaan.com/works/up/uploads/qahtaan-05-06-1178451765.jpg (http://www.qahtaan.com/works/up)

كذلك عندما يذهبون رحله يعملون الرز على شكل كور ليسهل اكله


http://www.qahtaan.com/works/up/uploads/qahtaan-05-06-1178451870.jpg (http://www.qahtaan.com/works/up)

اللي جالس على الكرسي يشبه منصور العبد الله

[ذي يزن]

ابو جابر والله العظيم ان عندي 3 انواع من الرز في البيت ابو بنت ومزه وبسمتي وافكر في نوع رابع تايلندي الكيلو ب30 ريال مسقي من موية المطر طبيعي مو صناعي علما ان وزني والله 70 والطول 170 عادي جدا والله يديمها نعمة مثل ماقال الاخ بن غفره وشكرا بن خرصان وماجد الخليفي دايما متميزون

[عبدالله آل عباد]

الله يازين الرز

قبيل مريت المطعم ونا جاي المقهى خذيت لي شاورما

ملتني زيت وعاد طعمها في حلقي

بعدين ماااااااااااااااااش

ماتخارج


ماينفع ألا الرز

دق التربيعه وضرب بالخمس

والشيطان ملعون


ذي يزن شوكرن

[ابو احمدالرشيدي]

كيف تتهموننا بعدم التنويع في الاكل00
وحنا يوم ناكل رز بخاري ويوم رز برياني ويوم رز كابلي00000الخ الخ ترا هذي يعني طبخة رز مستحدثة
وايام ماناكل رز ابد ونستبدلة بالكوزي او الكبسة او المقلوبة الاردنية

[ذي يزن]

ماقصرت يابو احمد الرشيدي كلها رز في رز بعض الناس يقول رز بالضم وبعضهم رز بالكسرررر

[الهيثم]

يالله ياربي لك الحمد

والله بيني وبينكم الرز نعمه الحمدلله ولا لنا عنه غناة لكن الشي اذا زاد عن حده انقلب ضده ..

موضوع متميز وطرح اكثر من رائع ..

يعطيك العافيه ياذي يزن ..

[آل معمر]

خخخخخخخخخخخخخخخخخ

موضوع رائع وجميل

بصراحة الرز ما مثله والله يديم علينا نعمه والتي منها نعمة الأمن والأمان ونعمة الرز


في مثل يقول

الرز في شبرا يا قحطان

[منصور العبدالله]

عز الله الرز ماله بديل

تحس اوقات اذا ما اكلته ان مالك داعي

وراك يالرز وراك

مشكور اخوي ذي يزن والله يعطيك العافيه