خابرك تزعل !

[متن الهوى]

تدري شسوي كل ماحل طاريك
والا بلاش آقول .. خابرك تزعل

واخاف تبكي كثر ماابكيت مغليك
واخاف اموت إن قلت آمر تدلل

أصلا .. خلاص اليوم ماعاد يمديك
والجرح من جملة خطاياك ينهل

أفنيت عمري بس من شان احاكيك
وعجزت ألاقي في مشاعرك مدخل

غيرت من طبعي على شان اراضيك
وانته ولا ودك إذا غبت تسأل

أغيب لجل الشوق واشتاق وآجيك
وآنا قبل ساعه .. معاك آتعلل

وش حيلتي والقلب نبضه يناديك
ولا من نبض بإسمك يادوب آتحمل

واليوم غير الأمس والله يخليك
ماعاد بي طاقه .. ترى الصبر طول

إن كان ودك تاخذ اليوم طاريك
باموت موتة عز .. قبل آتوسل __________________________________________________ __________________________________________________ ________________________________________________

الشاعر / سعد بن مسهوج

[معيض بن صميع]

الراقي : متن الهوى



ياهلا وغلا ..



صحت يمناك وبيض الله وجهك ..



إختيار جزل وعذب ومألوف لدينا ..



عندما تأتي دائما أخي الكريم تأتي الروعة ويحل الإبداع ..




فشكرا جزيلا لك ..




صح لسان الشاعر سعد بن مسهوج ..




تقبل التحية ودمت بخير ..

[متن الهوى]

ياهلا أخوي معيض .. الله يحييك

تشرفت بكلماتك الراقيه .

ولك جزيل الشكر .