رساله داجه

[عبدالله آل عباد]

والله ونا أفرفر على غير عاده في النت الوسيع

حصلت ذي الرساله


ونا قد أبطيت منكم لي ما يقارب شهرين مافيه ألا ردود

وودي أنزل موضوع والهدف منه نقول الله يمسيكم بالخير

ولي صلى ذليوم الجمعه الله يقبل منه

ولي راحت عليه نومه الله يغفر له ويعفى عنه




وترو يا أخوانا الامور تساهيل

والعمر يمشي

ولا عزة لنا ألا بالاسلام <<<<<<< واحد ضيع بقوه


أهم شي نبي نمسي عليكم بالخير

وننشدكم من أحوالكم


وفي نفس الوقت أبي أسألكم من أبن خرصان

الرجال مختفي ولا عاد له حس

ألي له علم منه ولا شي يعلمنا

أنا بنتضر لين يجي ون كان حد منكم زعله ولا شي فنبغا نصلحكم <<<< لازم نسوي مشكله




شوفو أدج رساله << وللمعلوميه والله أنه يكتب أحسن مني لاكن الشماته ذي مشكله

http://www.qahtaan.com/works/up/uploads/qahtaan-05-04-1178304726.jpg (http://www.qahtaan.com/works/up)





هيه ياشباب نبغى سواليف

أقل واحد يكتب خمسة سطور

الله يلعن أبو ذي الدنيا بتوالى ما قد أستعلمناكم من شي

ولاهو بلازم تعلقون على الرساله







شوكرن

عاشق الاستراحه

أبو جابر

ودمتم بألف خير

[ابن خضير]

السلام عليكم ورحمة الله وبركاتة

ابو جابر الله يسعد مسائك والله اني احبك في الله وبعدين

والله ان الكبيوتر مسوي فيني وفي ناس واجد خير ولا كان خط راعي الرسالة عندنا احسن خط
(( واحد خطة كنة جرت معزا اسبوع علشان تقراء حرف))

ولك احترامي

[عبدالله آل عباد]

خخخخخخخخخخخخخخخخهه

الله يحبك يابن خضير

وثار ماني بلحالي ألي أحب الناس وخطي شين



موفق والله يعفى في المعزا

ألا قل

شخانيب دجاج في صحفه حلاي

شردت من المعزى ألي زاد هبت جرتها مع أن ماني عارف كيف تهب المعزى جرتها وتروح بلا جره

لاكن تحصل في أرقى المجتمعات

ولك التحيه


أهم شي السواليف

كثرو من ذي التواسي

[منصور عبدالله القحطاني]

يعطيك العافية يا بوجابر والله إنك ضحكتني وخاطري ضيق من هم الإختبارات وترقب العطلة الصيفية وترى باقي في الرسالة أخطاء ولكن من ستر مسلم في الدنيا ستره الله في الآخره



وأما بالنسبة لإبن خرصان ترى ما عندي خبر اسأل القريبين منه وشكرا

[عبدالله آل عباد]

ينعى خشمي

أجل ذبحتك ذي الاختبارات الله يلعن من أخترعها


شف خذ نصيحة واحد له ثلاث سنوات في الجامعه ماخلص ألى مستويين


أذا شفتها خربت خربت

فخربها تزين


وتر العلم في الراس ماهو في القرطاس

خلك شقردي مع المدرسين

وحفض من ذي القصايد لين يمتلي راسك

ترها حيلة العاجز

وعلاج مفطرات الكبود



والله يوفقك

نعزك ونقدرك يامنصور من معزتنا لسميك

والله يوفقك وياه

شوكرن

[منصور عبدالله القحطاني]

مشكور يا بو جابر على هذه النصائح اللتي هي من واقع تجربة


لكن دعواتك لنا ولجميع الطلاب بالتوفيق لرفعة شأن المسلمين والشعب السعودي كافة


(((((((((((((((((كبيرة صح لكن الله يحقق لنا مبتغانا )))))))))))))))

[@ابوريان@]

http://www.uaekeys.com/fwasel/www.uaekeys.com23.gif


ابو جـــــــــــــــــــــــــــــــــــــــابر القحطاني تحياتي لك على هذي الرساله


وبصراحه رساله غريبه وحلو تعليقك


الف شكر

[الواصل]

والله شكل ابو وائل ما استقال الى من خطة


لاهنت يابو جابر

[بن خرصان]

بيض الله وجهك يابو جابر....

سؤالك عني يعني لي الكثير....

وترى اللي مزعلني

منصور العبدالله..تكبير الاسم..لتشهير به خخخ

ناسي موضوعي القديم....ومطنشه...خخخخخخ (والله تقول أني نشبة من جد ) يأما منصور ..ولأ موضوعي...(صار مثل مسمار جحا)

تحيــــــــــــاتي بلا حدود.....ياراعي العراوي

[بن خرصان]

نسيت ........

مبروك على الموضوع

من مبطي ماشفنا لك موضوع....

بس موضوع......يكفي عن عشرة مواضيع....

