داب .. حمامه .. عصفور

[متن الهوى]

من قصائد الشاعر / نايف صقر .. هذه الرائعه

__________________________


يابير .. طيك طي واعماقك اعماق
ويعيش بك داب وحمامه وعصفور

فاضت عيونك ماك وانبلت احداق
وتنهدت منك محالة الناعور

يوم انبطت روحك سجدتي لخلاق
وعقب ارتفع جمك ضحكتي مع النور

ويوم انهمر دمعك خضعتي على ساق
ويوم انكسر حملك زعلتي على الحور

ياما بك الرمان أزهر فالاوراق
لين اكتنز في حلق نحله ودبور

وياكم وردك وصدرك ضان ونياق
وياكم بهج جمك بعارين وصدور

وياما رطب نخلك تعسل فالارياق
وياما طحين ارضك تقسم على الدور

وياما وهبتيني جل وافنيتي ادقاق
وياما هماجك حل فالخصب والبور

شفتك .. وانا قلبي على صلدك ارقاق
وحسيت في حنجرتي إعظام وكسور

_______________________


والسلامة لكم ..
أقصد سلامتكم .

[ابراهيم آل بي حبيب الرفيدي]

مبدع ينقل عن مبدع

لاهنت يامتن الهوى على هالقصيده الطيبه


للشاعر الكبير نايف صقر

[ذيب النير]

صح لسانك يامتن الهوى عز الله انها


قصيدة طيبه من رجال كفو

[متن الهوى]

الأعزاء ..

_ إبراهيم آل بي حبيب الرفيدي .
_ ذيب النير .

حياكم الله . ولاهنتوا على مروركم الجميل .

[معيض بن صميع]

ارحب يامتن الهوى



شكرا جزيلا لك على هذا الحضور الراقي ..



إختيار عذب وينم عن ذائقة عذبة ..



صح لسان الشاعر الكبير نايف صقر



دام حضورك ودمت بألف خير ..