يعني مرخوص شهرين قدام خخخخ

[ابو احمدالرشيدي]

المهم يابو جابر انك نورت الشاشة بموضوع باسمك 0
اما الرسالة من جمال الخط ماني قادر استوعب السالفة 00000

على فكرة وشهو هو موضوع خطبه الجمعة في مسجدكم ؟

[نواف بن سعد المدوخل]

لاهنت يابو جابر والرساله من جد داجه وفي ديرة والناس بديرة

[عبدالله آل عباد]

منصور القحطاني


مرورك شرفنا يالغالي

ونعم الله ينصر الاسلام والمسلمين ويديم الامن والامان

وينجحنا <<<< أهم شي ذي

والله بيني وبينك كن النفس بتطيب ماقد تخرجنا


أبو ريان

والله أنت الحلو

بس أهم شي ماتقطعنا من هالطلات

مرورك شرف ونقدر جهودك


الواصل


يامرحبين يالغالي

لاتستبعد شي

وأذا ذا خطه كيف بيكون وجهه


أبن خرصان


ياااااااااااااااااااااااااا مرحبييييييييييييييييييين

ويا رشاش يضرب تماتيك لين تغلق سعفته

أستبشاراً بقدومك الميمون

والله الضاهر أنك قطعت أجازتك يوم علموك عناصرك السريه أننا بدينا نفقدك


والله يلوم ألي يلومك في الموضوع ألي تقول

والله بيني وبينك شي يقهر<<<<< واحد منشب

لاكن سو زي منصور

شف منصور العبدالله سوا مسابقته وهبا فيها دراهم

نجحت على طول

وجوك الناس يصوتون من كل ديره

ماجد طبعاً جاب الاول وعطاني جايزته

ونا خذيت الثاني وستحيت أرد منصور


وجتني قيمة ربع تيس في تهامه

ولا عاد أحلى


أنا ألحين مثلاً أفكر أسوي جايزه بدراهم زي منصور

بس أستناك تخلص موضوعك


على كل حال تشرفنا بمرورك الكريم

والله العالم متى أنزل موضوع مره ثانيه تردون علي





أبو أحمد الرشيدي


ياحبك للأحراجات

ما حصلت تسألني ألا عن موضوع الخطبه


على كل حال أنا أبشرك صليت الجمعه

في أخر مسجد يصلي الجمعه في الرياض

راحت علي الصلاة في المسجد ألي في الحاره

لاكن ماتروح علي الصلاة ومعي الدقسن جعلها تسلم

وتر فيه مسجد في الرياض على دوار القاعده الجويه ( المطار القديم)

أن كانك من أهل الرياض وراحت عليك الصلاة فرح صل عنده

هذا يقيم الصلاة الساعه وحده وربع

والله يوفقنا وياك

وذا ماحفضنا صلاتنا مانا بحافضين شي



نواف المدوخل


يا مرحبا ملايين

أسعدتنا هالطله ولا تقطعنا







شوكرن للجميع وبالتوفيق لكم

[الهيثم]

والله كفو يابو جابر الله يقويك على طاعته ورضاه ..ويكثر من امثالك ..

واما بالنسبه للرساله فوالله اصول الدجه ..

اعجبني اريل التلفزيون ..ويوم يقول كما يفقد الاسلام احد اركانه ..كنه مز شوي بذا التعبير..!!!؟
واضح ان الرساله كلها كذبات وانه كاتبها بدون نفس ..

يعطيك العافيه ياملح الاستراحه ولا تحرمنا من مشاركاتك وابداعاتك ..

[منصور العبدالله]

الله يرجك يابن خرصان ارخصت لأبو جابر شهرين

ابو جابر لك سته شهور رخصة

لاهنت يابو جابر وحتى لو ماكان لك موضوع فردودك عندي

احلا موضوع وبهد هاليومين نفتقد كل من

ال معمر وعندة دورة في الرياض

وبعد تركي بن فرحان وعندة إختبارات

والله يوفقعهم كلهم

المهم يابو جابر لاتصدق ابن خرصان والله مازعلته

بس قاعد يهايط في امريكا وعلى حد علموني انهم جلدوة

وما أدري والله العلم في بطنه


لاهنت يابو جابر حضورك وردودك والله يعطيك العافيه

[عبدالله آل عباد]

^^^^^^^^^^^^^^^^^^

منصور بالله أن تثبت موضوعه

وش بيضرك

خله مثبت أسبوع

والله يلعنك ياشيطان

وبعدين ما أشوف أني في موضوعه شي

بالعكس موضوع منتاز

ويحفز الاعضاء ويحثهم على العطاء

وأبن خرصان لو يخلي الهياط يطلع أحسن واحد

[منصور العبدالله]

أبو جابر

المنحوس منحوس ولو حطوا فوق راسة فانوس

وبعدين أي موضوع خله ينزل موضوع

وابشر بعزك يابو جابر

انت يابو جابر بس تاشر بيدك وكلنا تحت امرك

وابن خرصان ماتلاحظ انه عقل شوي

جلدوة هناك ولعن ابليس

بس ما اقول غير الله يبيض وجيهم اللي جلدوة

المهم يابن خرصان موضوع المسابقه اللي حطيتها زمان

نسيته واتذكر انه صعب شوي

على ما اتذكر لازم يكتب قصه مدري وش السالفه

المهم رتبه من جديد ونزله يابن خرصان وابشر بسعدك

[عبدالله آل عباد]

أني والله قد دريت أنك ونعم يا منصور ونك شيخ ولد شيخ

الله يوفقك

وبن خرصان خاطره وسيع ويحب المزوح

ولا يزعل لي حد مزح معه ولا شي

صح يابن خرصان


الله يستر والله أني أحس أني ثقلت عليه

[آل معمر]

هخهخهخههخههه

من جد رساله داجة ولكن تحس الصدق فيها

الله لا يهينك يا ابو جابر ومثل ماقالوا الشباب الكبميوتر فزع لنا وإلا كان شفت الفضايح

تحياتي